مصر موتورز مجتمع السيارات - تكييف سوزوكي ماروتي 800 cc

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

- - تكييف سوزوكي ماروتي 800 cc (https://www.masrmotors.com/vb/showthread.php?t=25578)

تكييف سوزوكي ماروتي 800 cc

بسم الله الرحمن الرحيم

يا جماعه مالكي سوزوكي ماروتي 800cc انا حابيت انقل لكم تجربه انا عشتها وعملتها امبارح الجمعه 7-5-2010 انا ركبت تكييف في عربيتي الماروتي

كان بقالي اسبوعين بلف ودور علي تكييف للعربيات الصغيره خاصة ان الماروتي بره بتنزل بتكييف قعدة كتير اعمل سرش علي النت علشان اقري كتير عن الموضوع ده ولقيت منتدي تاني اسمه قريب من منتدانا الكريم بلاش اسمه علشان ميبقاش اعلان ليه فيه موضوع مفصل عن تكييف الماروتي وناس كتير متعرفش حاجه عن الماروتي فضلت تفتي وتقول مينفعش ده 800 cc وكمان 37 حصان واحد حل الجدل ده وراح ركب تكييف وقالهم ينفع
وانا كمان حبيت اجرب وحبيت انقلكم تجربتي مع تكييف الماروتي التجربه ده كلفتني 2700 جنيه
اولا روحت شركة تكييفات في مدينه نصر قالي هيلغي السخن ويركبلي كباس وسربنتينه وكويلر وكانت التكلفه 3200جنيه بس الكباس مش فاكر ماركته
روحت لواحد تاني في المهندسين قالي هيركبلي كباس ماركته ساندن ياباني وهيشغلي السخن والبارد مع بعض وده تكلفته برضه 3200 جنيه
روحت لواحد ثالث في المعادي موزع لتكييف ساندن قالي هيشغله بارد فقط قالتله اللي قالوهولي بتاع المهندسين قالي انا ممكن اعملهولك بس التبريد هيكون مش كافي لان العربيه صغيره والتبلوه صغير جدا عندك فهركبلك كولر صغير مش هيقضي الغرض لكن بيطلع هوا ساقع لكن مش كفايه مش هيبرد العربيه خاصة احنا داخلين علي الصيف وكمان قالي انت مش هتستعمل الساخن كتير فملهوش لزمه انا فعلا استعمالي للساخن ممكن 4 او 5 مرات في الشتاء فقلتله الغي الساخن
بالفاعل الراجل ركب كباس ساندن 505
http://www.britishac.com/images/prod...m/593sd505.jpg
وركب سربنتيه مخصوص للماروتي لانها الحوض ضيق جدا
وركبلي كويلر داخل التابلوه واستغل الفتحات بتاعة التبلوه
واخدنا العربيه ورحنا لخراط عمل قاعده للكباس للأخرام (الجوايط) اللي موجوده في الماتور بتاعة التكييف وثبتنا عليها الكباس ولحم علي تنبوره الماتور تنبوره تاني علشان يحط عليها سير الكباس
وعمل شويه خراطيم واختراعات لحد ما بقي التكييف شكله زي كده

http://www.hanein.info/vb/imgcache/8...anein.info.jpg
وبصراحه رجعت من عنده مش مبسوط شويه حسيت العربيه اتغيرت
النهارده فضلت اظبط الكهرباء بتاعه العربيه وعليت العربيه سنه صغيره لكن الحمد لله العربيه اتظبططت وشغلت التكييف في عز الضهر وانا ماشي في وسط البلد
بصراحه مفيش فرق كبير الفرق بيتحس في النقله اولي والثانيه فقط لكن غير كده مش هتحس بان العربيه فيها حاجه فرق بسيط مع النقله الاول والنقله الثانيه بتحس انك بتدوس سنه بنزين ازيد شويه والتكييف شغال لكن باقي النقلات طبيعيه
واكيد طبعا لما بيكون التكييف مش شغال كأنه مش راكب خالص
انا حبيت انقلكم التجربه بصدق نيه علشان اللي ناوي يركب تكييف للماروتي ميخافش ويركب وطبعا العناوين واسماء المحلات انا ابعتها علي الختص لو حد حابب يسئل
او ممكن احطها في الموضوع لو الادارة سمحت

