|
ممكن مساعدة فى رينو كليو 2004
السلام عليكم..
شكرا لكل الناس اللى شاركة خبراتها وتجاربها هنا. انا من زمان وانا بحب الرينو لكن بعد ما دخلت على الموقع ده حبيتها اكتر. ودلوقتى انا معروض عليا كليو موديل 2004 جميع الكماليات مانيول فابريكة برة وجوة ماشية 93000 كم بحالة الزيرو على كلام صاحبها وطالب فيها 47000 جنيه. انا عارف ان لازم اكشف عليها الاول طبعا لكن لو العربية فعلا تستاهل ايه السعر المناسب ليها. انا حاسس ان 47 الف ده سعر مبالغ فيه اوى وشكرا على كل المعلومات اللى عرفتها عن طريقكم |
رد: ممكن مساعدة فى رينو كليو 2004
47 الف كتير شويه ولو زودت عليهم 5 او 7 الاف تانى هتجيب عربيه موديل 2007 او 2008 كامله وماشيه كم اقل من كده او تقلل ال47 دول 3 الاف ولا 4 الاف
حاول تدور شويه ومتستعجلش وربنا يوفقك للخير ان شاء الله |
رد: ممكن مساعدة فى رينو كليو 2004
الف شكر يا بوب على الرد السريع وربنا يسهل فى حاجة كويسة ان شاء الله
|
رد: ممكن مساعدة فى رينو كليو 2004
انا شوفت اعلان عن سيارة رينو كيلويو مو 2004 بحالة جيدة عامله 65000 كيلو اتصلت بصحبها قالى اتباعت سائلته بكام قالى 36 الف وسألته عن حالة العربية قالى انه كان مسافر وهو اول ايد ومكانش بيستعملها غير فى الاجاوة كل سنه 15 يوم يعنى زيرو المهم ده حدود سعر العربية وربنا يوفق
|
رد: ممكن مساعدة فى رينو كليو 2004
الراجل كان مسافر وبعها استعجال لكن ده مش سعر العربية أبدا العربية لونظيفة وحالتها ممتازة وجميع الكماليات لو خلصت على 44000 يبقى حلو انزل السوق وانت تعرف سعر العربية
|
رد: ممكن مساعدة فى رينو كليو 2004
انا كنت عايز كليو زيك بس لما فكرت و سألت برضو ارتحت للميجان 1 موديل 2002 و 2001 و 2000 اتوماتيك و من انضف عربيات رينو ان لم تكن هى الافضل و تفرق عن الكليو انها اوسع بكتير سحب اقوى و ثبات و اتوماتيك متوفرو فرنساوى 100% و سعرها بيكون 45 .. حطها فى اعتبارك و فكر فيها
|
رد: ممكن مساعدة فى رينو كليو 2004
بعد اذن الجميع انا كنت في سوق السيارات الجمعة الماضية ولقيت 3 عربيات رينو كليو موديل 2004 فبريقة بره وجوه ومافيهمش الهوا وبها جميع الكماليات بالإضافة الي جنوط اسبور وطقم كاسيت وسماعات بيونير كان اول كلام التاجر علي41 الف ولما قولتله اخر ده قالي خلاص 39 ونص يعني هتجيبها اقل من كده والله العربية ما فيها غلطة
|
| الساعة الآن 08:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017