|
هو ايه حكاية العيال دول مع المنتدى ؟
ايه حكاية اختراق المنتدى كل شوية دى يا جماعة ؟ واللى ملاحظه كمان انهم نفس العيال اللى اخترقوه المرة اللى قبل كده !! طيب هما عايزين ايه ولا مين اللى زاقيقهم ؟؟ واضح انهم متفرغين للمنتدى ده وماوراهومش غيره مع انى مش عارف ليه يعنى لو كان منتدى دينى أو سياسى كانت حاتبقى مبلوعة انما منتدى عربيات حايخترق بمناسبة ايه ؟!!! تكونوا مثلا غلطوا فى ماركة صينى ولا حاجة واصحاب الماركة اتغاظوا منكم فزقوا العيال دول عليكم ptmnlo123per111
حاجة غريبة بصراحه والله يكون فى عونكم على البلاوى دى |
رد: هو ايه حكاية العيال دول مع المنتدى ؟
ربنا يهدى اهم حاجة الامن مستتب
|
رد: هو ايه حكاية العيال دول مع المنتدى ؟
الامن مستتب و طبعا دى ناس فاضية مش لاقية حاجة تعملها
اى منتدى معرض للاختراق مش شرط عشان منتدى سيارات انه يكون غير معرض لاى هاكر |
رد: هو ايه حكاية العيال دول مع المنتدى ؟
حسبى الله ونعم الوكيل بعد اذن الادارة ياريت ياخدو بالهم من الموضوع ده وموضوع ترتيب المنتدى على محركات البحث |
رد: هو ايه حكاية العيال دول مع المنتدى ؟
أنا باعتقد والله اعلم ان العيال دول ما دام اخترقوا المنتدى تانى يبقوا يا اما سايبين bug قديمة بالمنتدى لم تكتشف فرجعوا يوقعوه بالثغرة دى تانى اثباتا للقوة وده يبين انه مجرد عيال بتلعب يا اما إذا كانت الثغرة بتاعة المرة اللى فاتت اتقفلت واخترقوا المرة دى بثغرة جديدة يبقى دول مستقصدين المنتدى فعلا وفيه حاجة بتدفعهم لاختراقه .
برضو من الضرورى ان الاستضافة تكون عند شركة متابعة على اخر الثغرات وقفلها وبرضو لازم تحديث اصدار المنتدى أول بأول يعنى المنتدى اصداره 3.7.0 واخر اصدار دلوقتى 3.8.5 واهمية التحديث متمثلة فى أن من عيوب المنتدى ده انك لو ما كنتش شغال باخر اصدار أو حتى تجيب الباتش اللى بتنزله vb أول بأول حايبقى المنتدى معرض للاختراق أنا اللى اعرفه أن البشمهندسين بتوع vb أول ما بينزلوا تحديث بيقولوا على الثغرات اللى كانت فى النسخ القديمة والمخترقين ما بيصدقوا يلاقوا منتدى بنسخ قديمة . |
رد: هو ايه حكاية العيال دول مع المنتدى ؟
وأدى المنتدى اخترق للمرة التانية فى اقل من اسبوع ، وانا لله وانا اليه راجعون
|
رد: هو ايه حكاية العيال دول مع المنتدى ؟
بالمناسبة فيه اخ كان سبق ونبه إلى أن كود ال html لازم يتقفل والإدارة قالت ما ينفعش بسبب ان المواضيع حاتبوظ ، أنا شايف ان لو باظ تنسيق بعض المواضيع اهون بكتير من اختراق المنتدى كل شوية ووقوعه كله ، وممكن فى المستقبل تعيد الإدارة تنسيق المواضيع بكود bb وممكن للمساهمة يشارك بعض الاعضاء فى اعادة تنسيق المواضيع مرة أخرى .
لازم يا جماعة تقفلوا الكود ده لأن اغلب الظن الاختراق بيجى من طريقها . |
| الساعة الآن 07:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017