مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   هل يجب عدم ايقاف المحرك مباشرة بعد المشاوير الطويلة ؟ (https://www.masrmotors.com/vb/showthread.php?t=2785)

MosTafaFox 09-10-2008 07:24 PM
هل يجب عدم ايقاف المحرك مباشرة بعد المشاوير الطويلة ؟
 
ديه معلومة شائعة جدا ان العربية بعد مشوار طويل او سفر غلط انك تبطل الموتور مرة واحدة ولازم تسيبها دايرة فترة وبعدين تبطل واللى يقول علشان الزيت يبرد واللى يقول علشان الموتور يبرد ومفيش سبب علمى اكيد

فافيدونا يا اهل الخبرة هل الكلام ده صحيح ولو صحيح ايه السبب فى كده وهل ده ينطبق على السيارات الحديثة برضو ولا لاء

Semsem999999 09-10-2008 08:36 PM
رد: هل يجب عدم ايقاف المحرك مباشرة بعد المشاوير الطويلة ؟
 
فعلا انا سمعت الكلام ده كثير وبرضه مش عارف مدى مصداقيته ؟؟؟؟؟؟؟؟؟؟؟؟؟؟؟؟؟؟؟؟؟

sh_masry 09-10-2008 09:23 PM
رد: هل يجب عدم ايقاف المحرك مباشرة بعد المشاوير الطويلة ؟
 
يا اصدقائى هذه المعلومه خاطئه 100% بالنسبه للعربيات البنزين و لكنها صحيحه للعربيات الديزل (السولار-الجاز)

SAbuhashem 10-10-2008 11:09 AM
رد: هل يجب عدم ايقاف المحرك مباشرة بعد المشاوير الطويلة ؟
 
أسف لكن المعلومه صحيحة ١٠٠ ٪
لكن بشروط

ده بيحصل لما بيكون في ضغط أو إجهاد عالي على الموتور وبالذات المواتير إلي فيها نسبة الإنضغاط عاليه يعني يكون في شد جامد أو ماشي مشوار بسرعة عالية وفي حمولة في العربية

وعلشان كدة في العربيات التربو احنا بنركب التربو تايمر وده لما تشيل المفتاح من الكونتاكت وتقفل السنتر كمان العربية بتفضل شعالة لمدة محددة مسبقاً على حسب نوع الإجهاد إلي كان على الموتور وتنطفي لوحدها بعد فترة ممكن توصل ال-٥ دقائق في العربيات التيربو بعد سباق مثلاً .

أما لو كنت ماشي مشوار بسيط أو حتى طويل لكن بسرعة هاديه و-RPM منخفض فالإنتظار بيكون ثواني بسيطة لكن بردو مش مجرد ما تقف العربية تقفل الموتور

والسبب في ده إن كل الزيت بيكون في الجزء العلوي من العربية ومعظم أجزاء الموتور السفلى في درجة حرارة عاليه جداً .

أثناء فترة الإنتظار بينزل الزيت خلال دورته من الجزء العلوي _ وش السلندر _ ومعاه كل الرواسب علشان متتركنش على الكامات وبيتبرد الموتور أكتر علشان لو قفلت الموتور وهو سخن الزيت هيهبط مرة واحده في القاع أما لو سبت العربية شغاله هيستمر الزيت كله على الهادي في دورته وده هيبرد الموتور أكتر وبكفاءة أعلى .


Thanks
Eng.Sherif Shaker

Semsem999999 10-10-2008 01:22 PM
رد: هل يجب عدم ايقاف المحرك مباشرة بعد المشاوير الطويلة ؟
 
يا أخي بجد أنا مش عارف أقولك إيه إنت فعلا مهندددددددددددددددددددددد ددددددددددس

الف شكر على المعلومة

sh_masry 10-10-2008 03:13 PM
رد: هل يجب عدم ايقاف المحرك مباشرة بعد المشاوير الطويلة ؟
 
شكرا يا باشمهندس شريف على المعلومه دى لأنى اول مره اعرفها بجد .........
بس سؤال بعد اذنك هل ده بالنسبه للعربيات الملاكى العاديه زى عربياتنا ؟؟
لأن فى اعتقادى ان عربياتنا العاديه مش بتوصل لدرجه السخونه الفظيعه دى مهما كان التحميل على الموتور فبالتالى فى رأيي هى معلومه خاطئه بالنسبه للسيارات الملاكى العاديه ...... و ارجو التصحيح
و لك جزيل الشكر ياباشا و منورنا يا باشمهندسنا .

AbOnOrA 10-10-2008 03:29 PM
رد: هل يجب عدم ايقاف المحرك مباشرة بعد المشاوير الطويلة ؟
 
الله يا ينور عليك يا شريف بجد

بس انا بأكد على سؤال شريف برضوا لان عربيتى مثلا لما بكون مسافر بيها الحرارة بتقل حتى عن المعدل الطبيعى (النص) بفعل الاصطدام بالهواء طول السكة فبيبقى مؤشر الحرارة على (الربع) فى الغالب فهل نفس الكلام ينطبق على العربيات اللى بالشكل ده برضو

وهل نفس الكلام ينطبق على الزيوت التخليقية ولا ملهاش علاقة ؟


الساعة الآن 07:17 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017