|
بروتون ساجا 2010 ام ماتريكس وتويوتا مستعمل
السلام عليكم ورحمة الله وبركاتة إخوانى أرجوا الإفادة من حضراتكم أريد شراء سيارة فى حدود 60 الف ويمكن الزيادة حتى 70 ولكن فى الحالات الضرورية كنت معجب جدا بالسيارة بروتون ساجا وبعد أن قريت كل تقريراتها وجدت الكل بيشكر فيها جدا لكن انا ليا تعليق عليها من حيث 1- انها لسه جديدة ولم تظهر عيوبها بعد 2-عدم جودة خاامات تصنيعها خصوصا منظر التابلوة 3- ارتفاع سعر قطع غيارها 4-اعتقد ان تصليحها مش هيبقى سهل لانها جديدة عن الميكانيكي ............. لكن لما نزلت السوق بتاع السيارات لقيت سيارات جميلة جدا فى نفس السعرر شيفرولية لانوس سوداء 2009 فابريقة بره وجوا كاملة مانيوال 60 الف جنيه مثلا ماتريكس 2006 اوتوماتيك فى حدود 60الف تويوتا 2002 كاملة اوتوماتيك فرش بيج وشكلها رهيب لكن رشه اجزاء فى الابواب 72الف اول كلمة ساعه البيع والشرا الوضع بيختلف ............ الخلاصة أشترى سياره ماليزى 2010 خصوصا سيارة ساجا فى حدود 63 الف ام اشترى سيارة قديمة فى حدود 2006 او 2002 لكن كورى او يابانى ام اشترى لانوس سيفرولية كورى وعلى الاقل الخامة هتكون افضل وكمان الميكانيكى هيفهم فيها وصيانتها سهلة وقطع غيارها متوفرة ارجو الافادة من حضراتكم |
رد: بروتون ساجا 2010 ام ماتريكس وتويوتا مستعمل
والله انا من راي تجيب اللوجن زيرو وتبعد خالص عن المستعمل وتبعد عن الساجا لان توكيلها في الضياع وكفايا اوي انها ماليزي تقفيل مصري ده سبب لوحده يخليك متجيبهاش وبعدين حرام يبقي معاك مبلغ زي ده وتجيب عربيه كان حد راكبها قبلك اللوجن عربية محترمة جدا وعاليه عن الارض وواسعه جدا من جوه قاعدتها مريحه وعربية تكنولوجيا اوروبي تقفيل مغربي وتقبل تحياتي
|
رد: بروتون ساجا 2010 ام ماتريكس وتويوتا مستعمل
خليك فى التويوتا وغالبية الناس بتركب مستعمل المهم الحالة وعلى فكرة كون العربية راشة من برة دة مش عيب أوعى تنسى انك فى مصر المهم بص كويس على أساسيات العربية وحكم أحساسك هل صاحبها كان هاينها ولا لأ
|
رد: بروتون ساجا 2010 ام ماتريكس وتويوتا مستعمل
الف شكر يا جماعه جزاكم الله خيرا أنا حيرتى خفت شوية ودلوقتى بفكر فى حاجتين بس يا هيونداى ماتريكس مستعمل يا عربية زيرو أخى العزيز corsair انا مقتنع بكلامك ان الزيرو جميل بس انا مش حابب شكل اللوجان لكن عموما هعيد النظر وابحث تان ى ارجوكم يا اهل الخبرة تفيدونى محتاج اراء واقتراحات |
رد: بروتون ساجا 2010 ام ماتريكس وتويوتا مستعمل
خليك في المستعمل و تكون حالته نظيفة الجديد في مصر المحروسة لو اتخبط منك هتزعل اوي موش زي المستعمل و عموما الانوس حلوة جدا و الماتريكس كمان اما الكورولا تحفه بس علشان تجيب واحده حالتها جيدة هتدخل في نص السبعينات يا ريت تبص بردو علي الانسر 2003 هتكون في الرنج ده و عربية ممتازة بردو
|
رد: بروتون ساجا 2010 ام ماتريكس وتويوتا مستعمل
اقتباس:
|
رد: بروتون ساجا 2010 ام ماتريكس وتويوتا مستعمل
Ahmedciwأخوى بارك الله فيك وعلى ردك جزاكم الله خيرا ربنا يارب يباركلك فى سيارتك ويديك خيرها ويكفيك شرها وعلى مهلك ياعم على نفسك ههههههههههههه خلى بالك أنت طمنتنى من ناحية السيارة بس بعد ما الكل خوفنى منها وفعلا بدأت أقتنع إن الماتريكس هتكون أفضل حتى لو مستعملة ياريت بردو تقولى رايك فى الماتريكس 2006-2008 جمب سيارتك الساجا |
| الساعة الآن 08:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017