|
هيا الفيرنا هيا هيا الاكسنت القديمة ؟
يا جماعة فى حاجة لذيذة جدا
انا سامع ان الفيرنا هى الاكسنت وغبور هو اللى بيشتغلنا وبيبيعها على انها موديل تانى ومغيرلها الموتور هى اصلا 1400 و 1500 وكمان هى فى السعودية نفس الموطيل بتاع الفيرنا هنا كان من سنتين مكتوب عليها اكسنت ولو حد دخل على موقع هيونداى مصر مش حيلاقى موديل الفيرنا دة ودة عنوان الموقع بتاع هيونداى http://egypt.hyundai-motor.com/ لو جد فاهم يفهمنى يا جماعة احنا بيتنصب علينا ولا ايييييييييييييه؟ptmnlo123 per1127 |
رد: هيا الفيرنا هيا هيا الاكسنت القديمة ؟
لأ هو حضرتك مش واخد بالك إن الأكسنت و الفرنا و النيو أكسنت كل دول إسمهم بره أكسنت بس الأسماء التانية دى حسب مناطق التوزيع يعنى الأكسنت الفرنا نزلت بالإسم ده فى تركيا و دول تانية منها مصر و المفروض إن موديل أكسنت الحالى هو النيو أكسنت و باقى الأشكال لم يعد لها وجود عند هيونداى الشركة الأم و لكن علشان الإستغفال و علشان النيو أكسنت اللى المفروض هيونداى كانت عاملها كسيارة متوسطة بسعر رخيص لا يتعدى ال 10 آلاف دولار للنسخة الفول أوبشن أتوماتيك و بها ABS و وسائد هوائية يعنى ما لايزيد على 60 ألف جنيه يعنى بفرق 28 الف عن سعرها فى مصر و هى غير كاملة و بدون ABS أو وسائد هوائية. و نشكر السيد غبور على الهبش و ربنا يكون فى عون المستهلك الغلبان. ptmnlo123per111
|
رد: هيا الفيرنا هيا هيا الاكسنت القديمة ؟
يعنى احنا فعلا بيتنصب علينا كدة المفروض الفيرنا دة مخزون قديم مثلا؟؟
|
رد: هيا الفيرنا هيا هيا الاكسنت القديمة ؟
يعنى مش بالظبط بس حاجة زى كده ptmnlo123per155
|
رد: هيا الفيرنا هيا هيا الاكسنت القديمة ؟
الفكره انه اعاد تصنيع موديلات قديمه من الاكسنت (اللي هيا بره اصلاُ : البوني - شكل الاكسيل - الاكسنت- الفيرنا - النيو اكسنت) و خلاهم بدل ما هم متتاليين خلاهم متوازيين .. الاسباب :
العربيه ثبتت نفسها في مصر و عليها اقبال كبير + اعاده استخدام خطوط الانتاج القديمه + توفير عربيه رخيصه في مصر بسبب الجمارك .. فبكده عندك عربيه زيرو تجميع محلي موتورها 1500 سيسي (علشان معروف ان المواتير الكبيره جماركها كبيره) + مابتاكلش بنزين + قطع غيارها متوفره حسب ما سمعت بس كلام غير مؤكد ان الاكسيل + الاكسنت +الفيرنا + الماتريكس = نفس الشاسيه |
رد: هيا الفيرنا هيا هيا الاكسنت القديمة ؟
اقتباس:
زى ما كنا شاريين زمان خط انتاج ال 128 مثلا وزى البرايد بتاعتى ديه ابتاع خط الانتاج من كوريا لايران فى سنة 2000 وفى 2006 باعوه الايرانيين لسوريا وهكذا لمعلومات اكثر عن خطوط تجميع السيارات http://en.wikipedia.org/wiki/Assembly_line مثال مع الفارق طبعا شاهد .. تجميع نيسان وفيه حاجة تانية كمان ان المصنع بيطلع من عنده حاجة مش فاكر اسمها ايه كده اختصار هو كده المهم البتاع اللى مش فاكر اسمة ده عبارة عن المكونات الاساسية للسيارة الساسية والموتور بحاجتة والعفشة وبتكون مفكوكة طبعا وبتخش بجمارك اقل بكتير طبعا وهنا تتجمع مع اضافة بعض المكونات المحلية وده اللى بيتقال عليه مصانع تقفيل وده الوضع هنا فى مصر |
رد: هيا الفيرنا هيا هيا الاكسنت القديمة ؟
الفيرنا هيا الاكسنت الجيل التاني ،،
النيو اكسنت هيا الاكسنت الجيل الثالث زي ماقال ابو نورا و اكسبرت اعادة انتاج لموديلات قديمة و علي فكرة الفيرنا ( اكسنت الجيل الثاني ) مازالت بتنتج في مصر و ايران و الهند و السودان زي اللانوس و النوبيرا و النيسان صني و اللانسر البوما كمثال و زي عربية ابو نورا كيا سابا ، و البروتون ويرا ( لانسر بطه ) و البرودوا كليسا ( ديهاتسو ميرا ) و لو الاسامي تفرق ،، المفاجأة ان الاكسنت اسمها في كوريا فيرنا |
| الساعة الآن 12:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017