السلام عليكم ورحمه الله (بخصوص الكيا سيراتو )
 

السلام عليكم ورحمه الله وبركاته
اخواني الأعزاء
بصراحه دي اول مشاركه ليا في المنتدي لكن بصراحه كنت بدخل كتير عشان اتابع اسعار السيارات والأفضل وهكذا..
لكن للأسف انا اجهل تمام الجهل في السيارات ( لسه متعلم جديد اساسا ) :-)
فأنا عندي سؤال واسف لو كان سؤال رخم وغبي مني لكن والله انا بسأله لأني بجد مش فاهم وحابب اني افهم
والسؤال هو ايه الفرق بين الموتور ال SX و EX و LX ؟؟
لأني بجد مش فاهم وياريت كمان اعرف اسعارهم حاليا ايه وانهي افضل
ودي اسعار انا جبتها من موقع تاني بس هل الأسعار دي اللي موجوده حاليا ولا حصل تغيير؟؟
وبصراحه فعلا مش فاهم ايه الفرق بين المحركات دي فياريت توضيح
ولكم جزيل الشكر :-)

الموديل المحرك سنة الصنع السعر
كيا - Kia


سيراتو 1.6 LX F/O M/T 2010 95900
سيراتو 1.6 LX A/T 2010 102900
سيراتو 1.6 EX A/T 2010 108900
سيراتو 1.6 SX F/O A/T 2010 115900
سيراتو 1.6 SX F/O A/T S/R 2010 119900
سيراتو 1.6 SX F/O A/T S/R High Line 2010 125900
سيراتو 1.6 EX F/O A/T Coupe 2010 120000
سيراتو 1.6 SX F/O A/T Coupe 2010 136000

رد: السلام عليكم ورحمه الله (بخصوص الكيا سيراتو )
 

الموتور واحد فى كل الموديلات يا عم goban بس الفرق بيكون فى الكماليات -يعنى اول موديل انت كاتبه دا مانيوال وفيه الكماليات الاساسيه (باور + زجاج كهرباء+تكييف + سنتر) تانى موديل lx دا اوتوماتيك وفيه بردوا الكماليات الاساسيه زى المانيوال اللى قبله - تالت موديل ارـ ex دا اوتوماتيك بس جنط 16 + abs +فوانيس شبوره -رابع موديل sx ودا افضلهم جنط 17 + سنسور بارك + طاره مالتى + airbag +تكييف تاتش - خامس موديل sx زى رابع موديل بس فيه فتحه سقف زياده - سادس موديل زى خامس موديل بس فيه مفتاح بصمه وsmart key - اما الموديلين الاخيرين فهما 2باب بمواصفات مختلفه.
ولااسعار صحيحه زى ما ذكرت (بس عند الوكيل وانتظار 3 شهور) وبتفرق بره شويه اذا كان الاستلام فورى . ارجو انى اكون افدتك.

رد: السلام عليكم ورحمه الله (بخصوص الكيا سيراتو )
 

السيراتو الوكيل جنط ‏16‏ مفهاش ‏ABS

رد: السلام عليكم ورحمه الله (بخصوص الكيا سيراتو )
 

تمام مثلما قال لك الإخوه الافاضل
الموتور واحد فيهم كلهم و الإختلاف فى الكماليات بس و فعلاً ال ex وكيل مفهاش abs اما الخليجى ف ده تشكيله و على مزاجك و لكن انا افضل الوكيل و كفايه ان مفيش فرق كبير فى الكماليات و ضمان 5 سنين

رد: السلام عليكم ورحمه الله (بخصوص الكيا سيراتو )
 

ربنا يبارك ليكوا يارب
استفدت كتير والله افادكم الله
ويخليكم للغلابه اللي زينا :-)

رد: السلام عليكم ورحمه الله (بخصوص الكيا سيراتو )
 

ممكن يا اخ مورو
نصيحتك
لانى بفكر فى الاولانية
ونصيحتك اشتريها منين
ايه رايك فى المصرية
الفرق بين LX-EX-SX فى السيراتو

طراز LX:-
ناقل يدوي& تكيف يدوي& وسائد هوائية للسائق& جنوط قياس 15بوصة طاسات& باور ستيرينج&عجلة قيادة متعددة الوظائف &سنتر لوك& اغلاق اوتوماتيكي للأبواب بمجرد التحرك& زجاج كهربائي امامي و خلفي&مرايات كهربائية &راديو CD,MP3 DOUBLE DIN و فتحة
USB, IPOD

طراز EX:
نفس طراز LX و لكن فتيس اوتوماتيكي, جنوط سبور مقاس 16بوصة, تحكم عن بعد في نظام غلق و فتح الأبواب, مسند يد امامي, زجاج ملون, فوانيس شبوره, حامل اكواب خلفي و مسند خلفي

طراز SX:
نفس طراز EX و يزيد عليها وسائد هوائية للراكب الأمامي, جنوط سبور مقاس 17بوصة عريضة, حساسات ركن السيارة, طاره جلد فخمه, اضاءه اوتوماتيكية, و مسند يد امامي و جزء من عجلة القيادة مطلي بطلاء معدني, ناقل حركة و مقابض و فرامل يد كروم, فتحة سقف اختيارية, كمبيوتر للسائق و فرامل ABS

طراز HIGH LINE SX:
نفس طراز SX و يزيد فرش جلد طبيعي, نظام التشغيل الذكي للسيارة (بدون مفتاح), فتحة سقف

رد: السلام عليكم ورحمه الله (بخصوص الكيا سيراتو )
 

تسلم ايدك والله اضافت لمعلوماتي كتير وربنا يباركلك يارب
بس ممكن اعرف ايه الأسعار حاليا؟؟
وجزاكم الله خيرا