|
صيانة النيو اكسنت .... لازم فى التوكيل ؟؟؟
السلام عليكم ورحمه الله وبركاته
انا حبيت ان اضيف موضوع جديد وبصراحه فى موضوع مضايقنى جدا اسعار الصيانة فبرغم من ان سيارتى موديل 2010 بمعنى انها مازالت فى الضمان الا أن صيانة ال5000 وال10000ك اسعارهم عالية بمعنى : انا عملت صيانة ال5000ك ب130ج.م وعملت صيانة ال10000ك ب 215ج .م تقريبا وطبعا ده من غير سعر الزيت والفلتر(ال10000ك +فلتر =260ج ) وفى كلا الصياتنين كان : - تربيط العفشة - مراجعة جميع الزيوت ( فتيس ، فرامل ، بور ....الخ ) - مراجعة السيور - مراجعة الفرامل وشد فرامل اليد - ..... الخ كل ماسبق بيتعمل فى الصيانتين وسؤالى . هل لو عملت كل ده بره عند ميكانيكى محترم هيكلفنى نفس التكلفة؟ طيب لو ماروحتش الصيانات القادمة هل هيبقى فى مشكلة مع الضمان ؟ اصل بصراحة انا حاسس بالاستغلال ومضيعة الوقت لانى فى صيانة ال10000ك قعدت حوالى 10ساعات تقريبا او اكتر وفى الاخر رجعتلهم تانى لأن السنتر علق تانى |
رد: صيانة النيو اكسنت .... لازم فى التوكيل ؟؟؟
والله يا استاذ محمد انا بعاني نفس معانة حضرتك ديه بس احنا متضرين اننا نروح التوكيل بسبب القلق اللي الواحد بيبقي فيه وممكن حد بره يعملك فيها حاجه غلط يضيعلك الدنيا والعربية تخرج من الضمان وكمان في التوكيل معاهم زي كمبيوتر بيقدر يعرف اي عطل في العربية من خلاله فالواحد بيجي علي نفسه وبيرملهم 210 جنيه بتاعت صيانة 10000 ويريح دماغه وتقبل تحياتي
|
رد: صيانة النيو اكسنت .... لازم فى التوكيل ؟؟؟
thanxxxxxxxxxxxxx
|
رد: صيانة النيو اكسنت .... لازم فى التوكيل ؟؟؟
الصيانه والتوكيل والضمان شر لابد منه
معلش بعد فتره الضمان اعمل فى اى مكان ارخص المفروض تكون الاسعار اقل من كدا لكن هنعمل ايه ؟ |
رد: صيانة النيو اكسنت .... لازم فى التوكيل ؟؟؟
لو مش بتشتكى من حاجة ممكن عند حد محترم يكون بيفهم
|
رد: صيانة النيو اكسنت .... لازم فى التوكيل ؟؟؟
ماهي المشكله فين بقا اللي بيفهم ده صعب انك تلاقيه واخره هيكون بيفهم في العربيات اللي اخرها بتكون موديل 99
|
رد: صيانة النيو اكسنت .... لازم فى التوكيل ؟؟؟
ازيك يا محمد باشا
الصيانه لازم في التوكيل علشان الضمان بس مش لازم تروح كل 5000 كم ان بودي العربيه كل 10000 كم وغالبا بتبقى دي الصيانات المهمه وممكن تبقى تغيرالزيت بره او تحط زيت ال 10000 و يتغير مع الصيانه اهم حاجه في الصيانه ان العربيه بتتحط على الكمبيوتر ويتعمل تشييك عام وده مش حيعمله اي ميكانيكي او حتلاقي نفسك بتلف على ميكانيكا و كهربا و عفشه يعني وقت برضو ابقى احجز للصيانه من قبلها باسبوع و حاول تاخد ميعاد بدري من 8 ل 10 بالكتير و روح قبل الميعاد وان شاء الله مش حتقعد كتير |
| الساعة الآن 11:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017