المشاركة الأصلية كتبت بواسطة odaoda (المشاركة 195612)

اكصدام امامى 580
اكصدام خلفى 580
رفرف امامى 520
فانوس امامى 620
فانوس خلفى داخلى 195
فانوس خلفى خارجى 230
فلتر زيت 27
بنزين 39
هواء 50
اسطوانة دبرياج 260
سير دينامو 60
مساعد خلفى 280
تيل امامى فرامل 185
تيل خلفى 240
مرايا 280
مساعد امامى 300

الاسعار من التوكيل وانا بستلم العربية من 3 اسابيع ومرضيش يخلينى اصور ورقة الاسعار واكتفيت بنقلها فقط
انا بكتبها لانى شفت ناس بتقول الفانوس ب 800 جنية والاكصدام 900
فمش عارف اية الحقيقة بلظبط؟

المشاركة الأصلية كتبت بواسطة د.كمال (المشاركة 196103)

ربنا ما يحوجنا لقطع الغيار ويبعد عنا العين

المشاركة الأصلية كتبت بواسطة د.كمال (المشاركة 196362)

انا اشتريت من يومين الجاك ورخصت الحمدلله..اشتريتها من احد المعارض فى مدينتنا الساحليه ب72 الف اللون الفضى ..وكانت حكايتى حكايه..انا كنت حاجز اصلا ال byd من 3 اسابيع واتاخر التسليم وصاحب المعرض اللى انا حاجز عنده اخبرنى بانه جاب سياره تانيه وطلب منى اشوفها ..ورفضت اشوفها..وقلت له انا عايز السياره الbyd اللى انا حاجزها ودافع فلوسها كاش ..وحس انى زعلان من تاخير تسليم العربيه...واتصل بيا تانى وقاللى تعا لى شوف العربيه اللى انا جايبها ومتشتريهاش ..بس تعالى شوفها..وعلشان مزعلوش قلت اروح واشوف..ولما ورانى العربيه اتفجاءت..ايه ده..معقول دى عربيه..وصناعه صينى..وفضلت الف حولين العربيه..واشوف جمال التصميم ..الفوانيس.. الببان ..ارتفاعها عن الارض..الشكل العام من الامام والخلف..وفتحت الببان وجلست على كرسى السائق..ايه الفخامه دى..بصيت للتابلوه..اصابنى الزهول من روعه التصميم..لو رسمها فنان على لوحه مش هيكون زى كده..التكييف..ال سى دى..لوحه العدادات..الفرش جلد طبيعى...التقفيل محدش بئه يؤللى ممتازه ولا غيره..دى بئه فوق الممتازه..كل الكماليات اللى الواحد يتخيلها .مسابوش حاجه نتعاير بيها...انا اصلا مش عايز الاوتوماتك ياحبيبى...وبصراحه الت فى نفسى ايه اللى انا كنت حاجزها دى ..ونسيت اسمها وطلبت من صاحب المعرض اروح البيت اجيب فرق الفلوس وانا فى حاله زهول وانبهار ولما رجعت المعرض بعد ساعه لئيت اتنين زباين عايزين يشتروها..دفعت الفلوس وكتبنا العقد وحط عليها نمر تجاريه واخدتها وبعد يومين رحت رخصتها فى المرور..وكانت زفه ..كل اللى يشوفها يسالنى عنها..بصراحه العربيه دى هتاكل كل اللى نازل وتبلعهم بلع......وانا عن نفسى اطلقت عليها لقب ....الساحره جاك....

.