ارجو اني مكنش طولت عليكم
تقبلوا تحياتي

رد: تكييف سوزوكي ماروتي 800 cc

الف مبروك يا معلم على التكييف
والعربيه دى 800 cc اه بس جباره ممكن تحسسك انها 1000 وشويه

رد: تكييف سوزوكي ماروتي 800 cc

اولا الف مبروك عليك و ربنا يبارك لك فيها بس كنت عاوز اسال حضرتك اخبار التبريد ايه يعني شغال كويس و تبريده تمام ولا ايه

رد: تكييف سوزوكي ماروتي 800 cc

أولا الف مبروك على التكييف.
أى كومبريسور تكييف روتارى يصلح للتركيب على المواتير الصغيرة لأنه مش بيحمل جامد على الموتور.

رد: تكييف سوزوكي ماروتي 800 cc

الف مبروك انا ناوى لو جبت لادا هركبلها تكييف

رد: تكييف سوزوكي ماروتي 800 cc

اقتباس:

المشاركة الأصلية كتبت بواسطة bistoo (المشاركة 178502)

الف مبروك يا معلم على التكييف
والعربيه دى 800 cc اه بس جباره ممكن تحسسك انها 1000 وشويه

مش بالظبط كده نفس الكلام قالهولي مهندس التركيب في الشركة كان ليا زميلي معاه 128 1100 سي سي ولما شاف التكييف عندي قاله انا هجيبلك عربيتي اركبلها تكييف عندك قاله مش هينفع علي 1100 لو 1300 ماشي قولتله انت بتقول ايه انا عربيتي 800 سي سي يعني اقل من عربيته قالي شوف ون عربيتك كام ووزن عربيته كام قلي مور العربيتين وزقهم فعلا ال128 كانت عاوزه جهد كبير في زقها لكن الماروتي مجرد ما زقتها جريت الي العزم كله بيروح في حركة العربيه وفيه عاومل تانيه كتير غير الوزن.

اقتباس:

المشاركة الأصلية كتبت بواسطة hisham853 (المشاركة 178601)

النهارده كانت اول تجربه للعربيه بج كنت رايح اجدد الرخصه وسمعت امبارح ان درجه الحرارة 42 ولفيت بالعربيه النهارده لما طلع عيني روحت مرور العتبه لاني اجنبي مرور الاجانب في العتبه قالي لا روح روح مرور الدقي وخلصت في الدقي ورجعت العتبه وطلعمن العتبه روحت احمد سعيد اركب فاميه حراري وكنت مشغل التكييف لراجل كان قيللي انت ممكن تبرد وتلبس جاكت ههههههههههه لكن التكييف كان عادي يدوب محسسني بشويه سقعه جربت اطفي التكييف وافتح الشباك لقتي نفسي كنت في نعمه والشباك مقفول بجد عامل شغل في العربيه بس اكيد مش زي البي ام والمرسيدس علق قد ماتورها بس مقبول ومعقول جدا بياليل بسقع منها

اقتباس:

المشاركة الأصلية كتبت بواسطة atgps (المشاركة 178604)

الله يبارك فيك يا باشا وتشكر علي المعلوه الجميله ده يا ريتني كنت سئلت قبل ما اركب لكن اللي اقنعني ان التكييف كان ماركة ساندن وياباني مصنع بالكامل في اليابان وكل الكلام اللي عليه حفر في جسم الكباس مش استيكر ملزوق

اقتباس:

المشاركة الأصلية كتبت بواسطة dr_maged (المشاركة 178644)

الف مبروك انا ناوى لو جبت لادا هركبلها تكييف

الله يابرك فيك يا باشا ومبروك مقدما علي العربيه وربنا يوفققك في شراها وانا تحت أمرك لما تحب تركب تكييف :waving:

رد: تكييف سوزوكي ماروتي 800 cc

بعد اذنكم ياجماعه يعني ايه <أى كومبريسور تكييف روتارى يصلح للتركيب على المواتير الصغيرة>