|
ما هى دوشمه الفرامل وما اسباب تلفها بالنسبه للانوس ؟؟
السلام عليكم كيف حالك يا شباب المنتدى الكرام انا كنت وضعت موضوع عباره عن مشكله فى هذا الرابط [http://www.masrmotors.com/vb/showthr...799#post207799 ولكن العضو جاوبنى ان المشكله فى التيل مع انى قمت بتغيير تيل جديد امامى وموضوع سماع التسقيفه او التزييقه الخفيفه ما بين العجل عند السرعات البطيئه مع الضغط التدريجى على دواسه الفرامل فكان رد ميكانيكى فى توكيل الدايو ان المشكله هيا دوشمه الفرامل سابت ومش لازم تتغير دلوقتى ممكن امشى بيها لفتره ولو سمعت صوت على اكثر من اللازم اغيرها قالى ثمنهاالف جنيه للعجلتين واحد تانى قالى الدوشمه تقعد لغايه عشرين سنه فى اراء اكتيره وانا جت لكم يا اهل الخبره ارجو الرد السريع عشان انا رايح العين السخنه الجمعه الى جايه ارجوكم |
رد: ما هى دوشمه الفرامل وما اسباب تلفها بالنسبه للانوس ؟؟
انت لازم تروح لميكانيكي كويس يبص علي الطنابير يشوفها سليمة ولا فيها مشكلة او اتكلت وبعدين يبص علي التيل لو كانوا تمام بص علي نوع التيل كويس ولا بيتاكل بسرعة فممكن يكون هو اللي عامل الصوت وخلية يبص علي علبة الفرامل ويشوف الطاوتش بتاعها ممكن يكون بايظ لكن دوشمة الفرامل دي ما اظنش لا عربيتك لسة 2007
|
رد: ما هى دوشمه الفرامل وما اسباب تلفها بالنسبه للانوس ؟؟
الدشمه يقصد بيها مجموعة الفرامل الخاصة بالعجله ككل من تيل ودسك واكسسواراتهم لكن وصف سابت والعربيه لسه جديدة تعتبر وبتزيق من فرامل خفيفه كمان كله كلام مش راكب على بعضه انت محتاج حد كويس يبص على العربيه والافضل يكون مركز متخصص فى اللانوس وحافظينها ممكن تجرب ابوغالى اللى فى العبور او فيرست كار اللى فى الهرم ايهم اقرب والاتنين عاملين عروض معاهم ولينا خصومات والاتنين معتمدين فى صيانة الدايو
|
رد: ما هى دوشمه الفرامل وما اسباب تلفها بالنسبه للانوس ؟؟
انا رأي انك تراجع علي الدوششمة ال هي بتمسك التيل ممكن تكون التخبطت ومسمايرها فكت
|
رد: ما هى دوشمه الفرامل وما اسباب تلفها بالنسبه للانوس ؟؟
انا بصراحه مش عارف يعني ايه دوشمه!!!!
لو المقصود الطنابير او الديسكات زي ما ابو نورا بيقول فالطنابير مش بتطلع صوت صفاره في العجل الطنبوره لو بايظه حتلاقي دواسه الفرامل بتترعش كل ما بتدوس عليها نتيجه ان الطنبوره فيها عالي و واطي. بالنسبه للتيل انا شفت لانوس كتير التيل بتاعها بيصفر مهما كان نوعه او اتصنفر لما تشتري تيل ابقه شمه لو لقيت ريحته زفره شويه هاته بيبقي كويس علي العربيه و انا رأيي من رأيي ابو نورا شوف مركز متخصص للانوس |
رد: ما هى دوشمه الفرامل وما اسباب تلفها بالنسبه للانوس ؟؟
بسم الله الرحمن الرحيم نبدأ باجابة السؤال اللي هو عنوان الموضوع... يعني ايه دشمة فرامل؟؟ الدشمة أو الـ Caliper دي هي الحاجة اللي بيبقى فيها المكبس أو البستم اللي بيضغط هيدروليكياً على لقم التيل Brake Pads و يخليها تقفش على الطنبورة Brake Disk/Rotorو دي بيبقى شكلها كده.... http://www.2carpros.com/how_does_it_...r_floating.jpg و دي آلية الفرامل http://static.howstuffworks.com/gif/disc-brake3.jpg المكبس الأحمر بيجيله زيت هيدروليكي غير قابل للانضغاط علشان ينتقل الضغط بأكمله للمكبس ده و يضغط لقمة التيل (الزرقا دي) اللي لازقة فيه لحد ماتخبط الطنبورة تقوم الدشمة كلها تتزحلق على الـ slide pins و يبقى الضغط على الطنبورة من ناحيتين. و الصفحة دي فيها فلاشة بتوضح الموضوع ده.. http://auto.howstuffworks.com/auto-p....htm/printable طيب سابت إزاي بقى؟؟؟؟؟؟.... أقولك... الـ Caliper دي بتتثبت عن طريق بنزين (2 pins)أو اسمهم Slide pins دول بقى كده شكلهم مهويين أو فيهم حاجة غلط... و أدي الصورة.... http://static.howstuffworks.com/gif/...ke-diagram.jpg دور على slide pins في الصورة... في الغالب هم دول السبب و دول بيتغيروا عادي جداً... بس بالنسبة للتزييقة دي غريبة قوي... المفروض في حالة إن الـ Caliper سايبة تسمع صوت تكة كده مع الفرامل... أنا رأيي حضرتك تفك عجلة و تخلي حد يدوسلك فرامل تشوف إيه اللي بيحصل للدشمة... و الله أعلم... في رعاية الله... |
رد: ما هى دوشمه الفرامل وما اسباب تلفها بالنسبه للانوس ؟؟
اقتباس:
و شكرا على المشاركة المفيدة. |
| الساعة الآن 06:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017