ثقافة شراء سيارة
 

يا جماعه انا عايز اعرف الشعب المصري عنده ثقافة شراء السياره ولا لأ بعيدا عن اعضاء المنتدي الموضوع ده موجود بره كتير ولا لأ لأن انا قرأت ان واحده اشترت عربية عشان ابنها الصغير شبطت فيهاptmnlo123per172

يعني ثقافة شراء السيارة بتتلخص في الاتي:-
1- ليه عايز تشتري عربية؟؟
2-بتختار عربيتك عل اي اساس؟؟
3-حتشتري جديد ولا مستعمل؟؟؟

فا ياريت الاعضاء يفيدوني في الموضوع ده وكل عضو يذكر تجربته الخاصة او تجربه اي حد يعرفه

سؤال كمان ؟؟؟!!!!
*هل فيه جهه بتقوم بعمل تقييم السيارات بشكل احترافي في مصر من حيث الاداء والاعتمادية وسعر البيع بشكل احترافي؟؟؟
*هل في جهه برده بتقيم اداء الوكلاء والموزعين ومراكز الصيانه ؟
عشان لو في حاجه كده موجوده ممكن تخلي الوكلاء يحسنوا من ادائهم
*لو في جهه استشارية بتقدم نصائح لشراء السيارات بشكل محايد ومحترف حيكون في اقبال عليها من الناس ولا برده حيفضلوا يشتروا ويقولوا يا ريت اللي جري ما كان

يا ريت اعرف ايه رايكم في التساؤلات ديه ؟؟
وشكرا ليكم جدا

رد: ثقافة شراء سيارة
 

موضوع جميل ياباشا
بس تفتكر الشعب المصرى محتاج ثقافه لشراء السيارات؟
الواحد بيدفع دم قلبه عشان يشترى عربيه باغلى من تمنها بره وربنا يخليلنا الجمارك فلازم غصب عنه ولابد يبقى عارف هو بيشتريها ليه ومتطلباته منها ايه وهاتفيده ولا لا
طبعا فيه ناس بتشترى وتغيرها عشان الموضه ومش فارقه معاها الفلوس ودول برضه عارفين هما بيعملوا كده ليه

انا عن نفسى اشتريت فى حياتى 5 عربيات
128 مستعمله لما كنت هاتعلم عليها وعشان لما تتخبط ولا حاجه تبوظ فيها اعرف المها ومازعلش جامد
132 2000 عشان تستحملنى لما بدات الشغل والسفر
جولييت لما كنت خاطب وعايز اتمنظر بيها شويه
لانوس عشان اتجوزت وعايز حاجه عائليه ومحتاج الشنطه
النترا عشان السفر زاد وفى نفس الوقت برستيج مش بطال وفلوسها على قدى وطول عمرى كنت عايز اشتريها

وشكرا مره تانيه على الموضوع الجميل

رد: ثقافة شراء سيارة
 

اشكرك يا باشا علي ردك :HAPPY_~211:
يمكن انت عندك الثقافة ديه وربنا وفقك انك تشتري عربيات
ليها شعبية وانتشار وكويسه 128-132-جولييت-لانوس-النترا
وربنا يباركلك فيها ويكفيك شرها
بس النقط اللي بتكلم فيها هي :-
1- ممكن تشتري عربية وتكون اعطالها كتير
2- واخري ممكن يكون وكيلها ومراكز صيانته سيئهptmnlo123per111
3-واخري سعر اعاده بيعها غير جيد
4- ممكن تجيبها وتكتشف ان تكييفها ضعيف ومساحتها ضيقه
كل ديه عيوب لا تظهر والعربية لسه زيرو ولكن تظهر في الاداء والتجربة
يعني حضرتك اشتريت عربيات متجربة كويس وليها سمعه كويسة
لكن فيه عربيات ممكن تكون كويسه بس وكيلها مش مديها حقها من الدعاية

