هل الركنة فتره طويله للعربيه بـتأثر عليها سلبيا ؟؟؟؟
 

السلام عليكم
انا عندى سؤال يا جماعه هو هل لما اركن العربيه فتره طويله الركنه دى تضرها؟
يعنى انا تقريبا مشاويرى قليله و قليل لما با حتاج للعربيه ده طبعا فى المرحله دى لانى لسه طالب جامعى
فساعات بركنها بالاسبوع و طبعا كل يوم او باكتير يومين بنزل اسخنها
بس المشكله ان العربيه بقالها فتره كده مزعلانى اوى وكل شويه تظهر فيها مشكله بالرغم انى مش بستهلكها
يعنى مثلا انزل بيها مشوار كده وتكون زى الفل بعد كده اركنها اسبوع اجى انزل بيها تانى الاقيا مره الكلاكس واطى مثلا و مره العربيه بتقطع و حاجات تانيه بس مش ده موضوعنا انا عايز بس اعرف هيا الركنه نفسها من دون استعمال ممكن تكون سبب فى المشاكل ؟
وللعلم من تلات سنين كنت انا لسه مطلعتش رخصه و ماخدتش العربيه و كان فى سواق بيسوقها و كانت بتبقى فى الغالب معاه و طبعا مما لا شك فيه انه كان بيستخدمها استخدام شخصى يعنى كانت بتتحرك باستمرار المهم فى الفتره دى عمرنا ما احتاجنا العربيه وكانت عطلانه و عمرها ما وقفت فى السكه او حتى عجله نامت !
لدرجة اننا من الاسكندريه روحنا بيها سيناء و روحنا سيوه و شرم يعنى بالعربى العرييه دى لفت مصر و عمرها ما شتكت ليــــــــــــــه كل ده بيحصل لما انا خدتها بالرغم انى مش بستهلكها ؟
أرجو الرد لانى هتجنن وقربت اكره العربيه خلاص

رد: هل الركنة فتره طويله للعربيه بـتأثر عليها سلبيا ؟؟؟؟
 

على حد علمى ان وقوف السياره لوقت طويل
يؤثر بالسلب على بطاريه السياره
وعلى العجلات
وفى انتظار رأى الخبراء فى المنتدى
لأخذ المعلومات كامله

رد: هل الركنة فتره طويله للعربيه بـتأثر عليها سلبيا ؟؟؟؟
 

شوف يا ريس في انواع عربيات واخده على الجري
اه والله العظيم مش بهزر
يعني تلاقيك حتى لو مش راكنها لكن فضلت اسبوع ماشي بيها في الزحمه تلاقيها باظت منك واتبهدلت ولما تصلحها تلاقيها بقت بطيئه والموتور مخنوق
الحل بقى يا سيدي انك كل اسبوع تنزل تصلي الفجر يوم الجمعه مثلا وتطلع من الجامع على طريق العين السخنه مثلا وقفل عداد السرعه ده على الاخر|
وكده العربيه من ناحيا الكهرباء ودوره البنزين والرشاشات والكلام ده حتبقى زي الفل
اهم حاجه بس متعملش حادثه وانت بتجري او يمسكك الرادار
والكلام ده عن تجربه واحد صاحبي
كان عنده نظريه حلوه على فكره في الموضوع
بيقول وانا بجري لو عملت حادثه ومت...اديني لسه طالع من الجامع
مصلحه
هههههههههههههههههههههه
ربنا يكفيك ويكفينا شر الطريق والرادار

رد: هل الركنة فتره طويله للعربيه بـتأثر عليها سلبيا ؟؟؟؟
 

ومتنساش تشيك على ضغط الهوا في العجل وان الاستبن سليم وان الردياتير فيه ميه والتنك فيه بنزين




بس كده

رد: هل الركنة فتره طويله للعربيه بـتأثر عليها سلبيا ؟؟؟؟
 

شكرا يا استاذ محمد على مرورك
بس ايه ياعم اقفل عداد ايه بس
انا مش بحب الجرى ياعم احنا ناس على قدنا مش قدك هههههههه
بس ممكن تكون نظريتك صح لان العربيه جيب شيروكى هيا اللى فى توقيعى وفعلا ناس قالولى دى مش بتاعة واقفه دى بتاعة جرى
شكرا يا باشا لردك

رد: هل الركنة فتره طويله للعربيه بـتأثر عليها سلبيا ؟؟؟؟
 

شكرا استاذ خالد على ردك و اهتمامك
و اذا كان على البطاريه فا انا بسخن العربيه كل يوم و شغاله
المشكله انها مثلا تقطع او صوت الكلاكس يتغير حاجات غريبا بتحصل

رد: هل الركنة فتره طويله للعربيه بـتأثر عليها سلبيا ؟؟؟؟