مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   الحمد لله إشتريت العربية من المعرض...أعمل إيه بعد كدة؟؟!! (https://www.masrmotors.com/vb/showthread.php?t=28363)

dr.Emma 18-06-2010 09:43 PM
الحمد لله إشتريت العربية من المعرض...أعمل إيه بعد كدة؟؟!!
 
أنا ماعرفش أى إجراءات و ماليش حد فى المرور
قالولى أروح التوكيل أحط الكاسيت...المفروض أعمل إيه هناك
أروح التوكيل الأول وللا المرور الأول ؟
باعمل إيه بالضبط فى المرور و ترخيص العربية بيستغرق قد إيه و بيتكلف كام؟
لازم لما أروح المرور يكون معايا رخصة قيادة؟ أصلى لسة ما طلعتهاش
فيها حاجة لو مشيت بالغربية من غير نمر!!

و لو حد عاوز يضيف أى نصايح أو ملاحظات بعد إجابة السئلة يبقى كتر خيره
............. و شكراً:waving:

AKRAM_BMW 19-06-2010 02:17 AM
رد: الحمد لله إشتريت العربية من المعرض...أعمل إيه بعد كدة؟؟!!
 
إجراءات ترخيص سيارات الملاكى لأول مرة
إجراءات ترخيص سيارات الملاكى لأول مرة

1 - إثبات شخصية المالك ومحل إقامته .
2 - سند الملكية ( عقد بيع مسجل أو فاتورة شراء من تاجر أو شركة معتمده لدى إدارات المرور للترخيص ) .
3 - شهادة بيانات أو رخصة سارية الضريبة من أى إدارة مرور على مستوى الجمهورية إلى إدارة مرور المحافظة .
4 - نموذج 51 + طابع شرطه 3 جنيه .
5 - طلب فحص فنى + طابع شرطة 1.50 جنيه .
6 - سداد الضرائب والرسوم المقررة .
7 - الفحص الفنى لمركبات الملاكى كل ثلاث سنوات .
8 - يجوز ترخيص السيارة الملاكى لمدة عام أو ثلاث أعوام .
9 - تقديم شهادة مخالفات فى حالة التجديد السنوى .
10 - إقرار ملكية وقيادة المركبه الملاكى .

Injection 19-06-2010 02:25 AM
رد: الحمد لله إشتريت العربية من المعرض...أعمل إيه بعد كدة؟؟!!
 
المشى من غير نمر مفيش فيه مشكلة كبيرة طالما ورق العربية وعقد الشراء مع حضرتك ومعداش عليه فترة طويلة.

وده لينك فيه موضوع خطوات التجديد
http://www.masrmotors.com/vb/showthread.php?t=9378

وياريت يبقى مع حضرتك فلوس فكة علشان المرور بيمشى بالفلوس.

ومبروك على العربية الجديدة.ptmnlo123per179

wanees 27-06-2010 09:30 PM
رد: الحمد لله إشتريت العربية من المعرض...أعمل إيه بعد كدة؟؟!!
 
لمشي بدون نمر طبقا للقانون يؤدى الي سحب رخصة القيادة والسيارة والغرامه فانتبه عليك بتاجير نمر تجاريه قبل الانتقال بالسيارة

محمد يونس 29-06-2010 01:29 PM
رد: الحمد لله إشتريت العربية من المعرض...أعمل إيه بعد كدة؟؟!!
 
يمكنك المشي بالسياره داخل المحافظه اللي انتي فيها بدون نمر لمده اسبوعين الي ثلاث اسابيع من تاريخ اصدار الفاتوره....ولكن التنقل خارج المحافظه يجب ان تركب نمر تجاريه

hazem_khidr 29-06-2010 01:56 PM
رد: الحمد لله إشتريت العربية من المعرض...أعمل إيه بعد كدة؟؟!!
 
غلط انك تمشي بالعربيه من غير لوحات معدنيه
و كمان مافيش معاك رخصه قياده يعني لو ضابط
حب يرخم عليك حياخدك انت و العربيه علي القسم
و هو حقه علي فكره ...يضمن منين ان دي عربيتك ولا انت بتعرف تسوق؟؟
استني ورق العربيه لما يجي و بعدين خد العربيه روح المرور التابع لك و رخصها مش حتاخد يوم
و بعدين تطلع رخصه السواقه و لحين خرجها الافضل انك ما تمشيش بالعربيه


الساعة الآن 11:49 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017