شباب نصائحكم
 

بعد التحيه على جميع القائمين على الموقع المتميز وجميع الأعضاء

مبدأيا انا مطالب بشراء سيارة للعمل

العمل : مندوب دعاية
المبلغ المتوفر : 45 ألف كا حد أقصى
الاستعداد للصرف على مستعمل : لا - بعد 45 الف لايوجد -
معدل المشاوير اليومية :- على حسب من 100 الى 250 ك.م وممكن ايام ما أتجاوز 100 ك.م في اليوم
الاولويات : ارخص قطع غيار وطبعا معدل استهلاك البنزين .
ومش هتفرق معاية السيارة انا محتاجها لطبيعة العمل - على الاقل في الوقت الحاضر - وكمان مش هينفع كل شوية اروح لمكانيكي او اصلح انا عاوزها تسعفني في الشغل , وكنت بفكر في ماروتي اهي قريبة من المبلغ واسمها جديدة ولو مستعمل انا حابب اللانوس طبعاً - بس المبلغ المتوفر مش حملها صراحة -

شكراً مقدماً على النصيحة

رد: شباب نصائحكم
 

رد: شباب نصائحكم
 

انا من مشجعى الانوس
لكن لو هتفكر فى زيرو عشان الميزانيه وتسعفك فى الشغل بدون اعطال
لماذا لا تفكر فى برايد سايبا

رد: شباب نصائحكم
 

فعلا لانوس 99 2001 احسن اختيار و هتلاقي في الرنج ده وعندك بردو لانسر كريستالة بس الفاضية اللي هي تكييف و بور بردو في الرنج ده و هتكون ممتازة

رد: شباب نصائحكم
 

ألف شكر على نصائحكم
بس في شرط من الشركة للمستعمل ما يكون أقل من موديل 2005 - زنقني زانقة فله -

رد: شباب نصائحكم
 

لو جديد يبقي
سايبا برايد 47 ألف زي ما قال أستاذ بنداري
ايديا وان 43 ألف
ايديا تو 45 ألف
BYD F0 ة43 ألف
لادا 2107 44 ألف للمحلي و 48 ألف للروسي
إسبيرانزا A113 ة48 ألف


لو مستعمل فأحبذ اللي كاتب عليه حالة ممتازة فقط

أو تجيب كيا برايدا مستعمل مو فوق 2005 بحالة ممتازة
أو كيا بيكانتو بس حالة وحشة أو شبه معقولة
أو هيونداي i10 مستعملة بحالة معقولة
أو هيونداي أتوس برايم مستعملة بحالة ممتازة
أو إسبيرانزا A113 حالة ممتازة
أو إسبيرانزا A213 حالة ممتازة (بس عربية وحشة أصلا )
أو إسبيرانزا A516 حالة شبه معقولة أو معقولة
أو بس مش متأكد هيونداي أكسنت الشكل القديم هو كان نازل لحد 2006 فدور على مستعمل ليه هتلقيه في الحدود دي برضه بس حالة معقولة أو عادية

بس اوعى تجيب أو تفكر في الماروتي أو الألتو أكبر مقلب ممكن تأخذة في حياتك

أرجوا إني أكون أفدتك

:waving::waving::waving:

رد: شباب نصائحكم
 

اعتقد انك صعب تلاقى مستعمل بحاله نظيفة وموديل فوق 2005 فى حدود ميزانيه 45 الف ج
ياأما هتدخل فى مخاطرة ان العربيه يكون فيها عيب (حادثة مثلا) والبائع لا يفصح عنها ، او تكون العربيه مستهلكه شويتين .

وكذلك يجب ان تضع فى اعتبارك ان اى سيارة مستعمله مهما كانت حالتها ممتازة ، لابد من اجراء جوله صيانه ع الماشى بعد الشراء مباشرة مثل ( تغيير الزيوت والفلاتر - طقم كهرباء - ظبط زوايا وكشف ع العفشة - ويمكن كمان كاوتش ) يعنى هتصرفلك بضع مئات او تقرب على ال 1000ج

لذلك فان الزيرو يكسب ياباشا
وموديلات الصينى كتير
لكن لو عاوز تبعد عن الصينى - اعتقد البرايد تستحق التفكير لانها متجربه فى السوق ( صيانه - قطع غيار- استهلاك بنزين ) كله زى الفل