عاوز عربية اتوماتيك من 70 م 85 الف اختار
 

سلام

انا خلاص تعبت من كتر الاختيارات و قلت اعمل تصويت يمكن اطلع بنتيجة تقربلى الدنيا شوية طبعا فيه ناس هتقول مفيش وجه مقارنة دي محرك كذا CC ودي صيني دي كيت وكيت فقلت احط أنا عاوز إيه في العربية وياريت بلاش موضوع الزيرو وكسر الزيرو أو واحد يقولي لوجان مثلا علشان أنا الاوتوماتيك عندي اساسي

1- تكون عائلية 3~4 أفراد
2- مش لازم لا شد ولا سرعة يعني اخري 120 في السفر
3- اقتصادية في البنزين يعني أنا استخدامي حوالي 80 ك كل يوم جوه القاهرة
4- قطع غيار وصيانة عند أي حد فيكي يا مصر علشان غلبت وزهقت من الفتيين الميكانيكية
5- اعتمادية في السفر الكتير مش مهم السرعة المهم متعتطشي مثلا في طريق زي ودي النطرون [IMG]http://www.**********.net/Nile/images/smilies/majd%282%29.gif[/IMG]
6- لازم ولابد ان تكون اوتوماتيك
7- السعر 85 ده آخر حاجة يعني بلاش زود وهات كذا أو كذا حتى لو فرق بسيط احمم


الاختيارات هى

1- بريليانس FRV 86000 أو - بريليانس FSV 81000
2- افيو 81500
3- ديهاتسو سريون 85000
4- اكسنت 81900
5- جيتز 81000
6- أي 10 72500
7- .فرنا 74500
8- بكانتوا 70000
9- ساجا 69000
10- سيلاريو سوزوكي 70000<!-- google_ad_section_end -->

رد: عاوز عربية اتوماتيك من 70 م 85 الف اختار
 

للاسف العربيات دى لو فيها كل اللى انته عاوزة ماكنتش حتبقى بالسعر ده
فى رأى ولا عربيه من دول تنفع ألا الاكسنت والجيتس بنسبة 60%

رد: عاوز عربية اتوماتيك من 70 م 85 الف اختار
 

النيو اكسنت اختيار ممتاز انا سقتها وجربتها ومع اصدقاء كتير ليا وجوا العيله كمان عربيه اكثر من ممتازه على سعرها ده

بالتوفيق

رد: عاوز عربية اتوماتيك من 70 م 85 الف اختار
 

يا ريت لو ينفع تعمل تصويت فوق أكون سعيد جدا علشان في الاخر اقدر احدد بسرعة فعلا أحسن واحدة فيهم جزاك الله خيرًا

رد: عاوز عربية اتوماتيك من 70 م 85 الف اختار
 

رد: عاوز عربية اتوماتيك من 70 م 85 الف اختار
 

لو انا مكانك هجيب اكسنت واضحى بالاقتصادية
لان الاكسنت هتتجمع بعد كدة فى مصر وهتكون صيانتها وقطع غيارها رخيصة

رد: عاوز عربية اتوماتيك من 70 م 85 الف اختار
 

ماهو بالتأكيد مافيش ولا واحدة فيها كل المواصفات دي...
البرليانس متقدرش تقول عليها اعتمادية في وادي النطرون ولا انها بتتصلح عند أي واحد فتاي
الأفيو مش بطالة بس اللي أعرفه إن الأوتوماتيك بتاعها مش قد كده
الديهاتسو و الجيتز و الآي10 والبيكانتو مش عائلية خالص
والسيريون قطع غيارها مش رخيصة طبعاً
الفيرنا جراية بس المفروض ماتجريش بيها لأن فراملها و أساسياتها أضعف من قوة موتورها وأظن برضه إن الأوتوماتيك بتاعها مايجيش
الساجا كويسة لكن لو حتصلحها في التوكيل و قطع غيارها مش رخيصة
وكده يعني....
كل واحدة لها مميزات وعيوب والاختيارفعلاً مش سهل مالم تتنازل عن بعض الشروط.