مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   اول مرة اسوق و لدى بعض الاسئلة فهل من مساعدة (https://www.masrmotors.com/vb/showthread.php?t=23430)

damdam41 06-04-2010 01:12 AM
اول مرة اسوق و لدى بعض الاسئلة فهل من مساعدة
 
سلام عليكم
انا اسف لو الاسئلة الاتية طلعت هايفة بس معلش استحملونى عشان انا لسه جديد فى السواقة
- اشتريت عربية بس فيه فى التابلوه بتاع شرخ من الشمس هل ممكن يتعالج و هل ده ليه اضرار
- لما بروح مشوار بسيط و ارجع بسمع صوت بقلله كده مع ان درجة الحرارة بتاعة المؤشر منخفضة
- هل ينفع انقل من التانى مثلا للرابع مرة واحدة او العكس ولا لازم التسلسل فى تغيير السرعات
- هو ايه اللى بيحصل لما بنغير فى السرعات يعنى مثلا من التانى للتالت اقصد ميكانيكا
- هل هناك ارقام محددة للسرعات يعنى مثلا الغيار التانى سرعته من كام لكام ولا دى مش ثابتة
- هل لازم لما اجى ادام مطب انى انقل للاول ولا اكتفى بالفرامل فقط
- لو واقف فى اشارة امور العربية و لا ادوس دبرياج و فرامل
- هل ممكن العربية تمشى و انا رافع فرامل اليد
- اسمع عن تعشيق العربية فكيف ذلك
- عاوز اخد كورس ميكانيكة فهل هناك اماكن لذلك
- عاوز اجيب فرش جلد و ستارة للكنبة الخلفية عشان الاطفال فمن اين ذلك
- بحس فى الفتيس المانيوال انه صعب الواحد يبقى عارف واقف على سرعة كام الا بالتعود و حفظ موضع السرعات فليه مش عاملين طريقة سهل لتغيير السرعات ولا انا اللى فاهم غلط

انا اسف لو اطلت عليكم و اسف لو فى اسئلة ساذجة بس زى ما قولتلكم انا لسه بقول ياهادى فى السواقة و الف شكر ليكم

Dr. Bolbolan 06-04-2010 02:03 AM
رد: اول مرة اسوق و لدى بعض الاسئلة فهل من مساعدة
 
اقتباس:
المشاركة الأصلية كتبت بواسطة damdam41 (المشاركة 160739)
سلام عليكم
انا اسف لو الاسئلة الاتية طلعت هايفة بس معلش استحملونى عشان انا لسه جديد فى السواقة
- اشتريت عربية بس فيه فى التابلوه بتاع شرخ من الشمس هل ممكن يتعالج و هل ده ليه اضرار

لو الشرخ عميق وكبير طبعآ شكله ح يبقى وحش و ح يخلى التابلوه يزيق و يدخل أتربه للآسلاك

والعدادات من الداخل ! ويبقى تغيير التابلوه أحسن ! أما لو شرخ غير عميق و غير كبير فيمكن

وضع لاصق قوى عليه و تغطيته بصورة حلوه تمشى مع التابلوه أو ممكن تغطية التابلوه كله

بغطاء فروه ( بس فلاحى حبتين ) !


- لما بروح مشوار بسيط و ارجع بسمع صوت بقلله كده مع ان درجة الحرارة بتاعة المؤشر منخفضة


البقلله دى دليل على ان سخونة الماء فى الرادياتير و مجارى الماء فى الموتور وصلت لدرجه

حرجه وغاليآ هناك انسداد جزئى فى مجارى الماء داخل الموتور نفسه ! وعدم ارتفاع مؤشر

الحراره لا يدل على سلامته ! أكيد غير سليم ! والحل تسلك الرادياتير و تضع ماء أخضر فى

الرادياتير بدلا من الماء العادى ليقلل من ارتفاع الحراره و يذيب أى صدأ فى مجارى الماء قى

الموتور والتى لايمكن تسليكها الا عند عمل عمره للموتور !


- هل ينفع انقل من التانى مثلا للرابع مرة واحدة او العكس ولا لازم التسلسل فى تغيير السرعات

هوه ينفع بس لازم تكون مشبع التانى على الآخر ! يعنى صوت الموتور يعلى معاك كأنه ح ينفجر !

بس ليه تعمل كده ؟ كسلان تجيب التالت ولا فيه مشكله فى النقله دى ؟؟


- هو ايه اللى بيحصل لما بنغير فى السرعات يعنى مثلا من التانى للتالت اقصد ميكانيكا

لو نفس عدد لفات الموتور ثابته عند النقله ! فان تروس الحركه للتالت فى الفتيس تكون أصغر

من التانى وبالتالى عدد لفات عمود الاداره المتصل بالعجل ح يلف أسرع مع التالت عن التانى !


