|
سؤال فى السواقه المانيوال "من مبتدأ "
السلام عليكم يا جماعه انا كان عندى سؤال فى السواقه المانيوال وهو ان لو انا سايق مثلا على التالت و سرعه 70 و فى فى اخر الشارع اشاره و حبيت اهدى لازم انزل من التالت للتانى تديجى ؟ ومش شرط التالت و التانى عادى ممكن لو انا ماشى على الرابع و حبيت اهدى عشان حصل موقف هطر انى اقف بعد مسافه ما لازم انزل من الرابع للتالت للتانى ؟ يعنى انا مثلا ساعات بكون ماشى والطريق واسع و جايب التالت و ماشى تقريبا 70 و جت اشاره فى اخر الشارع بروح ممور و افضل اهدى لحد ما اوصل الاشاره واقف ولو وصلت والعربيه ماشيه و الاشاره فاتحت ساعتها لو السرعه اللى ماشى بيها سرعه التانى بديها التانى ولو خلاص العربيه هطقف بديها الاول هل انا كده بتصرف صح وهل الاسلوب ده فى ضرر للعربيه ولا عادى ؟ وحاجه تانيه معلش لو انا ماشى على التالت مثلا و حبيت اهدى عشان هقف ينفع اهدى من غير ماغير الفتيس ولا العربيه هتقعد ترجرج اسف على الاطاله و منتظر ردود حضراتكم |
رد: سؤال فى السواقه المانيوال "من مبتدأ "
أسلوبك صحيح تماما
لو إنت على التالت و شفت إشارة ممكن تمور و تهدى تدريجى لغاية ما توصل للإشارة و لو الإشارة فتحت و العربية ماشية إديها لغيار المناسب لسرعتها و استمر فى المشى أيضا فى حالة الرغبة فى تخيف السرعة ممكن تضغط على الفرامل بدون الضغط على الدبرياج و بدون تموير الفتيس طول ما عدد لفات الموتور عالية لكن لازم تتدخل بسرعة أول ما سرعة السيارة تنخفض و تقرب تقف علشان تفصل الموتور سواء بالدبرياج أو الفتيس و ما تستناش أبدا إن العريية ترجرج منك مميزات الطريقة دى فى الفرملة إنها بتقلل إستهلاك تيل الفرامل قليلا لأنك بتشرك الموتور فى تلجيم العربية مع الفرامل |
رد: سؤال فى السواقه المانيوال "من مبتدأ "
شكرا استاذ حازم لردك و اهتمامك
|
رد: سؤال فى السواقه المانيوال "من مبتدأ "
(يعنى انا مثلا ساعات بكون ماشى والطريق واسع و جايب التالت و ماشى تقريبا 70 و جت اشاره فى اخر الشارع بروح ممور و افضل اهدى لحد ما اوصل الاشاره واقف ولو وصلت والعربيه ماشيه و الاشاره فاتحت ساعتها لو السرعه اللى ماشى بيها سرعه التانى بديها التانى ولو خلاص العربيه هطقف بديها الاول هل انا كده بتصرف صح وهل الاسلوب ده فى ضرر للعربيه ولا عادى ؟)
هو ده الصح يا باشا. |
رد: سؤال فى السواقه المانيوال "من مبتدأ "
دة الصح ومافيش ضرر على العربية
|
رد: سؤال فى السواقه المانيوال "من مبتدأ "
بص يا استاذ بوستاتو انتا اولا السرعه التالته اخرها 60 ومتحاولش تقرص علي الماتور يعني لو عندك عداد rbm في التابلوه جنب عداد السرعه بص عليه وحاول متخليش العداد يوصل ل 3 الا وتكون مغير للسرعه اللي بعد كدا وانتا داخل علي اشارة ولقيت الدنيا واقفه فرمل واحد واحد من غير ما تدوس علي الدبرياج واول ما تحس ان العربية هديت معاك خالص دوس دبرياج مع فرامل واول ما العربية تقف مور العربية يعني تخلي عصاية الفتيس في النص ولما تتحرك تجيب السرعه الاولي عادي جدا لكن لو انتا داخل علي اشارة وكنت جايب الرابع وفرملت واحده واحده وبعدين الاشارة فاتحت تبص علي عداد السرعه عندك لو علي 20 كيلو تجيب التاني لو علي 40 تجيب التالت وهكذا
|
رد: سؤال فى السواقه المانيوال "من مبتدأ "
الف شكرا يا استاذ corsair على المعلومه.
انا اكيد طبعاعارف الكلام ده . انا مرضتش اقوله على موضوع التالت اخره 60 دي لا يزعل ولا حاجه . انا بس صدقت على كلام الأستاذ حازم الي مفيش بعده كلام. ومتخفش على اخوك دي السنه السابعه سواقه . والف شكر انك اهتميت انك تفهمني النقطه دي. |
| الساعة الآن 10:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017