قطع غيار 121
 

السادة أعضاء المنتدى الكرام

تحية طيبة و بعد .....

أولا أود أن أشكر القائمين على هذا المنتدى الرائعو أتمنى لهم دوام النجاح و التوفيق كما أتمنى الازدهار لهذا المنتدى.

ثانيا : - عندي سيارة مازدا 121 موديل 1997 ، و هي بالفعل سيارة جيدة جدا إلا أني محتار جدا في موضوع قطع غيار هذه السيارة فأنا أريد تغيرر المساعدين الخلفي وهم غير موجودين بالمرة في الأسواق المصرية و كذلك المقصات الأمامية.

و السؤال : - كيف توجد سيارة في السوق المصرية بلا قطع غيار أو توكيل يستطيع توفير قطع غيار السيارة ؟

أرجو من السادة المهتمين الرد على سؤالي هذا.

كما أتمنى أن يدلني أحد الأعضاء أو السادة القائمين على المنتدى على توكيل أو أحد مراكز الصيانة أو أحد مراكز قطع الغيار حيث أجد المساعدين الخلفيين و المقصات الأمامية.

و لكم مني جزيل الشكر و العرفان

و تفضلوا بقبول وافر الاحترام و التقدير

رد: قطع غيار 121
 

اولا اشكرك على ذوقك وكلامك الجميل واهلا بيك فى مصر موتورز

بالنسبة لعدم توفر قطع الغيار لبعض السيارات فده وارد حدوثة للعربيات اللى مش منتشرة للاسف لان قطع الغيار تجارة قائمة على العرض والطلب

بالنسبة لقطع غيار المازدا عموما فهى مش منتشرة اوى الا استيراد لاكن بالنسبة لل 121 فهى بتشترك مع الكيا برايد فى نسبة كبيرة من المكونات لان البرايد و121 نسختين لعربية واحدة بس واحدة بجودة عالية (121) لاسواق اوروبا وامريكا واليابان وكيا اشترت التصميم لاعادة انتاجة بشكل اقتصادى للدول الاقل

فانا انصحك تاخد العربية لحد بيشتغل فى البرايد او تشوف المساعدين بتوع البرايد ينفعوا يركبوا عندك ولا لاء وان مكانش كده يبقى عليك وعلى الاستيراد سواء عزبة شلبى او المهاجرين الخ الخ

رد: قطع غيار 121
 

الأخ العزيز / أبو نورا

أشكرك على الرد الوافي و النصيحة الغالية.

على فكرة أنا كمان أبو نورا ( محاسن الصدف )

رد: قطع غيار 121
 

هل مارش البرايد ينفع مع مازدا 121 ولكم جزيل الشكر

رد: قطع غيار 121
 

أشكر القائمين على هذا المنتدى الرائع و أتمنى لهم دوام النجاح و التوفيق
اناعندى مازدا 121 عاوز ابعها لانى خايف معرفش الاقى قطع غيار
ياريت اعرف اسعارها كام لوسمحتم
وشكرااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااا

رد: قطع غيار 121
 

صباح الورد على جميع أعضاء المنتدى الكرام
بالنسبة للمساعدين الخلفي أنا غيرتهم فعلا بمساعدين البرايد أما المقصات الأمامي و المارش فممكن تسألوا الميكانيكي أو محلات قطع الغيار المختصين بكيا برايد وما تسألوش المازدا ، لأنهم لما بيسمعوا كلمة 121 من غير تفكير بيقولوا مفيش.
وده عن تجربه في كذا قطعة غيار.
السيارة فعلا ممتازة جدا ومشكلتها انها مالهاش سعر في مصر للأسف.
السوق المصري محتاج تظبيط يا جماعة لأنه لايوجد مقاييس أو معايير لتقييم السيارات فتخيلوا سيارة 128 موديل 89 مثلا تتباع بسعر أحسن من المازدا 121 مع ان لا يوجد مقارنة بين السيارتين (للأسف)

بالنسة لسعر السيارة يتراوح بين ( 25 ألف : 30 ألف ) حسب حالة السيارة.

و لكم مني وافر الاحترام و التقدير

رد: قطع غيار 121
 

جزاك الله خيراااااااااااااااااااااا اااااااااا
انا عندى المشكلة فى ترس المرش
ياريت الاقى ترس مارش 121او مارش