- هل هناك ارقام محددة للسرعات يعنى مثلا الغيار التانى سرعته من كام لكام ولا دى مش ثابتة

هى محدده فى كتيب كل سياره كقيمه عظمى و صغرى ! ولكن فى الطبيعه غير ثابته و حسب حالة

السياره و حرفنة كل واحد !


- هل لازم لما اجى ادام مطب انى انقل للاول ولا اكتفى بالفرامل فقط

طبعآ لازم تفرمل بس مش لدرجة ايقاف السياره تمامآ ! لكن لو توقفت تمامآ يبقى لازم تجيب

الآولانى !


- لو واقف فى اشارة امور العربية و لا ادوس دبرياج و فرامل

مور !

- هل ممكن العربية تمشى و انا رافع فرامل اليد

لو فرامل اليد سليمه و مرفوعه على الآخر لن تسير السياره و العكس صحيح !

- اسمع عن تعشيق العربية فكيف ذلك

يعنى تنقل على التانى وتسيبها واقفه كده والموتور مطفى !

- عاوز اخد كورس ميكانيكة فهل هناك اماكن لذلك

متهيألى بعد الآسئله دى والاجابات دى ! انت مش محتاج كورس ميكانيكا !

- عاوز اجيب فرش جلد و ستارة للكنبة الخلفية عشان الاطفال فمن اين ذلك

من عند الراجل بتاع الكنب والستاير ! سبير كار مثلا !

- بحس فى الفتيس المانيوال انه صعب الواحد يبقى عارف واقف على سرعة كام الا بالتعود و حفظ موضع السرعات فليه مش عاملين طريقة سهل لتغيير السرعات ولا انا اللى فاهم غلط

يعنى ايه واقف على سرعة كام ؟ ماهو لو واقف يبقى ما فيش سرعه ؟ متهيألى حضرتك فاهم غلط


انا اسف لو اطلت عليكم و اسف لو فى اسئلة ساذجة بس زى ما قولتلكم انا لسه بقول ياهادى فى السواقة و الف شكر ليكم

كل ده و بتقول يا هادى ؟ ptmnlo123per1106أمال لما توصل لصدق الله العظيم ح تعمل ايه ؟؟
ألف مبروك السياره الجديده ! بس عمومآ التعلم بيكون على الواقع أسهل وأسرع ! وحاول تاخد

معاك حد بيفهم فى السواقه و باله طويل واسأله على الطبيعه على اللى ييجى فى خيالك !

Dr. Bolbolan ptmnlo123per122

geuvara_2010 06-04-2010 02:10 AM
رد: اول مرة اسوق و لدى بعض الاسئلة فهل من مساعدة
 
انا مستعد اجاوب علي الاسئله دي كلها و ممكن اعلمك مكانيكا كمان بس اهم حاجه تكون حابه السواقه و عايزه تتعلم بجد انا هاجاوب علي سوال سوال علي قد ماقدر والباقي مش هاعرف اكتب علي النت
صوت البقلله ده من الردياتير مكنا تخزين المياه لتبريد السياره و معين كده ان العربيه بتسخن ولازم تشوفي العيب من ايه

من تنقلي من التاني للرابع والعكس مافيش مشكله بس عايزه تعود علي العربيه واحترافيه شويه انما لو عايزه تنزلي من اي غيار لاقل منه مره واحده مافيش مشكله الا المارشدير لازم تقفي خالص

لما بتنقلي من غيار لغيار اعللي داخل صندق السرعات قوه الموتور بتتنقل لاسطوانه سرعه اعلي لاستخدام قوه الموتور لاحداث عدد لفات اكبر في الالات جر العربيه

في ارقام محدده للسرعات مثلا الاول لمجرد تحريك العربيه
الثاتني لحد 40 الثالث 70 الرابع لحد 120 و الخامس لاخر العربيه و تختلف مابين عربيه جديده و قديمه

لو في مطب و العربيه ماوقفتش بتدي الغيار التاني و تنقلي براحه بالدبرياج و لو العربيه وقفت خالص يبقي تتحرك بالاول

لو في اشاره لازم تمور علشان الدبرياج الكتير هاياكل الاسطوانه

ممكن العربيه تمشي و انت شادد الهاند بريك بس هاتبوز الموتور و الفتيش لانك هاتحمل علي العربيه

تعشيق العربيه بيكون انك بعد ما بتبطل العربيه بتدي العربيه غيار و تنزل منها فالعربيه ماتتحركش من مكانها اللا بالعافيه

