|
يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
معلش يا جماعة هتقل عليكو شوية انا اولا رحت معرض سيارات علاء الدين وتعاقدت فقط معاهم على سيارة نيو اكسنت انا هجيبها اوتوماتيك وهدفع 60 الف فى الاول والباقى على 3 سنين فاخدو منى 1000 ج قالولى فتح حساب او مقدم حجز انا بصراحة مش عارف دى بتاعت اية واخد بيها وصل وبعديها جالى حد من بنك المشرق علشان يكمل معايا البيانات الخاصة بفتح الحساب الخاص بالقسط ودة جالى فى البيت وكملت معاة البيانات فكنت عايز اعرف الاجراءات كدة طبيعية ولا اية دى اول حاجة تانى حاجة بقى لو ربنا اراد واشتريت العربية انا كنت قريت عنوان موضوع باسم خطوات استلام النيو أكسنت وعجبنى اوى بس كنت عايز اعرف وصلة اليو اس بى دى عبارة عن اية اصلى لقيت كل الناس بتتكلم عنها وعن اهميتها فكنت عايز اعرف بردة بس كدة انا طولت عليكو ولو حد هيتكرم ويرد عليا يا ريت لو فى نقطة مش واضحة او محتاجة انى اخد بالى منها وانا بشترى العربية يا ريت يوضحهالى وجزاكم الله كل خير
|
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
مبروك عليك السياره مقدما
بس انت لم توضح هتشترى هيونداى نيو اكسنت العاديه ولا سسبورت الجديده فى انتظار اصحاب الخبره فى التقسيط للاجابه على الاسئله |
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
لا ان شاء الله نيو اكسنت العادية موديل 2010 اوتوماتيك ومتشكر اوى على سرعة الاهتمام
|
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
الف مبروك يا بشمهندس علي العربية وربنا يديك خيرها ويكفيك شرها ولو اني مش من مؤيدي شراء العربية من معارض غير معروفة وكان الافضل شراها من التوكيل او مركز معتمد زي ابو غالي المهم قدر الله وما شاء فعل كدا انتا الاجراءات طبيعيه جدا وهتستني تجيلك موافقة البنك بكره الصبح بالكتير واهم حاجه وانتا بستلم العربية انك لازم تبص علي عداد الكيلوات انه ميكونش معدي 50 كيلو في الساعه خلي بالك من النقطة ديه كويس وتفحص صاج العربية حته حته تفلي الصاج وتبص علي العربية من تجت وتتاكد انها سليمة مفيهاش تخبيط من تحت وتعمل تيست لكل حاجه في العربية النور والتكييف والكاسيت والولاعه وهتستلم مع العربية كوريك ومفك صليبة وعادة واستبن وضمان البطارية والكاسيت وكتالوج العربية ونسختين مفتاح وكتالوج الكاسيت اهم حاجه عداد السرعه وبالنسبة لموضوع اليو اس بي ده معتقدش انه موجود في الاكسينت العادية وموجود في الاسبور فقط وده ممكن توصله بفلاشه وتشغل من عليه الاغاني وهكذا وتقبل تحياتي اخوك احمد والسلام ختام
|
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
بالنسبة ل 1000 جنيه ديه حجز للعربية وبتتخصم من المبلغ المتبقي علي العربية ساعة الاستلام يعني قبل ما تستلم بيومين تقريبا بتدفع باقي المبلغ
|
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
الف الف شكر يا جماعة معلش انا رديت متاخر اوى بس ظروف الشغل بقى عاما انا بجد متشكر اوى وانا عارف ان المنتدى دة فى ناس جامدين زيكو كدة وهيفيدونى علطول انا بجد متشكر على سرعة الرد بس كانت عايز اعرف من الاخ كور سير يعنى اية لازم ابص كويس على عدادا السرعة معلش ممكن يكون السؤال غريب بس انا مش متعمق اوى فى العربيات انا بسوق وبس فياريت توضحهولى وانا اكون مشكور اوى ليك وعاما انا كنت هاخد معايا محامى فى يوم التسليم يعنى زيادة ضمان وعلى فكرة معرض علاء الدين معرض معروف جدا وكل اسبوعين لية صفحة بالكامل فى اخبار السيارات عاما انا مستنى ردك يا باشا ومتشكر اوى تانى وتالت وعاشر مرة بجد معلش اخر حاجة نسيت اسال عليها وهيا حاجة مهمة اوى الى هيا التامين الى حصل ان المعرض قالى ان التامين هيكون اجبارى علشان انا مقسط العربية مش واخدها كاش ودة هيكون فى خلال ال3 سنين بتوع التقسيط وهتقل القيمة كل سنة ودة على اساس تقادم العربية والتامين دة هيكون بنظام بدون نسبة تحمل يعنى لو لاقدر الله فى اى حاجة حصلت للعربية التامين بيغطيها ودة هيكون فى شركة قناة السويس للتامين تقريبا فكنت عايز اعرف بردة رايكم اية فى الموضوع دة و انا اسف جدا على الاطالة
|
رد: يا جماعة انا نويت باذن الله اجيب نيو اكسنت بس محتاجكم معايا فى بعض الاسئلة
3ady de 1000 gnih 3shan te7gez el 3rabeya mafish feha moshkela w egra2at el bank de egra2at est3lam tabe3eya gedan le ay 7ad by2asat , ama waslet el usb mawgoda fel new accent sport wel 3adeya kaman , w de momken tsh3'al 3liha flasha lw 7abeb tsma3 aghani aw keda w eb2a et2aked enaha shaghala
|
| الساعة الآن 03:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017