عايز عربيتك ما تتسرقش، خش معايا
مشكلة كبيرة سرقة العربيات،
بس أنا ما أقصدش سرقة حاجة من جوة العربية، لأ أنا أقصد سرقة العربية نفسها، ودي بتبقى مشكلة أكبر؛ لأن إلا بيسرقها ما بيسبش فيها حاجة يعني بياخد البطارية والدينامو والمارش والفرش والجنوت وكل شيء، والله أنا أعرف واحد بعد ما عربيته اتسرقت وصرف بلاوي متلتلة على البحث عنها لقاها في الآخر عبارة عن قطعة حديد طيب والحل إيه؟ الحل إنك تشيل الشاكوش من الاسبيراتير، يعني إيه الكلام ده العربية فيها حاجة اسمها وش الاسبيراتير، وده إلا بيتشال لما تيجي تركب طقم بوجيهات لأن التقسيمة بتتعمل من خلاله وش الاسبيراتير ده بيتشال بكل سهولة، يعني نظام كلبسات بتفكها وتشيله بعد ما تشيله هتلاقي حاجة اسمها الشاكوش ، وده عبارة عن قطعة صغيرة بتتشال بالإيد بكل سهولة، بس لما تتشال مش ممكن العربية تدور فكل إلا مطلوب من حضرتك إنك تفك الكلبسات بتاعت وش الاسبيراتير وبعدين تشيل الشاكوش بإديك بكل سهولة ولما تحب تدور الصبح هتحط الشاكوش في مكانه، وطبعا تقسيمة الكهربا مش هتخلف معاك ولا حاجة وبعدين تركب وش الاسبيراتير بكل بساطة وبكدة تضمن إن مفيش حد هيقدر يحرك العربية من مكانها وشكرا ليكم |
رد: عايز عربيتك ما تتسرقش، خش معايا
حد يا جماعة عنده حلول تانية بخصوص الموضوع ده، ياريت يكتب لينا وشكرا ليكم
|
رد: عايز عربيتك ما تتسرقش، خش معايا
شكرا على النصحية ياباشا وربنا يحمينا من كل سؤ بس انا شوفت عصايه كدة بتقفل الدركسيون بالدواسات الدبرياج يعنى والله اعلم وبرضو دا نصيب ياباشا
|
رد: عايز عربيتك ما تتسرقش، خش معايا
اقتباس:
|
رد: عايز عربيتك ما تتسرقش، خش معايا
بس ياباشا مش هيكون حوار متعب انك تعمله كل يوم لما تيجى تركن العربية ولا ايه بس انا لو معاياة ( البوجاتى) الجديدة والله انا مستعد اشيل البطارية والكاوتش كل يوم شكرا على التوضيح ياباشاptmnlo123per179
|
رد: عايز عربيتك ما تتسرقش، خش معايا
اقتباس:
|
رد: عايز عربيتك ما تتسرقش، خش معايا
والله فكره حلوه جدااااا بس هل هاتكون سهله بالنسبه لبنت ولا ايه وهل فيه صورة توضح كلام حضرتك مع الشكر
|
الساعة الآن 09:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017