|
القطع الجديدة لتويوتا كورولا MMT
السلام عليكم ........ النهاردة رحت سلمت عربيتي في مركز خدمة أبو رواش عشان تركيب القطع الجديدة وكنت رايح من غير حجز علي واحد معرفة في قسم الميكانيكا بس الحمد لله خدوها وهستلمها ان شاء الله يوم الخميس لأن بعد ما القطع بتركب لازم يجربوا العربية 30 كم . ولما سألت مهندس الصيانة عن القطع الي انها (أسطوانة ودسك ومحور ووصلات الكترونيك) عربيتي هتكون العربية رقم 22 اللي هيركب لها القطع في مركز أبو رواش . وعلي حسب كلام الناس في قسم الصيانة ان القطع خلت العربية تختلف تماما وأصبحت أكتر سلاسة في الشفتات .... وبصراحة أنا متفائل:HAPPY_~211::HAPPY_ ~211: في ملحوظة ...الناس ممكن يحجزوا في أي مركز خدمة غير العباسية عشان يركبوا القطع الجديدة مش لازم يستنوا اتصال الوكيل بيهم ... ولو حد أخد خطوة في الموضوع ده ياريت يعرفنا وأنا هتابع معاكم باستمرار يوم ما أستلم العربيةptmnlo123per154 :waving::waving::waving: |
رد: القطع الجديدة لتويوتا كورولا MMT
ربنا يرجعهالك احسن من الاول :)
و تتحل المشكله بتاع الفتيس دا و مستنيين تقييم بعد عمليه التعديل:HAPPY_~211: |
رد: القطع الجديدة لتويوتا كورولا MMT
ان شاء الله هيبقى فى تغيير
ومستنين رأيك بعد التجربة |
رد: القطع الجديدة لتويوتا كورولا MMT
انا احترم تويوتا اكثر بعد الازمة الاخيره الى عنده تويوتا يحس انه مسنود جامد اوى انى عندى لانوس |
رد: القطع الجديدة لتويوتا كورولا MMT
أنا استلمت العربية النهاردة الحمد لله بعد بهدلة لمدة يومين من غيرها في المواصلات من غير كلام كتير العربية بالنسبالي اختلفت بنسبة 100% من ناحية :: 1-النقلات بأت أسرع بكتير من الأول. 2-في سلاسة في النقلات واختفاء النتشة الخفيفة بعد الغيارات نهائيا . 3-معدل استهلاك البنزين قل بنسبة ملحوظة جدا في عداد ال range (يعني الفل دلوقتي عاد بيعمل 500كم تقريبا)كانت الأول 420كم بس. غير كدة أنا ما كنش عندي مشاكل من الأول في الفتيس أصلا لا كان بيفصل ولا بيقطع ولا حصل معايا أي حاجة من الكلام الكتير اللي سمعناه من الناس كل الفرق اني حسيت ان الفتيس أصبح أكثر سلاة من الأول بدرجة ملحوظة وعرفت كمان انهم ركبوا الشريحة الذكية بتاعة حل مشكلة دواسة البنزين مع العلم انه لم يظهر أي حالة منها في مصر (الحمد لله).. أحب أطمن ملاك كورولا MMT ان القطع الجديدة والخدمة وسرعة الاستجابة من تويوتا ايجيبت هتكون مرضية لهم بنسبة 100%(ان شاء الله)...وان شاء الله محدش هيفكر في البيع ولو حد عنده أي استفسارات أنا لسة متابع....... |
رد: القطع الجديدة لتويوتا كورولا MMT
ألف ألف مبروك يا أستاذ vortec حضرتك طمنتني كتير... و يا رب يديك خيرها و يكفيك شرها إن شاء الله.
بس حضرتك ليه بتقول نحجز في أي مركز خدمة غير العباسية؟ أنا حجزت في العباسية و قالوا لي بعد شهر ياترى ممكن أي مركز تاني يكون أقرب؟ و يا ريت لو حضرتك تعرف حد علشان أنا قربت أعمل صيانة العشر آلاف و عايزة أروح أعملعها و أعمل الفتيس بالمرة. و ألف مبروك مرة تانية |
رد: القطع الجديدة لتويوتا كورولا MMT
الله يبارك فيكي أ.عبير أولا بالنسبة لمراكز الصيانة العباسية بيكون زحمة جدا جدا وأقرب حجز فيه بيكون مش أقل من أسبوعين ده بالنسبة للصيانة فما بالك بأة بتركيب القطع الجديدة.مركز أبو رواش كويس جدا وبيكون فاضي بس مشكلته ان مفيش مواصلات من عنده وفيه كمان مركزالعبور . الشخص اللي أعرفه مسافر اليابان بعد بكرة دورة تدريبية لمدة 4 أسابيع تبع تويوتا لو حضرتك هتستني الفترة دي هكلمهولك |
| الساعة الآن 10:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017