مصر موتورز مجتمع السيارات - حاجة غريبة مش عارف لها تفسير

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - حاجة غريبة مش عارف لها تفسير (https://www.masrmotors.com/vb/showthread.php?t=24759)

حاجة غريبة مش عارف لها تفسير

عندى لانوس 2002 فول اوبشن 192000 كم
ساعات بحس ان اداء العربية بيبقى احسن بعد لما امشى بيها شوية و ابطل و ارجع ادور تانى بعدها بشوية ( ممكن 5 دقايق او اكتر )
انا الصراحة مش معتبرها مشكلة بس يمكن علشان انا مركز زيادة عن اللزوم فبحس بالموضوع ده
اكيد طبعا مش ( فلاتر - بوجيهات - زيوت - كويل - سلك بوجيهات - طرمبة بنزين ) لان الاداء بيبقى ثابت مع كل ادارة لغاية الاخر
فممكن تكون حاجة ليها علاقة بالكومبيوتر و الحساسات و الرشاشات ( حساس عامود الكرنك - حساس درجة الحرارة - صمام علبة الفحم - استجابة الرشاشات و هى باردة - التقديم و التاخير )
يا ريت الى عنده فكره يفيدنى
بس هى الحمد لله مش مشكلة انا بس نفسى اعرف التفسير و اعرف هل فى حد تانى بيحس بالموضوع ده ( يعنى طبيعى ) ؟

رد: حاجة غريبة مش عارف لها تفسير

طبيعى انا معايا لانوس 2002 برضو بس
هاف اوبشن

رد: حاجة غريبة مش عارف لها تفسير

انا معتقدش ان الكمبيوتر ليه علاقة بالموضوع والارجح ممكن يكون الرشاشات والله اعلم بس ال انا اعرفة خنقة العربية بتكون رشاشات
هو حضرتك بتحط بنزين ايه

رد: حاجة غريبة مش عارف لها تفسير

اقتباس:

المشاركة الأصلية كتبت بواسطة acounter01 (المشاركة 171932)

بحط 92

اقتباس:

المشاركة الأصلية كتبت بواسطة tito mohmmed (المشاركة 171879)

طبيعى انا معايا لانوس 2002 برضو بس
هاف اوبشن

الله يطمنك يا تيتو باشا

رد: حاجة غريبة مش عارف لها تفسير

كان عندى نفس المشكله فى الانوس يااحمد قبل كده وطلع العيب من حساس الاكسجين والرشاشات شبه مسدوده

رد: حاجة غريبة مش عارف لها تفسير

اقتباس:

المشاركة الأصلية كتبت بواسطة lol64 (المشاركة 172190)

كان عندى نفس المشكله فى الانوس يااحمد قبل كده وطلع العيب من حساس الاكسجين والرشاشات شبه مسدوده

يعنى كانت برضه لما تبطل و تدور تانى بتمشى مظبوط ؟
و على فكره انا ما زلت راضى على الاداء الاولانى انا بس بستغرب لما اققف شوية و ارجع ادور وامشى بحس انى راكب عربية تانية ( بيبقى اداء متفوق عن الاولانى )
هو اكيد الموضوع ده ليه علاقة بتوقف العربية و اعدة تدويرها تانى
مش عارف ليه انا ابتديت احس ان الموضوع احتمال يكون ليه علاقة بعلبة الفحم charcoal canister ( الى موجودة فى بعض العربيات بجانب التانك ) و دى مسئولة عن امتصاص بخار البنزين اثناء عمل السيارة و المفروض صمامها بيفتح ( معرفش امتى ) و بيغزى مخلوط الهواء الى داخل للسيلندر ببخار البنزين ده فاحتمال و الله اعلم ان الكومبيوتر بتاع العربية متبرمج ان ميفتحش صمام العلبة الا بعد ما تمشى المشوار الاولانى و تبطل و ترجع تدور تانى
و الله اعلم

رد: حاجة غريبة مش عارف لها تفسير

لو انت عايز تعمل برمجه لكمبيوتر العربيه افصل كابل البطاريه ونظف الايدل وهى فوق حساس TPS بـ wd40 خلى بالك وانت بتفك الايدل لان فى جوان علشان مايقعش ....واعمل برمجه من اول وجديد...ازاى افتح الكونتاكت واقفله 3 مرات والمرة الرابعه دور العربيه و شغل التكييف .......وادعيلى