كل ده عشان مفيش حد متخصص يديك نصيحه اكيده وعن خبرة وتجربة
يعني ناس تقول الفيرنا وحشة وناس تقول حلوه طيب نصدق مين
لازم حد يكون خبير ومحايد ويقيم العربية حسب شخصية اللي حيشتري العربية

رد: ثقافة شراء سيارة
 

ايه يا جماعه هو الموضوع في مكانه الصح ولا مكانه الغلط ؟؟
ولا الجزء ده من المنتدي معلخوش رجل ؟
ياريت حد يفيدنا في الحوار ده

رد: ثقافة شراء سيارة
 

يبدو ان معندناش الثقافة ديه

رد: ثقافة شراء سيارة
 

يا باشا لو قصدك ان عندنا حد يحدد سياسة شراء وبيع واختيار السيارات
فده كل واحد هو رئيس جمهرية نفسه
وعلي فكره للسبب ده ناس كتير بتتخدع وتجيب عربيات باسلوب اختياري خاطء
يعني اللي يجيب عربية وفاكر ان مصاريف العربية هي قصطها وبنزينها وده بتكون نهايته يبيع العربية لحد يكم قسطها
او عربيته تبوظ وتتركن لو كاش ومعهوش يصلحها
وفي ناس بتسال معارفها عن احسن عربيه لظروفهم ودول ونصيبهم ياللي بيديهم قرار صح واللي بيديهم فتوي جاهله
والدليل علي كلامي كمية الناس اللي بتجيب عربيات وتخسر فيها ومبتستخدمهاش بالشكل الصح
يعني انا اجيب عربية صغيرة وانا متجوز وعندي عيلة والعربية مش مكفياني
او اجيب عربية غالية واحط فيها كل اللي حيلتي واجي علي تغيير زيوت او عفشه او صيانه دوريه ويبقي معاييش والعربية تتهان او اروح اجيب عربية عشان سعريها رخيص وعلي قد امكانيات وتطلع عيني صيانه ومصاريف وفي الاخر ابيعها بتراب الفلوس
او اجيب عربية قديمه افضل اصرف عليها عشان تتظبط واقول مش مهم ابقي اظبطها حاجه حاجه وفي الاخر متجيب التمن اللي دفعته فيها حتي
وكمان حكومتنا ربنا يخليها مخليه العربيات سعرها الضعف عشان الجمارك
وموضع الجمارك ده بتعمله الدول اللي بتنتج عربيات زي الهند وعاوزه تمشي انتاجها
تقولك تشتري العربية الهندي رخيصة لكن لو عاوز تجيب حاجه من بره يبقي تدفع تمنها الضعف
لكن في مصر لا في انتاج محالي ولا اللي جاي من بره رخيص وفلوس الجمارك ديه الشعب مش بيشم ريحتها
وشكرا علي موضوعك يا باشا

رد: ثقافة شراء سيارة
 

بالضبط كده يا باشا
*بلاش كل واحد يبقي رئيس جمهورية نفسه ديه عشان في ناس بيعمل فيها العليم ببواطن الامور وفي الاخر يضيع نفسه وفلوسه ويرجع يقول يا ريت اللي جري ماكان وخصوصا لو كانت خبرا ته قليله
* الناس اللي بتاخد نصيحه من الاهل هل النصيحه ديه موثوق فيها ولا مرة تصيب ولا مرة تخيب ممكن يكون قريبك ده ثقة وكل حاجه بس احتياجاته للعربية ورؤيته لعيوبها ومزايايها مختلفة عنك
* تعرف انك مش حتشتري العربية عشان شكلها حلو ، ولا الكماليات اللي فيها حلوة يا تري بنبص انك بعد متشتري العربية لازم تبص انك بعد 1000 كيلو حتعمل صيانه بحوالي (سـ ) من الفلوس هل المبلغ ده متوفر معاك !!!!!!!!!!!