الرجل الشومة SHOMA MAN اقوى من بات مان و اسرع من سوبرمان
 

اقتباس: المشاركة الأصلية كتبت بواسطة aga63 http://www.masrmotors.com/vb/AboNoRa...s/viewpost.gif
انا وقفت فى إشاره وأنا راجع بيتى الساعه 3 صباحا كانت الإشاره شغاله فى نص البلد وجت مجموعه من الشباب (أو الهباب) وشاورم ليه إنت واقف ليه لما شاورت على الإشاره رجعوا ورايا وقعدوا يزقوا العربيه بتاعتى من ورا بعربيتهم ويضحكوا !!! وللأسف إضطريت إنى أمشى ماكانش ينفع إنى أبهدل نفسى مع شويه ماإتربوش. حد يقول لى كنت ممكن أعمل إيه مع دول؟؟؟؟
ألله المستعان.

انا عارف ان ردى متاخر جدا عن تاريخ كتابة الموضوع

لكن يا استاذ اجا
حتاخد حقك منهم يوم القيامة و حيندموا ساعتها

الموضوع الى فوق خلانى اكتب الفكرة دى
الرجل الشومة
ده راجل ربنا بعته للشعب المصرى علشان يربيه
يعنى ممكن مشهد من الفيلم يجى الراجل الشومة يروح مدغدغلهم عربيتهم و يبهدلهم
و يقولك متاسفين يا استاذنا
و انت تمشى مبسوط و على وشك ابتسامة رضا

و تخيلوا انتوا بقى باقى الفيلم

اوعى الراجل الشومة

SHOMA MAN اقوى من بات مان و اسرع من سوبر مان و مبيهموش و تلاقيه فى اماكن كتير فى نفس الوقت ( لزوم التعامل مع الشعب المصرى )

ملخص :
تبدأ الاحداث فى صباح يوم عادى جدا على الشعب المصرى و تتوالى المشاهد الى كلنا عارفنها:
1- ناس بتشتم و بتضرب ( و الناس المظلومة نفسها تاكل الى ظلمها )
2- عربيات بتخبط عربيات اضعف منها ( و المظلومين نفسهم عربيتهم تتحول لدبابة تبرشم العربية المفترية )
3- ناس بتاخد حق ناس فى الطوابير ( المظلوم بيتخيل نفسه بياخد الظالم قلمين و قفا )
اكيد فى ملايين المشاهد ( مش حنعجز )

المهم يظهر فى كوكب بعيد شوما مان الى مش عاجبه حال المصريين فيستأذن والده ان ياخد شومته و يلبس رباط اسود على عنيه و يتوكل على الله و يربى الشعب المصرى

المنظومة الكونية الى منها شوما مان عندهم المكان موتغير مع ثبات الزمن عكس عندنا الزمن موتغير مع ثبات المكان
المهم بشكل ما ينجح الرجل الشوما فى الاستفادة من هذا الاختلاف و انه ينقله معاه فيقدر على كوكب الارض ان يتواجد فى عدد لا نهائى من الاماكن فى نفس الوقت

يعنى حاسب بقى حتلاقيه قدامك فى اى حتة

الرجل الشومة ؟

جالنا منين ده يا خويا !!!!!!!!!!!!!ptmnlo123per 1116

الكلام يبتدى يكتر ما بين الناس عن مواقف الرجل الشومة

اكيد كل واحد ممكن يتخيل موقف حصل قدامه او معاه شخصيا و يتمنى ظهور الراجل الشومة لتأديب المخطأين المستهبلين الظلمة المفتريين الجهلة قلالات الادب

انا شخصيا حصل قدامى موقف ححكيه كمثال
مرة كنت فى بورسعيد بزور والدى و والدتى و كنت راكن عند محل الفار الى فى وسط البلد ( ورا الكومبراتيف ) المهم ملقتش ركنة غير صف تانى فقلت لمراتى انا حستنى فى العربية علشان لو حصلت ازمة اتحرك ( طبعا انا غلطان )

قوم بقا و انا واقف الاقى شباب كده ربنا يحرسهم شكلهم طلبة فى كلية شرطة ( العربية حتنطق و تقوول ناقص يلبسوها بدلة و رتب ) تيجى داخله و واقفة عكس الاتجاه و تركن صف تانى فطبعا الشارع مش مستحمل

نزل الباشا و ساب صحابه فى العربية و دخل الفار يتبضع اى يعمل SHOPPING ايوة الله شووووبييينج

المهم انا قلت فى عقل بالى كلمة ( مش مؤدبة حاجة كده زى ..تييييييت..... WHAT THE F) ( برضه انا غلطان )

و بقت حتة لتعليم السواقة مابين عربيته الى بقت قدامى شمال وعربيتى الى ورا شوية على اليمين

وكان نفسى ساعتها يجى الراجل الشومة يجيبه من قفاه من جوة الفار و هوه منغمس فى الشوووبينج و يطلعه برة و يعبطه هو و صاحبه و يدغدغلهم العربية الى كلها مخالفات
و بعدين يرجعلى و .......... ( منا غلطان برضه ) بس يا جماعة انا صاحب فكرة الفيلم عيب يحصلى كده !!!!! ptmnlo123per127

و تتوالى المشاهد ( السلبيات ) ممكن كل واحد يقول رأيه

لغاية لما الناس يجلها ارتكاريا او وسواس قهرى و هلع من الرجل الشومة
كله كبير و صغير ( مسئووليين و اغنياء و موظفيين و شحاتييين و غلابة ) كله خايف يتهزق
فتتحول مصر بفضل الله ( و بسبب الخوف من البهدلة و التهزيق ) الى دولة بنى أدمين
و يختفى الرجل الشومة فجأه
فالناس تستغرب ( ما هى تعودت على التهزيق )

