|
برجاء المساعدة فى تعديل مازدا 929
سيارتى مازدا " 929 " موديل 1981 - 2000 cc - اللون كحلى ميتالك غامق- لون السقف أسود جلد.
هل من الممكن إجراء تعديلات على الشكل العام؟ وما هو اللون المناسب للفرش الداخلى؟ وهل يوجد جنوط مناسبة؟ وما هى؟ وما هو السوند سيستم المناسب؟ مع العلم بأنى مهتم جداً لسماع صوت ممتاز داخل السيارة! برجاء المساعدة فى أسرع وقت لأن السيارة الآن امام السمكرى ولكم جزيل الشكر والامتنان. |
رد: برجاء المساعدة فى تعديل مازدا 929
فى ايه يا اساتذة التعديلات مافيش اى مساعدة خالص ولو رأى بسيط؟؟؟؟ فى كل الاحوال شاكر جداً ولو انى ما كنتش منتظر هذا التجاهل
|
رد: برجاء المساعدة فى تعديل مازدا 929
فى ايه يا جماعة حسستونى انى قاعد فى وسط الصحراء ولا مافيش حد عنده فكره عن المازدا؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
|
رد: برجاء المساعدة فى تعديل مازدا 929
حضرتك اول تعديل بيتعمل فى شكل اى عربية هو الجنوط بيغير من شكل العربية ويا سلام لو غيرت الكاوتش معاه يبقى شكل و اداء بس السعر هيبقى غالى وياسلام برضه لو العربية أتفيمت دارك هيبقى شلها خطير.
أما لون الفرش فهو رأى شخصى بس انا بأميل للفرش الجلد حتى لو كسوة. الجنوط انواعها كتير وموجودة فى كل حتة لكن ابعد تماما عن الصينى و خليك فى التيوانى فيما فوق واشترى حجم مناسب للعربية علشان عداد السرعة ما يهيسش وفى مواضيع كتير فى المنتدى عن كيفية حساب حجم الجنط المناسب. اما النظام الصوتى لو العربية فيها الكاسيت الاصلى غيره وهات سي دي بيونيير pioneer وسمعات بيونيير بيضاوى مع التركيب عند مختص و الصوت هيبقى عال من غير صبات او اى مبالغة. |
رد: برجاء المساعدة فى تعديل مازدا 929
استاذى العزيز INJECTION أولاً انا شاكر جداً لإستجابتك ونصيحتك ولكن اسمحلى حضرتك بالنسبة للتفييم هل يسبب لى المشاكل مع المرور كما ن حضرتك لم تذكرموديل الكاسيت المذكور وياترى الكاسيت والسماعات دى ممكن يكون سعرهم كام أما الجنوط فهل فيه اسم ماركة معينة حضرتك عارفها والكاوتش برضه اسم الماركة اللى أجيبها ايه ويعملوا تقريباً كام مع بعض انا اسف على كثرة الأسئلة لأنى لا أمتلك الخبرة الكافية فى هذا الشأن وبارك الله فيك
|
رد: برجاء المساعدة فى تعديل مازدا 929
التفييم بيبقى شكله تحفة على العربيات القديمة لكن هو فعلا بيعمل مشاكل مع المرور بس حسب الظابط اللى واقف فى اللجنة.
الكاسيت والسماعات بتختلف فى الأمكانيات و الأسعار وكله حسب الميزانية والسماعات البيونيير فى منها مضروب ب75 جنيه واصلى تايوانى ب300 جنيه أنا أنصح حضرتك تنزل تتفرج عند حد بتاع صوتيات نضيف وهو هيقول لحضرتك على الأجهزة الموجودة عنده و أسعارها ومميزاتها. وده موضوع مهم جدا عن أسعار الكاسيت والسماعات http://www.masrmotors.com/vb/showthread.php?t=9056 وده موقع شركة بيونييرhttp://www.pioneerelectronics.co m/PUSA/Products/CarAudioVideo وده شركة سونى sony.com أنا مقدرش أحدد لحضرتك ميزانية بس الصوت النضيف بيبتدى من 500 جنيه فيما فوق بالنسبة للكاسيت والسماعات و حسب نوع ومميزات كل منهما. الجنوط ليه ماركات كتير وفيه أصلى بتعمله شركات أمريكية وأوروبية زى bbs, zeign وده من 2000 فيما فوق مستعمل وفيه أندونيسى وماليزى وده سعر الطقم من 800 مستعمل فيما فوق بس المهم البعد عن الصينى لعدم تصنيعه بأمانة مهما كان سعره رخيص. مع ملاحظة أختلاف السعر حسب البائع وبلد الصنع وحجم الجنط. والكاوتش فيه منه من النسر المصرى وكومهو وبريدجستون والأسعار بتبتدى من 150 فيما فوق حسب المحل والنوع (للفردة الواحدة) ولو حضرتك نويت تشترى طقم جنوط وكاوتش أسئل كتير علشان فيه ناس حرامية, والكاوتش يفضل شرائه من محل يتمتع بالرواج التجارى لأن الكاوتش له عمر تخزينى أفتراضى 4 سنين يفقد بعدها مرونته. وده موضوع مهم جدا عن الجنوط والكاوتشhttp://www.masrmotors.com /vb/showthread.php?t=15883 ويرجى تصفح قسم أطقم الصوت والمالتيمديا للمزيد من المعلومات. وأسف على تأخرى فى الرد وأرجو أن أكون قد أفدتك. |
رد: برجاء المساعدة فى تعديل مازدا 929
استاذى العزيز injection لقد افدتنى افادة كبيرة جدا ومش عارف اشكر حضرتك إزاى مع خالص شكرى وعرفانى لحضرتك
|
| الساعة الآن 10:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017