|
نفسى افهم لييييييييييه؟؟؟؟
بجد ياجماعه انا نفسى افهم ليه فيه جمارك على السيارات
دلوقتى اللى انا اعرفه ان الجمارك دى علشان حمايه الصناعه المحليه صح؟ طيب هو احنا فيه عندنا صناعه سيارات اساسا؟ وهل تجميع السيارات هنا فى مصر اللى مافيش اسوا منه واسال عن النيسان صنى ده يعتبر صناعه محليه؟؟؟ بجد بجد مش قادر استوعب |
رد: نفسى افهم لييييييييييه؟؟؟؟
اقتباس:
اصل ياباشا مصر عشان 5 افراد 80 مليون يتمرمطوا ويتبهدلوا مش مهم عشان كده انا مؤمن بحاجة ان رجل الاعمال اللى عاوز يعمل بيزنس جامد اوى هنا فى مصر عشان الحكومة حتسانده طالما الراجل حبوب ودماغه مش ضيقة وكمان نعمله قانون بالمقاس بالسم طالما البيزنس عاوز كده ويوم ماتقفل خالص اول طيارة على انجلترا وانا عندى اقتراح نعمل كومباوند للهاربين المصريين بالاموال المصرية فى انجلترا بدل ما الناس تروح انجلترا تتبهدل |
رد: نفسى افهم لييييييييييه؟؟؟؟
عشان انته فى مصر عموا غبور وصحابه رجال الاعمال لازم يكسبوا فى العربيه الطاق اتنين يبقا ازاى تجيب عربيه من بره من غير جمارك ويكسب هوه مكسب بسيط ميصحش برده lol64 وبعدين ازاى يعم مبنصنعش حاجه فى العربيه امال الاكياس اللى بتبقا على الكراسى دى وبتقطعها وتشلها دى ايه مهى مصرى تفائل تفائل انته فى مصر |
رد: نفسى افهم لييييييييييه؟؟؟؟
المشكله ببساطه ان بعض الحكومات متبنيه النظام الماركسى اللى هوه عكس الرأسمالبه و عكس الآديان !
النظام ده بيقول ايه ؟؟ ناخد من الآغنياء علشان ندى الفقراء ! رغم ان ده ما بيحصلش فى الواقع ببساطه ! الرأسماليه بتقول ان الحكومه تاخد ضرائب ولتكن تصاعديه و مرتفعه ! بس فى المقابل فيه قصادها خدمات ينتفع بها الفقير والغنى على السواء ! والآديان بتقول تكافل أو زكاة مال ولا تزيد فى الدين الاسلامى عن اثنين و نصف فى المائه ! ولو طبقت صح لن تجد فقير على وجه الآرض ! نيجى بأه لاجماع رجال الفكر والمال ! ان لو فيه حكومه أو دوله وزعت كل المال على كل الناس بالتساوى ( جدلا ) ! بعد كام شهر ح تلاقى اللى كان غنى أصبح غنى واللى كان فقير أصبح فقير ! لآن كل واحد منهم له عادات وتعليم وثقافه و موروثات هى اللى بتسبب له الفقر أو الغنى ! وبعدين ايه ذنب الغنى اللى اغتنى من حلال انه يصرف على فقير افتقر من جهله وتنبلته واسرافه ؟؟ كذلك تعتمد بعض الحكومات المتخلفه مبدأ الحسنه تخص والسيئه تعم ( بمفهومها ) ! و مبدآ أنا وأخويا على ابن عمى وأنا وابن عمى على ولاد الكلب اللى همه العالم الزباله اللى نفسهم يركبوا ولو توكتوك ملاكى ! لآنهم بعد شويه ح يطمعوا فى سياره رمسيس و بعدين 126 و نصيبه لو فكروا فى 127 !! قوم ايه ؟؟ قوم نخللى الناس تجرى وراء لقمة عيشها وان حصلتها كمان ! واللى يستجرى يشترى عربيه يخلوه يدفع اتاوة تساوى تمنها و بنزين برده يجيب ثمنها فى سنتين تلاته و يبقى كل همه يحافظ عليها ! و هلم جر للبيوت و المصانع والآعمال الخاصه و ضرائب مبيعات حتى على مكالمات التليفون ( طب حد يفهمها لى دى ) ؟؟ لذلك هو سؤال عويص و خبيث منك يا لول ! انت عاوز تفتح مواضيع ما لهاش آخر .....الا أراميدان ؟؟ Dr. Bolbolan ptmnlo123per1147 |
رد: نفسى افهم لييييييييييه؟؟؟؟
عشان احنا معندناش شوارع مجهزة لهذا الكم من السيارات
و عشان الحكومة بتعتبر السيارات ،، رفاهية فبالتالي اللي عاوز يدفع و عشان تشجيع التجميع المحلي اللي من غير حماية مش هيستمر يوم واحد نوعا ما شايف ان في وجهة نظر منطقية |
رد: نفسى افهم لييييييييييه؟؟؟؟
اقتباس:
لا والله يادكتور انا مقصدش حاجه بس السؤال جه فى دماغى لما قريت موضوع هنا فى المنتدى ان الجمارك هاتنخفض 4 فى الميه تقريبا على العربيات ال 1600 انا ليا اخت بتشتغل فى السعوديه وكانت لسه مكلمانى وبتقوللى حرام الفلوس اللى بتندفع فى الجمارك فى مصر ونسبه التضخم والعجز فى مصر واصل 23 فى الميه ولسه بيزيد الله يسامحها نكدت عليا |
رد: نفسى افهم لييييييييييه؟؟؟؟
اقتباس:
ثمن العربيه يتكون من - قيمة محسوبة وده بعد تحسين سعر المُورد اللى فى الفاتورة - رسم وارد وضريبة جمركية وده تقريباً من 50 % إلى 100 % من ثمنها - ضريبة مبيعات من 15 % إلى 45 % من مجموع البندين السابقين - رسم تنمية موارد على السيارات الملاكى من 3% إلى 8.5 % من مجموع الثلاث ينود السابقة ده غير شوية مصاريف كده تعملها حوالى 1 أو 2 % |
| الساعة الآن 08:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017