ياريت حد يفاهمني
 

اولا السلام عليكم ورحمة الله وبركاته

ثانيا بجد المنتدي واحشني جدا جدا جدا جدا
مش باعدني عنه غير الشديد القوي والله انا في دوامة من فترة ومش عارفة اطلع منها خالص وادعولي ربنا يسهلها من عنده من ضمن الدوامة ديه !
العربية ياجماعة ولعت مرتين
او مرة من يومين الكابوت طلع دخان والحمد لله اتلاحقت كانت في اولها يدوب هبت نار وستر ربنا انا كان في خرطوم حريق كان قريب من العربية المهم راحت العربية للميكانيكي وقال دة خرطوم البنزين بيسرب المهم اتغير الخراطيم وضفيرة وكده المهم العربية ماشيت وكانت كويسة وتاني يوم عاملت نفس العاملة لما كرهت العربيات ووالحمد لله المرتين العربية مكانتش معايا ايه السبب ياريت اللي يعرف يقولي ممكن تكون بتعمل كده من ايه ؟؟؟؟؟؟؟؟؟
مع العلم هي بتعمل كده اول لما توقف ( تبطل يعني ) بتمشي كويس تجي تركنها تقوم والعياذ الله مولعة كده من تحت الكابوت وخايفة تحصل تالت وما لحقهاش


ربنا يستر ......................... ....................

رد: ياريت حد يفاهمني
 

لو العربية حديثة اكشف علية بالكمبيوتر و هو يقول لك العيب فى ساعتها

رد: ياريت حد يفاهمني
 

العربية نوعها ايه تفاصيلها والنار بتلاقيها فين بالظبط

رد: ياريت حد يفاهمني
 

لا العربية اللي لسه جيبها من قريب مستعملة عربية اونو 94

رد: ياريت حد يفاهمني
 

العربية اونو ايطالي 94
بيطلع دخاااااااااااان كتير من الكابوت واول ماتفتح هابت نار واول مرة سيحت العمة والخراطيم كلها واتعملت ومش عرفين منين الميكانيكي قال خرطو البنزين بينقط ع الكربيراتير واتغيرت كل حاجة بس تاني ويم عملت نفس العاملة بس كانت اكتر شوية
مش عارفة اعمل ايه موضوع مش طبيعي مع العلم ان العربية كانت لسه مخبوطة خبطة خفيفة وظبطتها كلها من الالف للياي
قبل موضوع اللنار باسبوع واترشت رشة خفيفة نظافة والمفروض انها طالعة كانها جديدة

رد: ياريت حد يفاهمني
 

يعني حضرتك متأكدة إن الموضوع في البنزين، يعني الرادياتير ودورة التبريد سليمة؛ لأن لو في خلل في دورة التبريد -يعني في المية أو المروحة- هتجيب معاكي جونات وش سلندر على طول، وأعتقد إن ده ممكن يكون هو إلا حصل، فمعلش حضرتك اكشفي على دورة التبريد كاملة، وربنا يسترها معاكي ويحلها على خير إن شاء الله، وعودا حميدا، وحشتنا مداخلاتك، ربنا يرفع عنك إن شاء الله

رد: ياريت حد يفاهمني
 

و الله اعلم علشان انا مش عارف الاونو بس لو على الوصف بتاعك ان الموضوع ده بيحصل لما العربية تبطل يبقى احتمال خرطوم البنزين الى داخل على مضخة البنزين بيسرب و تفسيرى كالاتى:

1. اثناء عمل الماتور التسريب مش حيحصل لان المضخة بتسحب من الخرطوم فلو مخروم مش حيسرب
2. لما العربية تبطل المضخة بتقف و ساعتها الخرطوم حيسرب و يرش بنزين على اجزاء الماتور السخنة
3. لما الكابوت بيتفتح بيدخل هواء جديد غنى بالاكسوجين تقوم النار هبه