|
ايهما افضل الفيرنا ستار ولا اللانوس
ايهما افضل الفيرنا ستار ولا اللانوس وايه عيوبهم ؟ |
رد: ايهما افضل الفيرنا ستار ولا اللانوس
لكل منهما خصائص والخيار لك ايهما انت تفضل وليس ايهما افضل
اولا السيارتان تقريبا من نفس الفئة الا ان اللانوس تتفوق على الفيرنا من حيث طول قاعدة العجلات وبالتالى ابعاد اللانوس اكبر وتلاحظ ذلك بشكل ملحوظ فى الحيز الداخلى وخاصة المتوفر لارجل ورؤس المقعد الخلفى الذى هو الفيرنا فى منتهى الضيق بعكس اللانوس التى هى اوسع والمقاعد افضل اى توفر راحة داخلية افضل من ناحية اجهزة التعليق والعفشة تتفوق هنا بشكل ملحوظ ومحسوس الفيرنا على اللانوس التى تتوفر بتعليق خلفى شبة مستقل ومزودة بنوابض او مساعدين مرنة جدا مما يؤثر بالسلب على اداء السيارة من ناحية التماسك والثبات خصوصا فى الطرق السريعة وحتى على السرعات المنخفضة نبض مرن بشكل مزعج مما يبعد عنها اى شعور بالتادية الرياضية بعكس تماما الفيرنا التى تاتى بنظام تعليق مستقل خاصة للعجلات الخلفية ونوابض متوسطة القساوة مما يعكس اداء متماسك وثابت المحركات تاتى اللانوس بخيار وحيد وهو 1500 سىسى يوفر عزم لاباس بة مناسب وقادجر على بلوغ سرعات عالية لكنة محرك مريح جدا لانة يستخرج قدر كبير من عزمة عند عدد لفات لا يتعدى 3000 لفة لكل دقيقة واقصى عزم تقريبا عند 3400 مما يعطى راحة فائقة على السرعات البطيئة والمتوسطة وتسارع جيد بعكس الفيرنا التى تاتى بخياران 1500 سى سى و 1600 سىسى ونستبعد خيار الاول ذو 1500 لانة اثبت عدم كفاءتة بالاسواق غير انه انتج منة عدد لا بأس منة معيب وبالتالى نتكلم عن محرك 1600 هو محرك عصبى جدا نشط يوفر للسيارة نسبة وزن للقوة عالية فى فيئتها ولا غبار علية علبة تروس اللاانوس فقط يدوية كسوله بعض الشىء فى نطاق معين من اللفات لكن ما تلبس ان تختفى الضعف وتنطلق بك سريعا الفيرنا امامك خياران احدهما يدوى يتفاعل جيدا مع المحرك مما يوفر قيادة بنكهة عصبية رياضية لا غبار علية كذلك الحال بالنسبة لصندوق السرعات الاتوماتيكى سريع الاستجابة خصوصا ان المحرك ينتج طاقة عالية نسبة الى وزن السيارة وبالتالى يتفاعل جيدا بين النقلات مستوى التشطيب والجودة متقاربتان ذات جودة متوسطة مقبوله حال معظم التجميع المحلى لكن هذا ربما يعوض عنك بقطع غيار متوفرة فى كل مكان باسعار زهيدة وصيانة ليست معقدة والان ليس ايهما افضل او اسوأ فلكل سيارة سيدى ما لها وما عليها والسؤال الان ىايهما تفضل انت ؟؟ ومت بود |
رد: ايهما افضل الفيرنا ستار ولا اللانوس
اسف جدا ودمت بود ولك منى فائق التحية والاحترام
|
رد: ايهما افضل الفيرنا ستار ولا اللانوس
شكرا يا مان
|
رد: ايهما افضل الفيرنا ستار ولا اللانوس
انا رجعت نقلت نفس الرد عزيزى لانى لاحظت كدة انه نفس السؤال او الاستفسار ولك منى خالص التحية والاحترام
|
