تعمل إيه لو راكن عربيتك و رجعت لقيت الباب عايز باب ؟؟!!
 

آه و الله يا جماعة أنا كنت راكن العربية لا بيه ولا علايه و لا حواليا و مركونة صح و فى واحد نص نقل راكن جنبى بس كام محضن شويه على إللى جانبه من النحية التانية فكانت فى مسافة كبيرة شوية بين العربيتين ... و تقريباً واحد ظريف حب يركن فى المسافة دى بس تقريباً نظرة ضعيف أو الدركسيون مابيجيش غير شمال بس .... المهم دخل فى باب العربية و بوظه وعملى فى الباب فتحة حلووووة كده ( ربنا يكرمه أكيد قصده كان يهويلى العربية علشان الحر) و الفتحة دى أنا حابب أوصفها ... هيا كاإنك جيبت ونش ضغير إللى بيرفع الحاجات ده و دخلت سكينة من السكنتين بتوعه فى الباب .... و الحمد لله على كل شىء ..... بس تعمل إيه لو مكانى ؟؟!!

رد: تعمل إيه لو راكن عربيتك و رجعت لقيت الباب عايز باب ؟؟!!
 

اقول حسبي الله و نعم الوكيل في كل غشيم سواقة معندهوش لا احساس و لا ضمير
ربنا يعوض عليك يا زعيم و هي خدت الشر

رد: تعمل إيه لو راكن عربيتك و رجعت لقيت الباب عايز باب ؟؟!!
 

ألف شكر يا باشا و الحمد لله على كل شىء ...

رد: تعمل إيه لو راكن عربيتك و رجعت لقيت الباب عايز باب ؟؟!!
 

ها أقولك إيه ... هون علي نفسك ... والله غباء الناس ده وقلة ضميرهم وتردي الأخلاق .. هو سبب العيشه الضنك إللي البلد عيشاها ... رنا يعوض عليك وينتقم من المستهتر بأموال الناس وممتلكاتهم ptmnlo123per172

رد: تعمل إيه لو راكن عربيتك و رجعت لقيت الباب عايز باب ؟؟!!
 

شكراً و ربنا يعوض عليا و بلاش الإنتقام ده يمكن غصب عنه برده بس ربنا يعوض عليا , ألف شكر يا باشا ...

رد: تعمل إيه لو راكن عربيتك و رجعت لقيت الباب عايز باب ؟؟!!
 

ربنا يعوض عليك هيا دى بلدنا مش شايف غير عربية نص نقل ينفع يتمشى بيها فيها
بعد الواحد ما يضور و يقارن و يشوف احسن عربية عشان الامان
تتخبط او يترسم عليها بمسمار و هيا واقفه

لعل فى الخبر ده بعض العزاء

حذر تقرير لمجلس الشورى من كارثة مرورية تنتظر مصر بعد عشر سنوات‏ ،كاشفا عن خسائر سنوية ‏16‏ مليار جنيه في الناتج المحلي الإجمالي بسبب حوادث الطرق‏.
وأكد التقرير أن الطرق المصرية صنفت ضمن الأقل كفاءة والأكثر خطورة وفوضوية في العالم

http://www.contactcars.com/News_View...sp?NewsID=4614

رد: تعمل إيه لو راكن عربيتك و رجعت لقيت الباب عايز باب ؟؟!!
 

هيا الحمد لهه العربية من نحيت الرسم ف تقريباً كان فى 2 بيلعبوا X-O على الكبوت و لما زهقوا من الكبوت دخلوا على الشنطة ... أما النص نقل فى دى الحل الأمثل ... حتى 2200 سىسى و حاجة عثل عثل :) و بالنسبة لكلامك عن الفوضى فى دى أكيد مش محتاجة نقاااش و كلنا عارفيين ده :) , شكراً يا باشا على مشاركتك ...