مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مازدا MAZDA (https://www.masrmotors.com/vb/forumdisplay.php?f=34)
-   -   هل زادت أسعار المستعمل (https://www.masrmotors.com/vb/showthread.php?t=22891)

مهند سالم 27-03-2010 03:57 PM
هل زادت أسعار المستعمل
 
أود أن أستفسر من إخواني في هذا المنتدى الجميل، هل فعلا زادت أسعار المستعمل بسبب إشاعة إحلال الملاكي، وهل هي إشاعة أو حقيقة، منتظر ردودكم، أفيدونا؟؟؟؟؟؟؟؟؟؟؟؟؟؟

corsair 27-03-2010 04:56 PM
رد: هل زادت أسعار المستعمل
 
لا طبعا هيه مش اشاعه بس اسعار المستعمل قلت لان الاحلال ده اختياري مش اجباري ده اولا واللي يقولك غير كدا يبقي عايز لمؤخذه يلبسك في الحيط

مهند سالم 03-04-2010 02:49 PM
رد: هل زادت أسعار المستعمل
 
اقتباس:
المشاركة الأصلية كتبت بواسطة corsair (المشاركة 156444)
لا طبعا هيه مش اشاعه بس اسعار المستعمل قلت لان الاحلال ده اختياري مش اجباري ده اولا واللي يقولك غير كدا يبقي عايز لمؤخذه يلبسك في الحيط
أولا أنا شاكر جدا لاهتمامك، وكان عندي تعليق بسيط، واحد جاري لسة شاري عربية مازدا 323 موديل 1981 ب21 ألف جنيه، مع إن الموديل ده كان بيعمل في حدود 17 ألف، فلما سألت قالوا إن المستعمل كله زاد، وبرده في واحد زميلي نزل سوق الجمعة وجد العربيات 127 الفيات بقت ب14، و15 ألف مع إنها كانت بتعمل 9، 10، فيعني أنا حسيت إن زيادة الأسعار فعلا حقيقة، وده إلا خلاني أسأل، وعموما شكرا على ردك:waving:

AbOnOrA 03-04-2010 04:31 PM
رد: هل زادت أسعار المستعمل
 
بص يا مهند باشا المستعمل كان قل فى السنتين اللى فاتو جامد علشان الزيرو وتحديدا التقسيط كان سهل جداً فكان اسهل حاجة معاك عشر الاف جنيه تروح تاخد عربية زيرو وطبعا اللى معاة عشرين وتلاتين كان اساسى يشترى زيرو بدل ما يجيب مستعمل لكن مع الازمة العالمية وانحسار موجه التقسيط رجع المستعمل يمسك سعر تانى وخاصة الحاجات اللى عليها طلب دايما زى ال 28 والمازدا 323 وانت طالع

بس المستعمل مفيهوش سعر ثابت بشكل مطلق لان الحاجات اللى تحت التسعينات ديه بيبقى فيه تفاوت كبير فى الحالة بين عربية والتانية فكل حاجة قابلة للتفاوض واعادة التقييم
انا كنت بجيب لصاحبى 127 وكانت عروسة بجد وكشفنا عليها وكله تمام والراجل كان بيقول انه باعها اصلا ب 15 ولما قرصنا عليه اخدناها ب 12ونص

يعنى تاخد العربية تكشف عليها الاول وتطلع القطط الفاطسة وتفاصل وتشترى شراء غناوة ومتاخدش باول كلمة

وياريت طبعا تبعد عن التجار خاصة فى الفئه ديه لان المقالب بتبقى كتير منهم

مهند سالم 06-04-2010 02:30 PM
رد: هل زادت أسعار المستعمل
 
اقتباس:
المشاركة الأصلية كتبت بواسطة AboNoRa (المشاركة 159486)
بص يا مهند باشا المستعمل كان قل فى السنتين اللى فاتو جامد علشان الزيرو وتحديدا التقسيط كان سهل جداً فكان اسهل حاجة معاك عشر الاف جنيه تروح تاخد عربية زيرو وطبعا اللى معاة عشرين وتلاتين كان اساسى يشترى زيرو بدل ما يجيب مستعمل لكن مع الازمة العالمية وانحسار موجه التقسيط رجع المستعمل يمسك سعر تانى وخاصة الحاجات اللى عليها طلب دايما زى ال 28 والمازدا 323 وانت طالع

