الحقوني انا خلاص هيجيلي شوجر من كتر التفكير
 

يا اهل الخبرة انا بجد محتار جدا انا معاي 39 الف التوب بتاعي في الشراء وعايز عربية مستعملة في الحدود دي وكنت الجمعة الي فاتت في سوق السيارات في مدينة نصر طبعا رايح اتفرج علي الانوس وان هي فعلا موجودة بالسعر ده بس مكنتش عارف حالتها حلوة ولا لاء لإني ما كنش معايا ميكانيكي لكن صعبت عليا عربية اسمها رينو كليو مو 2004 شركة برة وجوه لونها ازرق ميتالك 5 جنوط سبور كاسيت بيونير وسماعات كمان وباقي الكماليات موجودة ماشية 80 الف كيلو وكانت اول كلمة 41 الف كنت هنزلها ل 38 او 37 الف بس انا محتار بين العربية دي واللانوس لان الكليو ما كانش فيها غلطة واحدة عربية ولا الزيرو فانا الأن محتار بين العربيتين ارجوكم ساعدوني في الأختيار

رد: الحقوني انا خلاص هيجيلي شوجر من كتر التفكير
 

بالتمن اللي بتفكر فيه اللانوس افضل الحلول
من حيث قطع الغيار و اعاده و البيع و سهوله الصيانه

رد: الحقوني انا خلاص هيجيلي شوجر من كتر التفكير
 

بعد اذنك يا استاذ حازم يعني اقدر بالسعر ده اجيب لانوس وان حالتها كويسة ولا لاء للأسف في السوق العربية الي بتتباع ما بيقولوش اتباعت علي كام والعربية الحلوة اوي التاجر او صاحبها بيقول 43 الف وشكرا لإهتمامك يا حضرة المراقب

رد: الحقوني انا خلاص هيجيلي شوجر من كتر التفكير
 

لسه شاري عربيه لواحد صاحبي من اربع شهور حالتها كويسه جدا و ما فيش فيها مشاكل
موديل 99 فابريقه سقف و شنطه و كابود و 37 الف جنيه و صرفنا عليها حدود ال 1000 جنيه
حاول تشوف في محيط معارفك او اصحابك افضل من السوق و لاتجار
و اهلا و سهلا بك في مصر موتورز:)

رد: الحقوني انا خلاص هيجيلي شوجر من كتر التفكير
 

ربنا يطمنك يا حازم بيه هو ده الرنج بتاعي 37 الف واصرف عليها في الصيانة 1000 وشكرا لحضرتك

رد: الحقوني انا خلاص هيجيلي شوجر من كتر التفكير
 

على حد علمى ان الرينو كليو 1400CC ومش متأكد اذا كانت بتنزل تقفيل فرنساوى ولا رومانى او تركى

رد: الحقوني انا خلاص هيجيلي شوجر من كتر التفكير
 

أستاذ أحمد ممكن تشوف هيونداى اكسيل موديل 96- 97 -98 1500 سي سي حالتها نظيفة العربيات دى بجد ممتازة لى واحد صاحبى شاري عربية أكسيل 97 1500 سي سي كاملة اتوماتيك تكييف تلاجة فابريكة السقف والكبوت والشنطة حالتها ممتازة جداُ بسعر 37 ألف يدوب جنط وكاوتش بس وعلى فكرة طبيعة شغله سفر كل يوم تقريباً مش بيقعد فى البيت خالص إلاعلى النوم فقط وبسم الله ماشاء الله زى الفل بجد دخلت فى دماغى أوى وقطع الغيار رخيصة وفى منها الاصلى والاستيراد فكر فيها برضه مع اللانوس 99 وربنا يوفقك إن شاء الله 0