|
الطريق للحصول على الرخصة
انا مبسوطة جدا بمنتدى مصر موتورز اولا و بمنتدى ملاكي اسكندرية ثانيا
سهل علي اعضاء اسكندرية كتير جدا فكرة هايلة بجد... و الأجمد ان المنتدى الفرعي على اسم النيك نيم بتاعي:HAPPY_~211: طيب.. انا نفسي اطلع رخصة انا اتبع قسم المنتزه اول يبقى تبع اي ادارة مرور؟ و انهو احسن عشان اخد الرخصة و انجح ان شاء الله في الامتحان.. مدرسة تعليم القيادة و لا المدارس الخاصة انا عايزة انجح مش عايزة اسوق يعني الرخصة اللي تعمني في المقام الاول.. خايفة من العملي النظري ان شاء الله مقدور عليه يا ريت تفيدوني في الموضوع ده |
رد: الطريق للحصول على الرخصة
اهلا و سهلا بيكي معانا في المنتدي
بالنسبه للسواقه لازم تتعلمي علشان تبقي قادره علي السيطره الموضوع مش رخصه اد ماهو تحمل مسئوليه لان الرخصه دي ممكن تتحول في ايدك من رخصه قياده الي رخصه قتل و دمار لو ما اتعلمتيش كويس الافضل شوفي مدرسه خاصه و اتعلمي فيها علشان تطلعي الرخصه علي حق و ما تبقيش خايفه |
رد: الطريق للحصول على الرخصة
طيب اهلا بيكى ثانيا انتى هتمتحنى تبع مرور المنتزة اللى هو فى طوسن وتانى حاجة اسهل حل ليكى انك تروحى مدرسه تبع المرور والكورس كله بحوالى400 جنيه وهناك هتاخد فكرة عن السواقه وامتحان الاس اللى هو العملى وكمان هتاخدى ورقة مختومة منهم هتنجحك فى النظرى من غير اى حاجة والعملى مقدور عليه انتى تروحى الكورس وتحضرى كام حصة كدة وتعرف ازاى تمشى بالعربية وتعملى الاس ومش لازم تكونى محترفة هتروحى المرور وهتقدمى الملف بتاعك هناك وهتاخدى ميعاد تيجى تمتحنى فيه عشان بقو عاملين ايام مخصصة لمدرسة المرور المهم هتروح وهتعدى من النظرى وهتنزلى تستنى تحت لحد مايجى اسمك وتركبى العربيه طبعا دا اهم حاجة هيكون فى واحد جنبك دا لازم لازم يشرب شاى بالياسمينه فى حدود30 جنيه اول ماتقعدى على الكرسى فى العربية بايدك اليمين كدة تقومى تديلة المصلحة وقال ايه هيعمل نفسة مش واخد باله والمهندس هيعمل اعمىptmnlo123per111 ومش هتحطى رجلك على الدوسات وهيقولك روحى يمين وتعالى شمال وخلاص وهتكونى ان شاء الله خلصتى وهتطلعى تتصورى وتاخدى الرخصة بس كدة بالتوفيق.
|
رد: الطريق للحصول على الرخصة
بس ان شاء الله بعد ماتاخدى الرخصة ضرورى اتعملى سواقه بجد عشان زى ماستاذ حازم مايكونش فى خطر عليكى ولا على الناس اللى حواليكى وتقدرى تتعلمى كويس فى اى مدرسة مش تبع المرور او حد قريبك او صاحبتك يعلمك وتتعملى تمام وبعد كدة تقدرى تسوقى لوحدك ان شاء الله ...
|
رد: الطريق للحصول على الرخصة
مشكلة كل الستات في مصر انها عايزه تطلع رخصة من غير ما تسوق ولما بيسوقوا بيمتحنوا فينا احنا بس انتي هتعملي ايه بالرخصة لما تستلميها ههههههههههههههه معلش ديه رسالة افتتاحية للموضوع واهلا بيكي معانا ويارب يكون المنتدي عجبك واي استفسار هتلاقي جبابره المنتدي بيردوا عليكي وتقبلي تحياتي
|
رد: الطريق للحصول على الرخصة
اجابة السؤالك عندى دى موضوعى فى كل الذى تحتاجه للرخصة يا رب يساعدك 1- برنامج اختبار القيادة (الكمبيوتر)النظرى http://www.masrmotors.com/vb/showthread.php?t=27114 2-برنامج تعليم قيادة السيارة على (الكمبيوتر) العملى http://www.masrmotors.com/vb/showthread.php?t=27235 يا رب اكون انا كده عملت ما يسعدك فى ذلك |
رد: الطريق للحصول على الرخصة
و بالنسبة الاحسن بين مدرسة تعليم القيادة و لا المدارس الخاصة
بالنسبة ليكى يكون مدرسة تعليم القيادة علشان بيعملوا الامتحان يوم الخميس و هو يوم مخصص للمتدربين فى مدرسة تعليم القيادة و بمعنى اصح بيجتازوا اختبار القيادة كلهم بسبب انهم تابع مدرسة القيادة اما لو عيزة تتعلمى صح دى حاجة تانية خالص لزم يكون عندك عربية تحت منك للتدريب و ياريت تكون صغيرة مثل فيات 127و تحولى تتحركى بيها فى سموحة مثالا او اى منطقة هادئة OK.......بس طبعا لزم يكون سوق جنبك علشان لو حاجة فجاتك و ده بيعتمد على قوة قلبك انا اصلى علمت بنت خالى القيادة و والله جعلتها بفضل الله تاخد رخصة القيادة بدون مدرسة ولا رشوة بس طبعا اتعذبت معها بس المشكلة انها دلوقتى بسوق بتهور مثلى يعنى تجرى على البحر حطة 120-130 ك كده و ده طبعا لا يجوز بس اعمل اه متعود على كده و السلام خير ختام |
| الساعة الآن 11:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017