عيوب ومميزات غطاء السيارة
 

الأول أحب أرسل تحياتى لكل أعضاء المنتدى الى بفضلهم قدرت أخد قرارى وأشترى عربية جديدة
أنا لما أستلمت العربية أول شئ فكرت فيه أنى أشترى دواسات وفرش وغطاء ولكن بتوع الأكسسوار نصحونى بالغطاء الوتور بروف وطبعا دا بالنسبة للمنطقة الى ساكن فيها مش هيكمل 24 ساعة ويتسرق ففكرت فى غطا عادى الى بـــ 75 جنيه بس بتوع الأكسسوار نصحونى أنى أبعد عنه لأنه القماش فى كل مرة ألم فيها الغطاء بيجرح الدهان خاصة أن دهان المصنع ليه لمعة خاصة فأرجوكم أفيدونى لأنى أريد أن أعرف كل عيوب ومميزات غطاء السيارة القماش وهل ممكن أكتفى بوضع عاكس للشمس داخل السيارة خلف الزجاج الأمامى.
وشكرا للجميع

رد: عيوب ومميزات غطاء السيارة
 

الغطاء فى جميع الاحوال مفيد
يحمى السيارة من اشعه الشمس والمطر
وكذلك يحمى من خدوش الاطفال والحيوانات الاليفه واى احتكاكات اخرى
يصرف نظر بعض الحاقدين ومحترفى سرقه المرايات والعلامات

اما بالنسبه لموضوع كونه قماش او ووتربروف ، فليس عندى معلومات اكيده عن افضليه اى منها
غير ان من عيوب الووتربروف انه بمجرد حدوث اى قطع به ( القطط ليلا ) فانه يصعب اصلاحه
اما القماش فانه يسبب تجمع الاتربه ويلزم تلميع السيارة فى كل مرة - كما انه فى حالة الامطار يكون ووتربروف افضل طبعا .

رد: عيوب ومميزات غطاء السيارة
 

ولا يصعب اصلاحه ولا حاجه

انا الغطا بتاعي ووتر بروف ولما اتقطع ودا بعد سنه من عند الفوانيس كدا طلعته لوالدتي وجابت بنطلون جينس قديم عندي ورقعته بيه , عادي مكله في الشارع

وبيتيهالي اللوتر بروف احسن ميت مره واغلي حاجه بسيطه عن القماش

لو مش هيتسرق فعليك وعلي الوتر بروف

بالتوفيق

رد: عيوب ومميزات غطاء السيارة
 

رد: عيوب ومميزات غطاء السيارة
 

هات الوتر بروف
و ادهنه زيت قديم من بره
و حيبقي مفيد في حاجتين
اول حاجه مش حيخلي حد يسرقه لان حيبان شكله متبهدل
و تاني حاجه مش حتلاقي الشباب تقعد او تركن علي عربيتك خوفا علي ملابسهم;)

رد: عيوب ومميزات غطاء السيارة
 

نسيت تقول حاجة تالت حاجة انك اساسا مش اتغطيه بيها خوفا على ايدك وملابسك

رد: عيوب ومميزات غطاء السيارة
 

بعد خبره طويله مع الغطيان
اولا الضرر البسيط الى ممكن يسببه الغطاء القماش لسطح الدهان لا يقارن بالاضرار الى ممكن تحصل لو العربية متغطتش زى ما قال الاستاذ بندارى

الى انا بعمله غطاء وتربرووف (طبقه واحدة مشمع) و ده رخيص فى حدود 65 جنيه يمكن 80 و بحط فوقه غطاء قماش ب 60 جنيه و بشيلهم و احطهم مع بعض كانه غطاء واحد
مميزات الموضوع ده
الوتر بروف ( الطبقة الواحدة ) مبيازيش سطح العربية و بيعزلها عن الرطوبة و الرمال
القماش حماية من الاعمال التخريبية و بيحافظ على الوتر بروف من الطيران و السرقة و التقطيع

لكن القماش لوحده او الوتربروف الغالى الى هو مبطن ده كتيير بيلم وساخة و حجات تانية بتجرح العربية اثناء الفك و التركيب