رأيي الشخصي في الكريسلر
 

كريسلر الحقيقة هي تعتبر أكبر ماركة عربيات في مجال البحث العلمي والتطوير للسيارات هي ليست ملكة لكريسلر ودودج وجيب بس ديه فيها مركز بحث يعتبر من أكبر المباني في العالم وهو أقرب في الحجم من مبنى THE empire state الحقيقة من تجربتي لسيارة والدي القديمة الكريسلر 300m هي عربية خيالية لكن قطع غيارها غالية جدا ديه كانت ماشية 240 ألف كيلو متر وما شاء الله أسد لكن والدي باعها عشان قطع الغيار كان المفتاح لو ضاع عشان الواحد يجيب نسخة جديدة يدفع 1000 جنيه وأنا ركبت قبل كده المرسيدس e240 موديل 2002 مع والد صاحبي قبل كده ليست مريحة مثل الكريسلر وبرده ركبت عربية خالي القديمة كانت مرسيدس c180 موديل 2002 وكانت صعبة في القعدة مقارنتا بالكريسلر الكريسلر تحس إنك مش قاعد في عربية كأنك قاعد في شقتك من الراحة والكريسلر بتاعت والدي كانت 1999 يعني قديمة قوي وشكلها كان سابق عصرها 10 سنين هي عربية أسطورة كان شكلها أحسن من السيفيك والاكورد والكامري الجديدة وكان نفسي اركب ال 300c اللي هيا موديل بعد 2005 هي عربية أسطورة مستوحاه من الرولزرويس هناك سيارة كريسلرواحدة كانت سيئة وهي نقطة سوداء في تاريخ كريسلر وهي الجيب شيروكي قبل سنة 2000 كانت اعدتها ناشفة قوي ومعلومة الامريكاني ميتركبش أقل من 3200 سي سي لان الامريكاني جامد في الاحجام الكبيرة بس أنا نفسي أبونورا يعمل قسم للدودج عشان إن شاء الله والدي هيجيب دودج رام 2010 وعاوز أبقى أعمل عنها تقرير وفيديوهات بنفسي لكن أنا مقلتش إن الياباني والكوري والالماني وحشين الياباني يمتاز بالسيارة الحجم الصغير والجيب الحجم الكبير جدا زي الاند كروزر والكوري جامد بعد انضمام المصمم بتاع سيارات اودي لكيا الأمانة كيا سيراتو هي عربية جميلة لكن هي نفس امكانيات اللانترا فرق الشكل وبعض الكماليات الداخلية فقط لكن نفس الامكانيات

الالماني عربيات وهمية لكن أنا من وجحت نظري مرسيدس تمتازبـ S CLASS وكل العربيات السبور وbMW زيها والاودي حكاية تانية لكن مش واخدة حقها في مصر وعلى فكرة فولكس فاجن هي الشركة الام لبورش و اودي وسيات و سكودا والبوجاتي الأسطورة التي قلبت موازين قوانين الطبيعة

و بالمنسبة أنا بحب العربيات الصغيرة زي البروتن واللانسر أنا والدتي عندها بروتن خليجي موديل 1999 وجامدة ماشالله في الموتور وتكيف بس الخامات الداخلية وحشة نسبيا
لكم جزيل الشكر وفائق الاحترام
<input id="gwProxy" type="hidden"><!--Session data--><input onclick="jsCall();" id="jsProxy" type="hidden">
<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden">

رد: رأيي الشخصي في الكريسلر
 

رد: رأيي الشخصي في الكريسلر
 

منتظر ردودكم يا جماعة خاصتا أبو نورا في موضوع عمل قسم للعربيات الدودج:waving:
<input id="gwProxy" type="hidden"><!--Session data--><input onclick="jsCall();" id="jsProxy" type="hidden">

رد: رأيي الشخصي في الكريسلر
 

الكرايسلر يا باشا كانت مع اكتر من واحد من اصحابى
و كانت تتنوع بين M300 و Concorde

تتميز زى ما حضراتكم تفضلتم بانها من جوة صالون فخم و مريح جدا و خامة جلد الكراسى كانت ممتازة و مريحة ...و انا كنت باخد 300 M من صاحبى كتير اسوقها لأنى كنت بعت عربيتى و لسة بدور على عربية تانية .. و احنا كنا ساكنين مع بعض

المهم .. ما شاء العربية العربية كانت قوية جدا 3500 سى سى و الثبات بتاعها كان ممتاز بالنسبة لباقى الامريكانى لأن كرايسلر تستعين بتكنولوجيا مرسيدس فى اجهزة التعليق
تكييف كويس جدا ... سى دى تشينجر و كاسيت ... و شياكة داخلية
و دى شوية صور حلوة ليها تبين الفخامة و الشياكة
http://www.allpar.com/reviews/300m.html

انا عن نفسى بصراحة كنت بستمتع جدا بسواقتها ......

اما عن العيوب ... و محدش يزعل ....

