|
حولت ال f3 غاز
حولت الf3 لغاز وبكرة إن شاء الله رايح للمهندس المختص بظبط الغاز على الكمبيوتر
وبعد اما اجربه عالعربية بإذن الله هقولكم عالنتائج من شركة غاز تك |
رد: حولت ال f3 غاز
منتظرين انطبعاتك يا استاذ احمد
|
رد: حولت ال f3 غاز
الف مبروك يا ابو حميد وكلنا هنحصلك ان شاء الله في ارتفاع البنزين القادم
بس قولنا كلفك قد ايه وعملوا معاك ايه بالظبط والعربية معاك فرقت عن البنزين ولا الفرق مش واضح وتقبل تحياتي |
رد: حولت ال f3 غاز
اقتباس:
وكان مهندس متعاون جدا وادانى نصايح مهمة هقولها بالتفصيل لكل اللى يحب يحول ومحستش بفرق نهائى من التحويل وكأنى ماشى ببنزين 92 بالظبط وأستغربت وسألت المهندس سامح إن انا عارف إن الغاز بيقلل سحب العربية قاللى ان السحب بيقل 5 فى ال100 بس ميتحسش بيه لكن فى العربية الكربراتير عادى تفرق فى السحب شوية والمشاركة الجاية هتكلم فيها بالتفصيل |
رد: حولت ال f3 غاز
اقتباس:
الله يبارك فيك ومستنى الكل يحصلنى لأن البنزين هيخليها خل خالص فيه 5 أنظمة هقولهم بالتفصيل للفايدة العامة 1- النظام الكاش وتمنه 6500 جنيه 2- بدون فايدة على سنة ( بتدفع 3500 كاش وتقسط 3000 على سنة) 250 كل شهر 3- بدون مقدم على 4 سنين حوالى 180 جنيه 4- بدون مقدم على 3 سنين 225 جنيه ( وده اللى أشتركت فيه ) 5- بدون مقدم على سنتين حوالى 300 جنيه وعلى فكرة يا جماعة المهندس اللى ظبطلى العربية قاللى عربيتك عاملة 2200 كيلو متمشيش غاز إلا لما توصل على 3000 كيلو وده أقل حاجة ويكون بمعدل أول يوم لأستخدام الغاز 5 كيلو وتانى يوم 10 والتالت 15 وهكذا يعنى أخلط شوية بنزين وشوية غاز عشان الموتور جديد ومتكساش بالكربون وأى أستفسار موجود معاكم بإذن الله |
رد: حولت ال f3 غاز
والله انتا هتخلي كل واحد فينا يحول عربيته لغاز بس اوعدك انا هحولها في حالة ارتفاع البنزين يعني لو رفع هتلاقيني بحول لغاز في نفس اليوم
طيب الاسطوانه عندك مش ماثره علي ارتفاع العربية ولا ماثره وحلتها ازاي طبعا كدا شنطة العربية بقيت محجوزه للاسطوانه وهتحتاج لشبكة الف مبروك يا جميل وربنا يباركلك فيها ويديك خيرها ويكفيك شرها |
رد: حولت ال f3 غاز
[QUOTE=corsair;211951]والله انتا هتخلي كل واحد فينا يحول عربيته لغاز بس اوعدك انا هحولها في حالة ارتفاع البنزين يعني لو رفع هتلاقيني بحول لغاز في نفس اليوم
طيب الاسطوانه عندك مش ماثره علي ارتفاع العربية ولا ماثره وحلتها ازاي طبعا كدا شنطة العربية بقيت محجوزه للاسطوانه وهتحتاج لشبكة الف مبروك يا جميل وربنا يباركلك فيها ويديك خيرها ويكفيك شرها[/QUOTE على فكرة شنطة العربية اكبر من شنطة معظم العربيات كالفيرنا واللانوس والشيفروليه بتاخد تقريبا تلت الشنطة وكل اللى شاف الأسطوانة فى الشنطة إستعجب من المساحة الباقية مع إن أنا حاطط إسطوانة 70 واللانوس والفيرنا بيحطوا 60 وكمان اللى بيميز ال f3 غير شنطتها إنها عالية أوى عن الأرض وبتستحمل التقل بتاع الأسطوانة شنطة العربية هبطت شوية بعد ملىء الأسطوانة بالغاز لكن حتى بعد ما هبطت بقت فى مستوى علو اللانوس والفيرنا زيرو لكن بردو فيه ملحوظة مهمة :- كنت الأول بطلع على المطبات الغبية بالطول حتى لو مركب 3 ورا والعربية مبتحكش بعد ملء الأسطوانة لو مش مركب حد وخدت المطب بالطول بحس بالأرضية بتلمس على خفيف مش حكة تتلاحظ لا زى صفارة التيل لما بيبتدى يتاكل وجاهز معاكم لأى ستفسار |
| الساعة الآن 03:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017