|
استشارة لشراء سيارة 7 راكب
بسم الله الرحمن الرحيم السلام عليكم ورحمة الله وبركاته و جزاكم الله خيرا على هذا المنتدى الرائع ,,,وبعد فإني أريد شراء سيارة 7 راكب مثل رينو لوجان MCV أو تويوتا أفانزا أو غيرها وأريد من أهل الخبرة مساعدتي بأي معلومات في هذا الموضوع فما ندم من استشار ومرة أخرى جزاكم الله خيرا كثيرا والسلام عليكم ورحمة الله وبركاته |
رد: استشارة لشراء سيارة 7 راكب
وعليكم السلام ورحمة الله وبركاتة
اهلا بيك يا شيخ خالد فى مصر موتورز ويارب نقدر نفيدك باذن الله اولا ياريت نعرف من حضرتك طبيعة استخدامك للعربية والشريحة السعرية اللى حضرتك عايز عربية منها وهل خيارات الستيشن مطروحة ولا لاء |
رد: استشارة لشراء سيارة 7 راكب
جزاكم الله خيرا أخي الفاضل / أبو نورا وجعله في ميزان حسناتك إن شاء الله
بالنسبة لإستخدام السيارة (إستخدام عائلي حيث أن عدد أسرتي كبير أمي وزوجتي وأولادي عبد الرحمن ومريم وخديجة ومعاذ ) وبالنسبة للشريحة السعرية في حدود 30000 مقدم والباقي قسط في حدود 40000 و خيار الاستيشن مطروح طبعا أسأل الله أن يهد قلبك ذنبك ويحصن فرجك ويغفر ذنبك وجزاك الله خيرا |
رد: استشارة لشراء سيارة 7 راكب
يعنى ميزانية حضرتك 70000 جنية ولا اية انا مش فاهم ياريت توضح اكتر ؟؟
|
رد: استشارة لشراء سيارة 7 راكب
السلام عليكم أخي الفاضل وجزاكم الله خيرا على الإهتمام
بإذن الله أستطيع دفع مقدمة في حدود 30000 وسداد أقساط شهرية في حدود 1000 جنيه شهريا بارك الله فيك ويسر لك الخير حيثما كنت . |
رد: استشارة لشراء سيارة 7 راكب
سلام ابو نورا
انت ماردتش ليه على الراجل نفسك اتسدت ولا ايه ما تقوله على اللى فيها ولا اقولك انا هاقوله..... شيخ خالد يا مرحبابك يا شيخ.. شوف يا شيخ انا هاقولك على الحقيقه بس مفيناش زعل... المبلغ اللى معاك ده بالقسط ده مايجبش ولا حتى افانزا...انا كنت هاقترح عليك بيجو 307sw بس انت قفلتها بالفلوس لكن اريحلك وانجزلك هات 504 ستيشن بتتباع دلوقتى رخيصه عشان القوانين الجديده ولما ربنا يرزق ابقى هات ال 307sw تفضلااا.... ويمكن حد من الشباب يقترح اقتراح اخر وما خاب من اشتشار... |
رد: استشارة لشراء سيارة 7 راكب
ptmnlo123per1127
الافانزا 1.3 وديه منصحش بيها 89 الف وال 1.5 ب 105 الف وبصراحة الافنزا عامة حضرتك روح شوفها فى اى معرض متختلفش كتير عن اى ميكروباص تويوتا مفيهاش اى لمسة ادمية بصراحة اللوجات اشيك سنة و 1.6 ب 92 الف يعنى توفير اكتر من 10 الاف جنية وبالارقام موتور اللوجان افضل تادية مع الاحمال فراس براس اللوجان تكسب وخاصة لو صدقت التوقعات وانتشرت اللوجان اكتر فى الايام الجاية بس طبعا يفضل تنتظر شهر ولا اتنين لما نشوف اتفاقية اغادير هتتطبق بانهى طريقة اصلا لاكن عامة العربيتين معمولين بشكل اقتصادى فتلاقيهم اقل حاجة فى الفئة ديه من حيث السعر بس لو على التفضيل يبقى زى ما قال اخونا ايمن ال 307SW شياكة وماركة وسمعة وعمر طويل كل حاجة حلوه معادا التوكيل وانا شخصيا بفضل فى الفئة ديه الجراند تريوس عربية اقتصادية اوى فى البينزين توكيل محترم جدا جوده يابانية معقولة جدا كماليات كتير وكافية جدا وتصميم داخلى شيك وخارجى ظريف برضو وسعرها ارحم شوية من ال 307SW فى حدود 150 وممكن ارخص لو خليجى فيه طبعا الكادى ليف بتاعة فولكس بس سعرها عالى وتصميمها مش مقبول لناس كتير وغير كده لسه منتشرتش زى التريوس او البيجو وطبعا نفس مشكلة التوكيل من حيث الخدمة وقطع الغيار |
| الساعة الآن 09:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017