|
عاوز اعرف كل حاجه عن البرافو ال150حصان
عاوز اعرف كل حاجه عن البرافو ال150 حصان بالتفصيل 1-امكانياتها 2-عيوبها 3-البنزين المستخدم
|
رد: عاوز اعرف كل حاجه عن البرافو ال150حصان
الفيات برافو هى الجيل الجديد من سيارات فيات العائلية الصغيرة, و التى جاءت بعد فشل الستيلو, مما جعل فيات تسميها برافو تيمنا بالبرافا/برافو الناجحة جدا.
معها عادت فيات الى الأناقة و الشراسة الايطالية فى التصميم, بعد خطوط الستيلو الهادئة و التى اعطتها الطابع الالمانى. هدف البرافو فى الاساس منافسة سيارات مثل الجولف, و البيجو 308, و قد نجحت عموما فى خطف البساط, أفضل ما فيها هو المحرك المبتكر و القوى, ذو ال150 حصانا, و المزود بشاحن هواء تربو تى جيت, بالاضافة الى الطابع الرياضى الشرس. البطاقة الفنية للسيارة: المحرك : العزم : 152 باوند عند 2250 لفة/دقيقة, القوة الحصانية 150 حصان عند 5500 لفة/دقيقة, علبة التروس : علبة تروس يدوية ذات 6 سرعات امامية و واحدة خلفية, الوزن : 1275 كغ. التسارع 0-100 كم/ساعة فى 8.5 ثانية. التجهيزات : تكييف هواء ذى تحكم اوتوماتيكى, جنوط المونيوم, 8 ايرباج, مرايات كهربائية, زجاج كهربائى, مثبت سرعة, مشغل اسطوانات, Blue&Me لوصل التليفون المحمول بالسيارة عبر البلوتوث و التحدث من خلال كاسيت السيارة و قراءة الرسائل. الأمان : 5 نجوم فى اختبار الأمان الاوروبى EuroNCap. المفترض استخدام بنزين 95 , لكن سمعت ان البعض يستخدم بنزين 92 دون مشاكل. ده اللى قدرت اجمعه عن السيارة, الباقى يا ريت حد عندو العربية او ساقها يقولنا احساس القيادة و مميزتها و عيوبها. |
رد: عاوز اعرف كل حاجه عن البرافو ال150حصان
بص يا فادى انا لو هفيدك هفيدك في البرافو التوب لاين بدون التربو يعنى التسعين حصان بس
لو عايز تعرف اي حاجة قولى على فكرة انا العربيا ديه اعدت معايا شهرين وعملت بيها فوق ال15 الف كيلو بسبب كتر السفر بين اسكندرية وشارم والغردقة وشارم وحصلي مواقف كتير بيها وهفيدك في اي حاجة انشاء الله بس انت تأمر |
رد: عاوز اعرف كل حاجه عن البرافو ال150حصان
ممكن اعرف يااخ mrdiver ايه المشاكل الي فيها طالما انت جربته وسوقتها
|
رد: عاوز اعرف كل حاجه عن البرافو ال150حصان
انا معايه ال120 حصان بصراحه مشاء الله عليها بجد فيات طلعت ممتازه بعد مجربتها عربيه ثباااااااااااااااااات جرايه وعزم شديد من الاخر اللى انت عاوزه هى هتعملو بس اديها بنزين وبخصوص البنزين عادى والامان مشاء الله عليها حصلت ليا حادثه بعد 3 شهور كنت واقف فى البركن بتاع كارفور واحد راكب ماتركس بشنب كان طاير دخل فى الباب بتاعى كنت منزل االازاز و مغيرتش غير هيكل باب فقط فيها 4 اير باج اتنين قدام واستاير للسواق اللى جنبو بخصوص السرعه طلقه مبالك ال150 تبقا صاروخ الطاره فى غايه السلاسه بجد اشكرك يا فيات على الجوهره برافو بس اللى غيظنى ان لما حد من اصحابى يشوفها يقولى ياعم دى فيات بس بصراحه مفيش فى مصر عربيه زى البرافو مش عشان انا جبتها بس دى الحقيقه لان اللى يشوفها من بره مش زى اللى يسوقها