فهى تتمثل اولا فى انها جر امامى و ده مش مناسب خالص لعربية بالقوة دى و لعبت من صاحبى كذا مرة و لولا ستر ربنا كان خيش لأنه بصراحة كان مجنون جرى و لو مكنش عداد العربية مقفول على 190 كان زمانه راح من زمان

و فى رداءة الخامات الداخلية للتابلوة اللى كان مشقق عند اصحابى كلهم بلا استثناء

لما تفتح الكبوت .. علشان تغير البطارية مثلا عاوزة شغل 3 ساعات فك و تركيب و طبعا مش اى حد بيفهم فيها
مؤخرا بقت العربية بتهيس تهييس مش طبيعى ,, اشى الكومبيوتر ضرب.. الجيربوكس ضرب.. اعطال غريبة ومكلفة جدا جدا ...

فراملها كانت ضعيفة نوعا ما بالنسبة لقوة محركها...

العربية واطية جدا على الارض فا مع مطبات مصر كمان تبقى عييييشة

سعر اعادة بيع متدنى للغاية ,, ده اصلا لو حد رضى يشتريها منك

بس يا بشوات ... و دى كانت تجربتى مع الكرايسلر

رد: رأيي الشخصي في الكريسلر
 

بصراحة مفيش كلام اقوله بعد كلام محمد باشا
و ده عن تجربة
انا كان معايا كونكورد موديل 2004 و تعرضت للكلام ده كله

رد: رأيي الشخصي في الكريسلر
 

الكريسلر من السيارات الرائعة فغلا بس يعيبها غلو أسعار قطع الغيار بشدة وندرتها في مصر انا كان لي تجربة معاها كانت مع والدة احد أصدقائي وكانت موديل2000 300 m وفاكر اني لما فتحت الباب لقيت كرسي السائق رجع للخلف لوحده واول ماقعدت راح طلع للامام تاني علي الوضع اللي كان مظبوط عليه وكانت تسارعها اكتر من رائع

رد: رأيي الشخصي في الكريسلر
 

عندك حق في موضوع انها جر امامي لكن متنساش إنها كانت موديل 1999 يعني مش 2004 ولا 2006 وجر امامي ده عيب بالنسبة للكريسلر لكن من بعد ال 2005 بقت جر خلفي وفيه بعد الموديلات من كريسلر 300c أو فيه موديلات دفع رباعي أما عن الخامات الداخلية 1999 فرق كبير مبينه ومابين 2009 وياريت تقارن المرسيدس العيون 1999 بيها هتلاقي المرسيدس تتميز في حاجات لكن في الراحة الكريسلر تكتسح أما الكبوت فـده لازم التوكيل لان كل الامريكاني من عربيات وموتوسيكلات وحتى طيارات بيقفلوا الموتور ببوكسات بحس إن محدش يلعب فيها وده عيب محتاجة متخصصين قوي عشان يغيروا حاجة فالموتور برة التوكيل في الحرفيين في ناس بتفهم فيها وموضوع فراملها ضعيفة يمكن التيل عاوز يتغير بس والعربية واطية فـده مش عيب فالعربية ده عيب في المطبات اللي بتتعمل هنا حضرتك المطب علي محطة مواصفاته في مرور الدخلية الهوا اقصى ارتفاع 7 سم وطوله 2 متر لو اتعمل مش هيبقى فيه شكوى من موضوع المطبات لكن لما كل واحد يطلع يعمل مطب قدام بيته فـده مشكلة , ده التوكيلات عندنا بترفع العربية مخصوص يعني الكورولا برة أوتى واللانسر وكل ده احنا بنعليها مقابل إنهم بيشيلوا كتير من الكماليات وده يظهر في الفرق مابين المصري والعربية اللي جاية من برة أما سعر اعادة البيع فـده في معظم العربية كده إذا كانت كريسلر ولا أودي ولا جاجوار ولا الفا روميو ولا كل ده والسبب إن الناس مبتشتريش غير عربيتين في مصر لو هيجيب غالي باي ام دبليو أو مرسيدس فـبتتجمع محلي عشان تبقى ارخص عشان الجمارك وده يرجع ل فضل التوكيل بتعمل زمان علي شهرتهم أكتر عربيتين في مصر, أما الأودي تعتبر زي الباي ام دبليو في كل حاجة وأحسن في بعد الحاجات. كل العيوب اللي في الكريسلر 300m اختفت فل300c ماعدا إنها واطية ,أما بقى اللي مفيهاش ولا مشكلة أو عيب من الحضرتك قلتله وتبع كريسلر وتمنها كويس جدا الدودج رام وتمنها رخيص عشان بتترخاس نقل هي تمنها في الأصل 270 ألف بتتباع بـ 320 أما لو ملاكي إضرب في 250 في المية هتدخل في 850 ألف لو ملاكي وهي بتترخس حاجة اسمها عام جمهوري وهي معناها إنها تمشي في أي حتة في مصر غير باقي النقل وده ميزة الدودج رام هي جامدة جدا وإن شاء الله لما والدي يجبها هبقى أعمل عنها تقرير بس ياريت يعملوا قسم للدودج زي الكريسلر

لكم جزيل الشكر وفائق الاحترام

<input id="gwProxy" type="hidden"><!--Session data--><input onclick="jsCall();" id="jsProxy" type="hidden">
<input id="gwProxy" type="hidden"><!--Session data--><input onclick="jsCall();" id="jsProxy" type="hidden">