ابيزا ولا بطه ولا اكسنت
 

السلام عليكم جميعا

عايز اعرف انهى احسن ياجماعه من الناحيه الأقتصاديه ولأداء

ابيزا 94 ولا متسوبيشى بطه ولا اكسنت 1500 عشان انا محتار جدا بينهم ويهمنى قوى استهلاك البنزين والتكيف لأنى بعمل مشاوير كتير

ارجو الأفاده

رد: ابيزا ولا بطه ولا اكسنت
 

طبعا انسى الابيزا علشان تلاقى عربية ماسكة نفسها واعتمادية واقتصادية دون التفريط فى اداء جيد او مقبول تكون لانسر يليها الاكسنت عربيتين تمام اهم حاجة تاخد حاله كويسة وبلاش تسرع اهتم المحرك وحاله الجسم والعفشة واساس السيارة ومتخليش قراءة عداد الكيلو متراج للمسافات المقطوعة يخدعك مش مهم حاله الدهان والفنش والخرابيش والفوانيس والكاوتش اهم حاجة المضمون زى ما قلت محرك + الجسم كاساس + العفشة وشكرا

رد: ابيزا ولا بطه ولا اكسنت
 

ميتسوبيشى لانسر من افضل السيارات اعتماديه فى السوق المصرى والعالمى بلا منازع ....ومعروفه جدا لدى كل الناس .... وسياره نظيفه محرك وسهله الصيانه .....وانتشارها دليل على قوتها وهيبتها
هى الاختيار الاول لك بدون اى نقاش
الاختيار الثانى يكون لهيونداى .... اعتماديه فى السواقه .... مصاريف تشغيل رخيصه ....
ايضا انتشارها دليل على قوتها

رد: ابيزا ولا بطه ولا اكسنت
 

تمام
أولا البطة ثم الاكسنت
ولو الاكسنت 1300 cc يبقى افضل من ال 1500

رد: ابيزا ولا بطه ولا اكسنت
 

رد: ابيزا ولا بطه ولا اكسنت
 

حاسس ان في تحامل علي الابيزا شوية بس انا عارفها و حافظها فا هقول رأيي فيها بكل حياديه

بالنسبة لتوفير البنزين الموتور عمل معايا 200 في الصفيحة و مع الحرق و الجري ! و مكنتش عامل صيانه و طقم الدبرياج كان محتاج تغيير ! و علي فكرة انا نقلاتي الطبيعيه علي 4000 rpm و الحرق ممكن اوصل ل6000 rpm فا طبيعي ان ده يزود الاستهلاك جدا !

بالنسبة للتكييف لو الموتور حالته حلوه و التكييف اللي محطوط اصلي بيبقي جامد جدا عليها انما لو الموتور حالته نص نص انسي التكييف هيموتها

بالنسبة للاعتمادية البطه ممتازة و الابيزا ممتازة لكن الاكسنت لا تسمو حتي لمستوي البطه !

بالنسبة للثبات الابيزا ثباتها ممتاز و و البطه ثباتها حلو الاكسنت ال 1500 معاك لحد 160 و الكلام ده عن تجربه بعد كده انساها هتلعب بيك علي الطريق احلي لعب و ال 1300 بعد 120 ضايعه !

بالنسبة للاقتصاديه الابيزا اقتصاديه جدا في قطع غيارها لانها مش بتستهلك قطع غيار كتير و مش لازم ايدك تكون فيها علي طول لو جه عليك وقت و مش فاضيلها و هي محتاجة صيانة او حاجة تتغير عادي ! انا ماشي بسير الدينامو بقاله شهر عايز يتغير و عادي ! مشيت بالكبالن الخارجيه بايظه 8 شهور عادي جدا !! و مبعملش صيانة بأستمرار و الزيت لما مببقاش فاضي بسيبه يعد 12 15 الف عادي ! تحت ايدي حاجة بتستحمل فا لما بتزنق في الوقت و مببقاش فاضي بتستحملني

من الاخر رأيي تحصر اختياراتك في الابيزا او البطه مع الوضع في الاعتبار ان الطابع العائلي للبطه مش موجود في الابيزا لانها عربية شبابيه في المقام الاول او لعائلة صغيره