مشكلة عندى فى الفيرنا المروحتين شغالين
 

فجأة صوت الفيرنا 1600 سى سى موديل 2008 صوت الموتور ارتفع جامد

فتحت الكبوت لقيت المروحتين اللى بيبردوا الموتور شغاليين المفروض ان واحدة اللى

ادام السائق تشتغل لما الموتور يسخن وتطفى بعد فترة يعنى عملها متقطع والثانية

بتشتغل لما بشغل التكييف ولكن بدون تشغيل التكييف الاثنين شغالين بإستمرار

ولقيت القربة فاضة تماما ً مع انى مزودها من 3 ايام وكانت عايزة حاجات بسيطة يعنى

الدورة كانت سليمة ومفهاش تسريب

وزودت قربة المية ومشيت شوية لكن المروحتين لسة شغالين وصوت الموتور عالى

ياريت لو حد عندة تفسير انا فى انتظار الرد علشان انا سايب الكبوت مفتوح دلوقتى

لغاية ما العربية تبرد واجرب

رد: مشكلة عندى فى الفيرنا المروحتين شغالين
 

بعد ان بردت العربية فتحت الرادتير ووجدت انة ناقص حوالى نص لتر ماء وزودتة

بالفعل وبعدها صوت العربية رجع لطبيعتة وان كنت لاحظت الاتى :-

- بعد تشغيل العربية فترة تعمل المروحتين وليس واحد كما كنت اظن وبعد دقائق تتوقف

المروحتين فهل هذا طبيعى ان تعمل المروحتين وليس واحدة بالرغم منن عدم تشغيل

التكييف ؟

- هل نقص المياة هذا طبيعى مع ملاحظة ان العربية كانت تحتاج الى تذويد للمياة ولكن

على فترات اطول ومياة اقل ولكن اليومين اللى فاتو كنت مشغل التكييف بإستمرار مع

ملاحظة ان عربيتى الاكسنت القديمة لم تكن تحتاج لتذويد المياة مثل الفيرنا

رد: مشكلة عندى فى الفيرنا المروحتين شغالين
 

رد: مشكلة عندى فى الفيرنا المروحتين شغالين
 

الفيرنا مش بتحتاج تزويد ميه أنا بسافر كل يوم بالعربيه مسافات طويله ودايما ببص على الميه بتبقى فى نفس مكانها
راجع على طلمبة الميه كما ذكر سابقا واذا كانت سليمه راجع على الريداتير والخراطيم الى واصله ليه أكيد فيه حاجه بتسرب الميه

رد: مشكلة عندى فى الفيرنا المروحتين شغالين
 

مدام الميه بتنقص يبقى لازم يكون فيه تسريب نصيحه شيك على الطلمبه

رد: مشكلة عندى فى الفيرنا المروحتين شغالين
 

طبعا متسكتش على الموضوع ده مش طبيعى ان الميه تنقص
و زى ما قالوا الاعضاء لازم تشيك على سبب نقص الميه
بالنسبة للمراوح من الى انت حكيته يبقى طبيعى الاتنين بيشتغلوا و يفصلوا مع بعض و مع التكييف بيفضلوا شغالين على طول و مع ظروف التشغيل القاسية سرعتهم بتزيد ( عندى فى اللانوس كده و معظم الجديد كده )
على العموم اسباب نقص الميه :

1. تسريب خارجى يعنى ممكن تشوفه زى
   1. خرم فى الرادياتير - الاربه - الخراطيم ......الخ
   2. غطاء الاربه باظ و بينفس على طول
   3. خرم فى سربنتينة السخان ( جوه تقفيصه ورا التابلوه ) صعب تبان بس شواهدها بيبقى فيه ميه بتدخل جوه الصالون و بيبقى فيه ريحة عطانه
   4. المضخة
   5. معظم الحاجات الى فاتت بيبان تسقيط ميه تحت العربية
2. تسريب داخلى :
   1. جوان وش السيلندر
   2. شرخ فى البلوك

رد: مشكلة عندى فى الفيرنا المروحتين شغالين