بس بفضل الله الناس كلها اتغيرت و اكتشفت ان اسلوبها الجديد لتفادى البهدلة من الرجل الشومة وصلها انها تعييش حياة افضل بكثيير

فيقرروا انهم ينهضوا بالبلد و يحترموا بعض و يحبوا بعض

بس فى قلة قليلة حترجع تانى تعمل الغلط ( بس حيبقى خايف من ضله لحسن الراجل الشومة يظهرله فجأه ) و ده يبقى اخر مشهد فى الفيلم واحد بياخد على قفاه بس مش من الرجل الشومة لأ من مواطن عادى خايف على بلده لترجع تانى عصر ما قبل الرجل الشومة

اوعى الرجل الشومة

مكنش قصدى بس انا حاسس انه ممكن يبقى زى الراجل بتاع مليودى تتحدى الملل

رد: الرجل الشومة SHOMA MAN اقوى من بات مان و اسرع من سوبرمان
 

بجد والله انت مبدع ptmnlo123per145

بس حتى مع قدراته الخارقة وانيته وقدرته على الانتقال اللحظى انا مشفق عليه من حجم المجهود اللى هيبذله ومرارته اللى هتتفع من الناس وعمايلها

انا عن نفسى اتمنى ان ان ابو شومة يتعطف ويزورنا فى ضواحى عين شمس والمطرية وياريت ياخد جولة ميدانية كده بداية من روكسى مروراً بترعة الجبل يهبد شومة على دماغ كل سواق تاكسى بقف يحمل فجئة فى وسط الطريق او راجل واقف صف تانى مستنى المدام تخلص شوبنج من السوبر ماركت وموقف الشارع وطبعاً شومة لكل من يتجراء ويخطف غرزة عكسى لحد ما يوصل لمحطات مترو المطرية وعين شمس وعزبة النخل والمرج دول هيتعب فيهم جامد لانه هيحتاج شوم كتير لكل سواقين التكاتك والميكروباصات اللى واقفة تحمل من قدام المترو ومعطلة الدنيا بعدين يلف على عين شمس وطبعاً كل سواقين المكروباصات صغيرة او كبيرة محتاجين شوم بزيادة بعدين ممكن يعدى على رئاسة الحى يسلم عليهم برضو من الكبير للصغير نظير اهمالهم للطرق والمرافق واستهبالهم فى البناء المخالف يوم بعد يوم
ممكن بعد كده يطلع على جسر السويس ومن هناك يدور على مفتكسى مشروع تطوير مداخل ومخارج القاهرة ويسالهم عن ما ال اليه طريق جسر السويس بطولة وعرضة لحاد طريق مصر الاسماعيلية وموقف العاشر ده بس فى شرق القاهرة شوف باقى القاهرة محتاج قد ايه

اعتقد اننا فى حاجة الى ابو شومة لكل مواطن

رد: الرجل الشومة SHOMA MAN اقوى من بات مان و اسرع من سوبرمان
 

شكرا كتير جدا يا استاذ ابو نورا انا كنت خايف ميعجبش حد
و دى شهادة من حضرتك اعتز بيها

رد: الرجل الشومة SHOMA MAN اقوى من بات مان و اسرع من سوبرمان
 

بنعنش الموضوع

رد: الرجل الشومة SHOMA MAN اقوى من بات مان و اسرع من سوبرمان
 

رد: الرجل الشومة SHOMA MAN اقوى من بات مان و اسرع من سوبرمان
 

على فكرة موضوعك جميل جدا جا اخى فى الله

رد: الرجل الشومة SHOMA MAN اقوى من بات مان و اسرع من سوبرمان
 

ههههههههههههه والله انت جميل ياابو نورا انا شخصيا لما بنزل عين شمس او المرج بنزل بالمترو لدواعى السلامة ولو مضطر ببيقى رايح ومجهز نفسى على سيرك لان المناطق دى لانظام ولاقانون وبالذات قائدى الميكروباسات والسيارات القديمة اللى فرحانين بمتانة عربياتهم وينط ادامك لانه عارف ان التاثير الكبير هيكون فى العربيات الفافى بتاعتنا واذكر كنا واقفين مستنيين فرج ربنا عند مزلقان العشرين بمنطقة زهراء عين شمس حيث اختلط الحابل بالنابل واللى جاى عكس واللى ناطط على الرصيف ولقيت واحد معاه كوررولا واقف جنبى ميت فى جلده من الخوف من السيرك اللى شغال المهم لما لقيته خايف ومرعوب كده على العربية لتتخبط قلتله خليك ورايا وتصورت انه هياخده الكبر وعزة النفس ويرفض لكن الراجل استسلم لان عربيتى فافى من بتوع اليومين دول وجه ورايا ولزقلى لكن ياولداه الحلو ميكملش بعدى المزلقان ونطت ادامى عربية 125 بقلة ذوق كانت هتطير الاكسدام الامامى تمااما وروحت جارى وراه فى مشهد ميكروباسى ونطيت اددامه وجريت منه وخليته اتلخبط وكان هيلبس فى جزيرة ملهاش اى قيمة بعد المزلقان وببص لقيت صاحبنا بتاع الكورولا بعيييييييد
وبصراحة الراجل الشومة ده هيتعب او ى فى عين شمس والمرج والمطريةان مسابش الشغلة دى وبطلها بسببهم