|
مساعدة في شراء بولو 1995
السلام عليكم
ارجو النصيحة بخصوص شراء بولو 1995 1300 سي سي عاملة 36 الف جنيه باور تكييف سنتر علما بانها اول مرة اشتري سيارة واول مرة اسوق العربية اكتر حاجة عجباني فيها شكلها طبعا بس خايف ابهدلها وخايف اكتر من قطع الغيار ما اخبيش عليكو العربية دي هادفع فيها تحويشة العمر ولو اتخبطت ها اروح فيها يار يت نصيحة مخلصة بخصوص العربية دي تنصحوني بيها ولا لاء واخد بالي من ايه وانا با اشوفها في انتظار اراء الخبراء |
رد: مساعدة في شراء بولو 1995
العربية ممتازة و قطع الغيار أسعارها متوسطة
البولو عربية ممتازة بشرط 1- قطع الغيار أصلية 2- التصليح عند متخصص للفولكس فقط حضرتك سيبك من الشكل ، خد العربية علي ميكانيكي متخصص فولكس و هو يحددلك مستواها ، لو ملعوب فيها إوعي تشتريها لأنها حتبهدلك |
رد: مساعدة في شراء بولو 1995
العربيه طبعا ممتازه بس الحاله هى اللى تحدد
بس انا شايف ان السعر ده مبالغ فيه جدا انا واحد صاحبى بيشترى واحده الايام دى بولو 2001 ب 32000 عامله 100000 ك انا ان مو95 1300 وال2001 1000 بس دى وجهه نظرى والله الوفق |
رد: مساعدة في شراء بولو 1995
السلام عليكم
اشكر الاخوة اللي ردو عليا وياريت لو في اراء اخرى انا مستني |
رد: مساعدة في شراء بولو 1995
بولو 95 فوكس 1300 سى سى
طبعا عربيه فوق الممتازة انا كان معايا العربية دى و قعدت معايا اكتر من سنة و ندمت اشد الندم انى بعتها خدها و اتوكل على الله اولا فرق السعر بينها و بين ال2001 مش بعيد لكن الفرق فى قوة الموتور ال95 موتور 1300 و ال 2001 موتور 1000 سىسى و دى لما تشغل التكيف و لا اكنك راكب فسبا ثانيا معظم الحديث برازيلى او تقفيل غير الالمانى ال95 المانى او اسبانى عزم ممتاز و قطع الغيار متوفرة و فيه حاجات معينة من قطع غيار الاوبل كورسا بتركب عليها الموبينة طرمبة البنزين او الرداخ اتوكل على الله و خدها و هتدعيلى |
رد: مساعدة في شراء بولو 1995
طيب ممكن حد يقوللي أول ما اشتري العربية ايه هي القطع اللي لازم تتغير او ضروري اكشف عليها لما اجي اشتريها
ياريت المساعدة من الخبراء |
رد: مساعدة في شراء بولو 1995
بص ياباشا انا معايا بولو ودى تالت عربيه اركبها والله العربيه اللى انت بتقول عليها لو سليمه ومش ملعوب فيها هتريحك اخر راحه ومش هتحب عربيه غيرها اولا قوه ثبات متانه واقتصاديه جدا فى البنزين وقطع الغيار بقت اغلب العربيات زى بعضها تعتبر اتسعارها متوسطه والله يااخى عربيتى 1000 ccولما بحط لها بنزين 95 بشد مع اجدع عربيه توكل على الله اشترى الالمانى ملوش حل |
| الساعة الآن 09:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017