كفايه لما بوقفها قدام الكليه الاقى الكل يبص عليها عشان عارف انها مميزه مش زى السيراتو اللى بقت مليانه مصر وبقت بالنسبه للناس عادى سواق الاسبور او العادى وفى النهايه ربنا يرزقك بيها ويكفيك شرها وبخصوص الامان زى مقولتلك الماتركس الونش شالها والناس مستغربها المنظر الماتركس جايبه ريداتير واكسليتير وزى المتور واقع وعمال تسقط فى حجات الناس مزهوله والى حصل عندى الباب اتطبق من تحت وبيفتح ويقفل عادى اى خدمات
وتحياتى للجميع |
رد: عاوز اعرف كل حاجه عن البرافو ال150حصان
اقتباس:
مشكلة اللى كانت معايا 1 - بالنسبة لانى كنت بتعامل معاها بطريقة غبية سفر مستمر مسافات فوق كلمة طويلة فا زيتها بينقص زيت الموتور بس 2 ديما شكل الطنبور لونه مدى على اورانج شبه مصدي بس ملكش دعوة بالفرامل لانى مجرب الاوكتافيا ومجربها وتخيل لما اقولك ان فراملها اقوى من الاوكتافيا مرتين تلاتة الكاسيت بتاعها بيعلى مع السرعه بس مش علو فوليوم لو انت حطه على واحد لما بتجري تلاقي الفوليوم بئه اتنين لا هو هو الواحد بس بئه جااامد في سفر المسافات الطويلة ودانك متستحملهوش لان نقاء الصوت الكاسيت اوفر اوى يعنى البيس بس والتويتر تويتر فهتصدع هتصدع عيب الهاي لاين بس ال90 حصان انها مش جراية يعنى السادس بتاعها ممكن تلائيه مبيسحبش ومنتش محتاجه فى ال90 حصان لانك لو على 160 وحطه ممكن لو مشغل المثيت تلاقي السرعه بئت 140 بس الموضوع دة في 90 حصان بس وهيا لحد 140 عمتا جرايا اوى بس بعد كدة العزم بيقل والتجميع بيمووت متفكرش تشد بيها مع حد عشان هيطلع منك لو راكب لانوس بس لو راكب ال 120 او 150 روح شد مع اودى وبي ام وانت هتمسخرهم وعلى فكرة الاستيبول بتاع الفئي اللى كانت معايا هو هو الاستيبول بتاع ال150 العربيا عملة شبه الخرتيت حوووووووووت ملفات ملهاااش حل الثبات بتاعها على العموم حاجة اقل ما يقال انها ملوكى وانا عن نفسي مشوفتش كدة قبل كدة من العيوب كمان التابلوه لازم تقفل الازاز لو انت ماشي او مسافر لانه هيترب بسرعه زهتاخد فترة كبيرة في تنضفه نظرا لحجمه وتضاريسه ولونه الكربون اللى بيوضح لون التراب جدا ومبينفعش يتمسح بمناديل لانها بتفرول فقيه بصراحة ملهاش اي عيوب حقيقية انا عصرالك مخى على فكرة بس فعلا مفيش وبالنسبة للناس اللى قالت خامات الزراير ففكك الكلام ببلاش روح اتفرج واحكم وبالنسبة لمسافة الكرسي اللى ورا للرجول فممتازة وشنطة العربيا 450 لتر غوووول الوحيدة اللى تتفوق عليها الاوكتافيا بس لانها مفيش حد شنطته اكبر غير التمساحة هههههه وبس اي حاجة تانة انا معاك مفيش مشاكل ومعلش انى اتخرت فى الرد انا مبفتحش هنا كتير بسبب قلة احترام الاعضاء مع بعضهم والادارة ناايمة فى المخلل |
رد: عاوز اعرف كل حاجه عن البرافو ال150حصان
حاجة مهما اوىىى نسيت اقلهالك
العربيا الابعاد بتاعتها ضااايعه تماما والفاميه ميخلكش تعرف ترجع بضهرك باليل لو الشارع ضالمة بس برده ابعاد الهوندا السيفيك الججديد نفس الوضع انا مجربها |
| الساعة الآن 01:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017