|
القاهره مظلمه
لاحظت منذ فتره أن شوارع القاهره أصبحت أغلبها مظلمه وعند الإستفسار كانت الأجابه أنه ترشيد إستهلاك للطاقه الكهربائيــه .
فهل لكى نرشد إستهلاك الكهرباء نطفىء الشوارع هكذا ؟ وبالتالى يكون إعتماد الإضاءه على كشافات السيارات ، بصرف النظر عن السيارات التى ليس بها كشافات إضاءه . وتكون الحوادث كثيره و حركة السير بطيئه أكثر مما هى عليه . ثم أن إضاءة الشارع ليس للسيارات فقط فهناك أفراد و نساء و بنات ماذا تفعل كل منهما لو تعرضن لحوادث سرقه أو معكسه أو تحرش أو حتى إختطاف وهذا على إعتبار أن الظلام أفضل لفعل ما هو خطأ . الأمر فى حاجة الى إعادة دراسة الموقف ، فبدل إطفاء اغلب الشارع يتم إطفاء جانب وترك الأخر منور . ثم ما هى الفتره الزمنيه التى ستظل بها الشوارع مظلمه ؟ الموضوع مطروح للإفاده لمن عنده علم ! |
رد: القاهره مظلمه
فعلا حاجة مزعجة لما تمشي في شوارع رئيسية زي شارع النزهة والاعتماد علي اضواء المحلات والسيارات
الناس تمشي ازاي يعني، ربنا يرحمنا برحمته لو ممكن كل واحد يكلم النائب بتاع مجلس الشعب عن الدايرة اللي فيها شوارع مظلمة وهو ممكن يتعامل مع وزارات النقل والكهرباء والجهات المعنية والانتخابات قربت فممكن يعملوا حاجة |
رد: القاهره مظلمه
وهل تعتقد يا أ / أبو عامر أن نواب المجلسان الموقران (شعب و شورى ) و اللى وراهم تجديد للإنتخاب وتربيطات فاضيين لسماعنا الموضوع أكبر من الأعضاء الموضوع لا يمكن ان يتم إلا بموافقت رئيس الوزراء*
|
رد: القاهره مظلمه
استاذ ياسر صباح الورد حضرتك بتتكلم في حاجه مهمه جدا واحنا مادام في مصر هنشوف العجب انا ببقا رايح اكتوبر في عز الظهر والاقي الكشافات منوره وده مش في طريق اكتوبر بس ده تقريبا كدا في كل طرق مصر مفيش ريحة الضمير يبقي في اماكن مفيهاش لمبه في الشارع واماكن تانيه منوره ليل نهار ده حرام ده ولا حلال ربنا يريحنا من دي بلد
|
رد: القاهره مظلمه
وطبعا يا أ/ ياسر، رئيس الوزراء هيشكل لجنة واللجنة تنبثق عنها لجنة وده كله عشان عامل يرفع سكينة الكهرباء
بس لازم علي الأقل نحاول بأي وسيلة عشان يبقي الواحد عامل اللي عليها وساهم في حل مشكلة، وحتي لو المشكلة متحلتش يبقي الإنسان أبرأ ذمة أمام الله |
رد: القاهره مظلمه
اقتباس:
حضرتك بتذهب إلى أكتوبر فى عز الظهر ولهذا لزم إضاءة الكشافات حيث تم إكتشاف أن الشمس بتطلع الصبح والدنيا منوره علشان كده مالهش لازمه فالازم الكشافات تنور . بالتوفيق فى الإنتخابات ( مبروك مقدماً ) |
رد: القاهره مظلمه
اقتباس:
هذه اللجان المنبثقه أيام كان سيادته أعزب الأن القرار أصبح بيد ال... الحكومه طبعــاً ويجعل كلامنا خفيف عليهم . أما بخصوص حل هذه المشكله أو أى مشكله فلا يتم إلا بمظاهره أمام مجلسى الشعب و الشورى :ROFL_C~118: * |
| الساعة الآن 07:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017