رد: ايهما افضل الفيرنا ستار ولا اللانوس
اخى العزيز لاكى مان اعزك الله دوما
انت عارف انا اعمل فى السعوديه ومعايا هيونداى اكسنت 2004 اللى هى فيرنا انت عارف سياره رائعه جدا معايا بس انت عارف فى احد الايام كنت ماشى تقريبا على سرعه 90 كم / ساعه ولفيت يسار فجأه السياره اتزحلقت منى ولفت حول نفسها كذا لفه وطلعت فوق الرصيف ونزلت الجانب الاخر وكان فى الجانب الاخر مول دخلت داخله بس الحمد لله لم تحدث خسائر كبيره ولله الحمد فأنت عارف دا اللى مخوفنى من الفيرنا وخلانى عاوز اجيب اللانوس ومتهيألى ان اللانوس افضل فى القياده انا عاوز اجيب السياره جديده للاستعمال فى الاجازات وارفعها تانى الى الاجازه اللى بعدها وطبعا هسافر بيها كتير للعين السخنه واسكندريه بمعدل رحلتان على الاقل اسبوعيا فعشان كدا عاوز اجيب اللانوس او الفيرنا او الهيونداى النيو اكسنت ( ممكن احاول اجيبها ) انتظر تعليقك النهائى |
رد: ايهما افضل الفيرنا ستار ولا اللانوس
الله ينور عليك يا استاذ لكي مان لكن بحب اعلق بس علي نقطة وهي وسع الصالون من الداخل مفيش شك ان الانوس اوسع من الفيرنا من الداخل ولكن القاعدة فيها متعبة بعكس الفيرنا حيث ان الصالون من الداخل مريح جدا وليست ضيقة اوي يعني ده اولا وثانيا بالنسبة للاستاذ خالد اولا الف سلامه عليك يا استاذ خالد واللي حصل ده ممكن يكون نتيجة عوامل كتيرة اولا ممكن يكون الكاوتش النقشة بتاعته ممسوحة فده طبيعي انها تلف بيك كدا ياما كان في ميه او الارض مندية فعلشان كدا لفت معاك وثانيا معروف في الدنيا كلها ان الفيرنا ثباتها اكبر من الانوس بمراحل لان الانوس عالية فالثبات بتاعها ضعيف وثانيا الانوس شكلها متغيرش من 12 سنة تقريبا كدا بيقلدو الللادا ويوم ما فكرو يغيرو فيها شالو علامة الدايو وحطوا علامة الشيفورليه ده كان اخرهم لكن الفيرنا ماتور اقوي عفشة انعم سعر اعادة بيع افضل عزل افضل صوت ماتور انعم ثبات افضل شكل خارجي افضل من وجهة نظري طبعا سهل معرفة ابعادها بعكس الانوس الناس كلها بتشتكي من عدم رؤية نهاية الكابوت وتابلوه الفيرنا افضل بكتير من الانوس وتكييف الفيرنا اقوي ولا يؤثر علي الموتور نتيجة قوة الماتور ولكن الانوس يميزها وسع الصالون ولكن بفرق بسيط عن الفيرنا وعن تجربة وانها اعلي من الفيرنا ويميزها فقط في المطبات ولكن علي الطرق السريعة يكون ثباتها ضعيف بسبب هذا العلو ويعيب الفيرنا ضعف فراملها مقارنة بقوة الماتور ولكن ثباتها ممتاز بناء علي تجربة شخصية ماشي بيها 190 زي الالف ومشيت بيها 160 وانا سايب الدريكسيون والعربية زي الالف بسم الله ما شاء الله والفيرنا استار يميزها شكلها الرياضي من سبويلر وعتب رياضية وشبكة امامية رياضية وهذه كل معلوماتي عن الاستار الجديدة وربنا يوفقك في الصالح وتقبل تحياتي
|
| الساعة الآن 12:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017