في اماكن للتعليم وانت مع الممسارسه هاتتعلم كل حاجه في العربيه

ممكن تنزل شارع التوفيقه لاكسسوارات الخفيفه انما الفرش روح اسبير كار اللي عند شارع الشيخ ريحان و السيده زينب و اعلاناته ماليه المنتدي

damdam41 06-04-2010 11:38 AM
رد: اول مرة اسوق و لدى بعض الاسئلة فهل من مساعدة
 
الف شكر للدكتور ( حكيم المنتدى ) و لجيفارا على مجهودهم و تعبهم معايا و اان فعلا بحب السواقة و عشان كده اى حاجة عاوز افهمها بكتبها و باجى اسئل فيها
ptmnlo123per1140 على فكرة يا دكتور انا مش مكسل و لا حاجة و الله انا بس بحب ابقى عارف المواضيع ماشية ازاى و الحمد لله الشرخ مش كبير فى التابلوه

damdam41 06-04-2010 11:41 AM
رد: اول مرة اسوق و لدى بعض الاسئلة فهل من مساعدة
 
ptmnlo123per1135 هو صحيح الماء الاخضر ده بجيبه منين

meezus 06-04-2010 11:58 AM
رد: اول مرة اسوق و لدى بعض الاسئلة فهل من مساعدة
 
من اى بنزينة

مهند سالم 06-04-2010 12:35 PM
رد: اول مرة اسوق و لدى بعض الاسئلة فهل من مساعدة
 
اقتباس:
المشاركة الأصلية كتبت بواسطة damdam41 (المشاركة 160739)
سلام عليكم
انا اسف لو الاسئلة الاتية طلعت هايفة بس معلش استحملونى عشان انا لسه جديد فى السواقة
- اشتريت عربية بس فيه فى التابلوه بتاع شرخ من الشمس هل ممكن يتعالج و هل ده ليه اضرار
بالنسبة للسؤال الأول الأعضاء الكرام ردوا بما لا مزيد عليه.
- لما بروح مشوار بسيط و ارجع بسمع صوت بقلله كده مع ان درجة الحرارة بتاعة المؤشر منخفضة
أما مسألة البقللة فممكن طبعا زي ما الزملا قالوا، وممكن يكون الماتور واطي، فحاول تظبط الكاربيراتير عند الميكانيكي
- هل ينفع انقل من التانى مثلا للرابع مرة واحدة او العكس ولا لازم التسلسل فى تغيير السرعات
ممكن طبعا بس ده هيخلي العربية تبرجل وتقعد فترة لحد لما الماتور يتظبط لأن كل ترس له السرعة المناسبة ليه، لأن طبعا حضرتك عارف إن السرعة تتناسب عكسيا مع الوزن، بمعنى إن كل ما العربية تبقى بطيئة تبقى أثقل، وبالتالي تحتاج لترس أكبر، ولذلك ترس الأولاني أكبر ترس، لأن العربية بتبقى ثقيلة ومحتاجة لعزم شديد، أما الرابع فده ترس صغير وعزمه ضعيف، فبيبقى محتاج إن العربية تبقى على سرعة عالية عشان يقدر يدفع العربية، أما إنك تحول على الرابع، والعربية لسة ما أخذتش سرعة الرابع يبقى إنت بتجبره إنه يجر وزن أكبر من إلا يقدر عليه، يعني ببساطة بتحمله فوق طاقته وده غلط على الماتور، وهيخلي العربية في الأول تبرجل معاك لحد لما توصل لسرعة الرابع وبعدين يتظبط.
- هو ايه اللى بيحصل لما بنغير فى السرعات يعنى مثلا من التانى للتالت اقصد ميكانيكا
ببساطة زي ما قلت لحضرتك في النقطة إلا فاتت ترس أكبر عزمه أشد بيسلم لترس أصغر عزمه أقل لكن عدد لفاته أكثر ، وبالتالي السرعة بتزيد.
- هل هناك ارقام محددة للسرعات يعنى مثلا الغيار التانى سرعته من كام لكام ولا دى مش ثابتة
طبعا دي مش ثابتة وبتختلف من عربية للتانية، حسب قوة العربية والموديل، وحالة الماتور، لكن عموما ما تشغلش بالك بالحكاية دي، وخليك محترف، يعني خلي ودنك دائما مع الماتور، هو ده المقياس، الماتور هو إلا بيطلب الغيار، لأن ببساطة لما الغيار بيجيب آخره الماتور صوته بيعلى ، يعني ببساطة بيصوت عشان حضرتك تجيب الغيار إلا بعده، لأن المشي على آخر الغيار غلط على الماتور، فالماتور بينبهك.
