استفسار عن زيت توتال 3000
 

لدى سيارة دايولانوس 2001 استعمل لها زيت توتال 3000واغيرة بعد 3500كم وعند التغيير اجد الزيت به لزوجتة ولونه مازال مصفرا حتى ان الميكانيكى الذى يغير الزيت قال لى انى استطيع ان امشى علية حتى 4000كم فما راى خبراء المنتدى ولكم خالص تحياتى

رد: الى حبراءا لمنتد ى
 

هوا انا مش خبير
بس يتهيألي ان في عامل مهم خد بالك منه ان الكيلووات دي لو انت بتقطع فيها يعني مش زي الاجرة اللي شغالة ليل نهار فتقريبا كده ممكن تكمل شوية بس برده انت لازم تسأل صنايعي الزيت

رد: الى حبراءا لمنتد ى
 

رد: استفسار عن زيت توتال 3000
 

محدش يقدر يجزم ابداً ان الزيت الفلانى يستحمل كذا الف وبعدها مينفعش
ليه ؟
لان الموضوع بيختلف من حالة موتور للتانى ومن حالة جو للتانى ومن طريقة قيادة للتانيه
وبالتالى لو انت موتورك جديد وبتسوق فى جو الاتربه والشوائب فيه اقل والفلتر (هواء) بتاعك بتنظفه باستمرار وبتستخدم فلتر (زيت) كويس وبتغيره مع كل تغيره زيت وطريقة قياتك معقولة ممكن الزيت يقعد ضعف بل اضعاف المدة المعلن عنها تجارياً

وعلى العكس لو حالة الموتور اقل والجو حر اكتر وفيه اتربه اكتر والفلاتر مش كويسه وانت بتجرى جامد المفروض تغير زيت فى نص المدة كمان

فالموضوع نسبى مش ثابت لكن عامة لما بيتقال الزيت الفلانى 3 الاف او 5 الاف ديه كلها ارقام غير دقيقة اصلا وعمرها ما بتتكتب بشكل رسمى على العبوة هى مجرد اقتراحات من المصنع للزيت ويغلب عليها العوامل التجارية

رد: استفسار عن زيت توتال 3000
 

منور يا ابو نورا
عشرة على عشرة

رد: استفسار عن زيت توتال 3000
 

انا اعمل في مجال تسويق وبيع الزيوت. لدي جميع المنتجات تقريبا ولدي احتكاكات كثيره بالناس اللي صاحب سياره واللي بيغير زيت <الصنايعي>. اللي بيحدد الحاجه الي تغيير زيت السياره في البدايه دليل المصنع ثم ياتي بعد ذلك حاله السياره التي معك ثم بعد ذلك طريقه قياده السياره زيت توتال 3000 او موتور اويل اسمه الجديد زيت كويس جدا و علي فكره مفيش مصنع زيت بيقول ان الزيت يقعد كام كيلو في السياره. وكمان ما تنساش ان الجو عامل مهم ايضا في هذا الموضوع كلما انخفضت درجات الحراره كلما قلت الحاجه الي تغيير الزيت ليه ؟ علشان اليت ما بيلحقش يتحرق في الموتور بعكس ايام الصيف. واللي اهم من ده كله المصدر اللي بتشتري منه الزيت علشان في ناس كتير قوي بتضرب الزيت . بمعني تعبئه اصناف رديئه في جوالين او جراكن مما يضر بالسياره ويحقق الربح الوفير لدي هؤلاء الباعه الغشاشين النصابين . حفظكم الله من شرار خلقه

رد: استفسار عن زيت توتال 3000
 

ماقاله الزملاء فيه الكفاية فان 3000 مجرد توصية تجارية ويتوقف تغيير الزيت على فقده لخواصه سواء قبل او بعد المدة الموصى بها واهمها السخونة الزائدة جدا التى قد يتعرض لها المحرك -او قرب دخول المحرك على عمرة
عموما حتى لااطيل اذا كان المحرك او السيارة فى سنواتها الاولى والقيادة هادئة وعقلانية فلا خوف من زيادة مدة التغيير للزيت مع تكملة النقص عند الحاجة
اسف للاطالة GIFT4U