بس المستعمل مفيهوش سعر ثابت بشكل مطلق لان الحاجات اللى تحت التسعينات ديه بيبقى فيه تفاوت كبير فى الحالة بين عربية والتانية فكل حاجة قابلة للتفاوض واعادة التقييم
انا كنت بجيب لصاحبى 127 وكانت عروسة بجد وكشفنا عليها وكله تمام والراجل كان بيقول انه باعها اصلا ب 15 ولما قرصنا عليه اخدناها ب 12ونص

يعنى تاخد العربية تكشف عليها الاول وتطلع القطط الفاطسة وتفاصل وتشترى شراء غناوة ومتاخدش باول كلمة

وياريت طبعا تبعد عن التجار خاصة فى الفئه ديه لان المقالب بتبقى كتير منهم
أشكرك جدا يا أستاذي

miam0502788391 06-04-2010 05:50 PM
رد: هل زادت أسعار المستعمل
 
اقتباس:
المشاركة الأصلية كتبت بواسطة مهند سالم (المشاركة 159434)
أولا أنا شاكر جدا لاهتمامك، وكان عندي تعليق بسيط، واحد جاري لسة شاري عربية مازدا 323 موديل 1981 ب21 ألف جنيه، مع إن الموديل ده كان بيعمل في حدود 17 ألف، فلما سألت قالوا إن المستعمل كله زاد، وبرده في واحد زميلي نزل سوق الجمعة وجد العربيات 127 الفيات بقت ب14، و15 ألف مع إنها كانت بتعمل 9، 10، فيعني أنا حسيت إن زيادة الأسعار فعلا حقيقة، وده إلا خلاني أسأل، وعموما شكرا على ردك:waving:
هو موديل ذى المازدا 323 يعمل 17 لما يزيد يزيد الف ولا اتنين لكن لما يزيد اربعة الاف مرة واحدة يبقى ده اسمه استهبال سوق ايوه استهبال

مهند سالم 10-04-2010 03:47 AM
رد: هل زادت أسعار المستعمل
 
اقتباس:
المشاركة الأصلية كتبت بواسطة miam0502788391 (المشاركة 161034)
هو موديل ذى المازدا 323 يعمل 17 لما يزيد يزيد الف ولا اتنين لكن لما يزيد اربعة الاف مرة واحدة يبقى ده اسمه استهبال سوق ايوه استهبال
والله يا أستاذي هو الموضوع له جوانب كثير مخلية السوق عامل زي سوق الطماطم زمان، فاكر مقولة: مجنونة يا قوطة، هو السوق دلوقت عامل كدة، ما تقدرش تتوقع بكرة فيه إيه، بس عموما أقدر أقولك إن الأزمة إلي فاتت وخلت المستعمل كله نزل شبه انتهت، والمستعمل هيبدأ يعلى تاني، لعدة عوامل:
أولا: إشاعة إحلال الملاكي، الكل عايز يسلم العربية القديمة وياخد زيرو بدون ضرائب وبقسط مستريح.
ثانيا: العيوب الكثير والسخيفة إلي عمالة تطلع في الزيرو، يعني حضرتك شايف مفيش شركة إلا وعمالة تسحب عربيات من السوق، ده طبعا زرع الشك في قلوب كثير من الناس من ناحية الزيرو.
ثالثا ودي نقطة مهمة جدا: قطع الغيار النار بتاعت التوكيلات، يعني مش يبقى حرام لما يقى الإكصدام ب700 و800 جنيه، والمرايا يا عالم ب400 و500 جنيه والبيبان والشبكة والفوانيس حدث ولا حرج، يا أستاذي ده انا قرأت مرة في أسعار توكيل الهوندا إن الدينامو مش عارف بألفين وكام، يعني ده مش حرام. يبقى يحيى المستعمل، تنزل بخمسة آلاف جنيه تهد عربيتك وتبنيها. وربنا يستر علينا وشكرا ليك


الساعة الآن 11:37 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017