أرجو المساعدة فى الأختيار
 

السلام عليكم
أولا احب أعرفكم انى راكب حاليا عربية أوبل كورسا 1200 موديل 1994 وهى عربية ممتازة جدا بكل المقاييس بس قدمت خلاص والأولاد كبرو ومحتاج عربية أكبر شوية بسعر معقول لا يتعدى ال 75 الف جنية أقولكو فكرت فى ايه
أولا: السيارة الشعبية رقم 1 وهى دايو لانوس S فى حدود 69
ثانيا: السيارة الشعبية رقم 2 وهى هيونداى فيرنا جميع الكماليات سعرها قريب من ال لانوس
ثالثا: اسبرانزا صينى A516
رابعا: جيلى MK صينى زفت بردو
خامسا: شيقورليه أفيو
سادسا: رينو لوجان سيدان جميع الكماليات

أيه رأيكم فى الحيرة دى يا ريت لو حد يقدر يساعدنى على الأحتيار وممكن طبعا لو فى اقتراحات تانية غير اللى فوقptmnlo123per1127

رد: أرجو المساعدة فى الأختيار
 

رد: أرجو المساعدة فى الأختيار
 

لوجان لانها اوروبية وبعدين افيو

رد: أرجو المساعدة فى الأختيار
 

اكيد الرينو لوجان هى اللى فيهم وكمان عربيه محترمه جدا جدا

رد: أرجو المساعدة فى الأختيار
 

عن نفسي أرشحلك الدايو لعدة أسباب لو أنا مكانك مش هتردد

أولا العربية خلاص اتحفظت وانت بتشتري عربية الميكانيكية والكهربائية وجميع قطع الغيار متوفرة بأسعار عادية
اللإيو هي هيه بس بسعر أعلى فملهاش لازمة
الصيني أكيدددددددددددددددددددددد دددد عن الشر وتغنيله
الفيرنا تغور من غبور ومشاكلها كثير

أما الرينو اللوجان فمعرفش ليه مش مستريحلها بعدين عربية لسه غامضة ولا قطع غيار معروف سعرها ولا أي حاجه وأكيد هتبقى قطع غيار غاليه مقارنة باللانوس ، وبعدين زي ما قلت أنا أحب ألعب في المضمون يعني الحاجة المعروفة واللي الناس جربتها وأثبتت كفاءة فليه أتعب نفسي وأضيع فلوسى ؟؟؟؟؟؟؟؟

ربنا يوفقك لما فيه الخير

رد: أرجو المساعدة فى الأختيار
 

انا متشكر جدا على المساعدة بس فعلا انا كمان ميال لل لوجان بس مش عارف ايه نظام الوكيل والصيانة وقطع الغيار ومحترم جدا كلام الأخ اللى رشح الدايو هى وجهة نظر معقولة اعتقد لو حد قدر يفيدنا بأى اخبار عن الرينو لوجان ده هيحسم الموضوع

رد: أرجو المساعدة فى الأختيار
 

انا بصراحة مع ال لوجان وهى كعربية فئة تانية خالص غير كل اللى احنا بنتكلم فيه
بصراحة انا راكب الرينو بقالى سنة و الحمد لله عربية سترانى جداً ومريحانى جداًوللعلم انا بعمل فى اليوم الواحد 100 كيلو ده غير الثبات وغير المتانة وغير الامكانيات العالية بسعر منافس وبصراحة مش بتعامل مع التوكيل
لكن بتعامل مع عادل اللى فى صقر قريش مش نور لان نور سمعته مش ولا بد
لكن خلى بالك علشان الاتنين جنب بعض على طول

اما بالنسبة للانوس فهى عربية جميلة فعلاً وقطع الغيار متوفرة و الاسعار عادية جداً ولكن معدل استهلاكها اعلى كعربية والفخامة مش اوى يعنى قطعة الغيار الاصلية اللى هتحطها فى اللوجان هتعيش 3 مرات اكتر من الاصلية اللى هتحطها فى اللانوس
ناهيك عن الفخامة والصالون وان دى اوربية ودى كورية ده غير الثبات على الطريق فالرينو معروف وخصوصا على السرعات بعد ال 150 كم/س
اما اللانوس فأحذر منها بعد ال 120كم/س
والله اعلى و اعلم وهو الموفق