- هل لازم لما اجى ادام مطب انى انقل للاول ولا اكتفى بالفرامل فقط
خلاص بق خليك محترف، إنت دلوقت عرفت إن كل غيار له سرعة، فببساطة لو إنت هديت لحد لما دخلت لسرعة التاني، يبقى تنقل على التاني، حتى لو كنت قبل كدة على الخامس، المهم سرعة العربية، مطب هادي، وممكن تاخده على التالث، والعربية بالفعل نزلت لسرعة الثالث، يبقى هات التالث، طيب مطب جامد وهتهدي على الآخر يبقى هات الأولاني، وهكذا سرعة العربية هي إلا بتحدد نوع الغيار، ودي مسألة بالتعود، يعني ما السواقة هتعملها أوتوماتك بدون تفكير.
وعموما حاول لما تحب تفرمل ما تجيبش دبرياج الأول، لأن الدبرياج بيفصل الحركة، وبالتالي بيبقى كل حمل الفرملة على الفرامل بس وده غلط ، وهيخلي العربية تاخد وقت على ما تفرمل، يعني ممكن تخبط إلا قدامك قبل ما العربية تقف، لكن الصح إنك تشيل رجلك من البنزين وتحطها على الفرامل من غير دبرياج، وساعتها التروس هتبقى لسة معشقة فهتساعد مع الفرامل على إيقاف العربية، وبالتالي العربية هتقف أسرع وأأمن، وأنا بأقول أأمن لأنك لو دست دبرياج مع الفرامل العربية ممكن تلف معاك، طيب هتقول لو دست فرامل بس العربية هتبطل، أقولك: دي بق الاحترافية، إنك تجيب دبرياج في اللحظات الأخيرة قبل ما العربية تبطل، ودي برده هتبقى سهلة عليك مع كثر السواقة.
وبعدين لما تفرمل تشوف بق العربية جابت سرعة أي غيار، يعني فرملت أدام المطب، والعربية جابت سرعة عشرين، يبقى دي سرعة التاني، هتجيب التاني وتطلع المطب، طيب هديت لحد لما العربية قربت تقف، تجيب الأول وهكذا، المهم ما تجبش دبرياج إلا في النهاية، وإنت بتحط الغيار عشان تطلع المطب، أو عموما قبل ما العربية تقف عشان ما تبطلش
- لو واقف فى اشارة امور العربية و لا ادوس دبرياج و فرامل
الإخوة ردوا.
- هل ممكن العربية تمشى و انا رافع فرامل اليد
طبعا، بس هتبقى ثقيلة جدا، وإنت عشان لسة في أول السواقة مش هتاخد بالك، بس ده غلط على الماتور وعلى تيل الفرامل، فحاول دائما دائما لما تدخل عربيتك، قبل ما تدور شوف حالة الفتيس ، وحالة فرامل اليد، أهم حاجة قبل ما تدور، عشان ما تدورش والعربية واخدة غيار تنط منك، أو تمشي وهي مشدودة فرامل اليد
- اسمع عن تعشيق العربية فكيف ذلك
الإخوة ردوا ، اديها غيار، أو ممكن تشد فرامل اليد، لو متعود تمور العربية وإنت بتركن.
- عاوز اخد كورس ميكانيكة فهل هناك اماكن لذلك
الإخورة ردوا
- عاوز اجيب فرش جلد و ستارة للكنبة الخلفية عشان الاطفال فمن اين ذلك
الإخورة ردوا
- بحس فى الفتيس المانيوال انه صعب الواحد يبقى عارف واقف على سرعة كام الا بالتعود و حفظ موضع السرعات فليه مش عاملين طريقة سهل لتغيير السرعات ولا انا اللى فاهم غلط
طبعا حضرتك فاهم غلط، لأن سبق وقلت لحضرتك سرعة كل غيار هتعرفها ببساطة من تفاعلك مع الماتور، الماتور هو إلا بيحدد سرعة كل غيار، لما تلاقي العربية بتسحب كويس وصوتها ناعم، يبقى إنت على الغيار الصح، لو برجلت منك يبقى إنت طلعت غيار غلط ، لو صوت الماتور علي قوي يبقى إنت نزلت غيار غلط ، وهكذا دي عملية مع التعود هتبقى أوتوماتيكية بالنسبة ليك

انا اسف لو اطلت عليكم و اسف لو فى اسئلة ساذجة بس زى ما قولتلكم انا لسه بقول ياهادى فى السواقة و الف شكر ليكم
أرجو إني أكون أفدت حضرتك وتقبل مروري


الساعة الآن 05:54 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017