استفسار عن المتريكس
 

السلام عليكم

انا مقبل علي شراء عربيه ماتريكس 2009
بس الي لاحظته في المتريكس انه مع انها عائليه الا ان موتورها 1600 و 103 حصان

هل موتور بالامكانيات ديه هيتحمل الاحمال الكبيره و هل العفشه بتاعتها تتحمل برده الوزن ده كعربيه عائليه؟؟؟؟؟؟؟؟؟؟؟؟؟؟

ارجو الافاده

رد: استفسار عن المتريكس
 

اهلا بيك فى مصر موتورز وكل سنة وانت طيب http://araboz.com/images/icon/ramadan.gif

الماتريكس 102 حصان بس العربية نفسها خفيفة والموتور عصبى كفاية (بيدى عزم كبير على عدد لفات قليلة) ومع الباور الناعم مبتحسش ان العربية كبيرة خالص او تقيلة
لاكن
نسب الاجهادات على مكونات العفشة (اى عفشة) بتزيد بالتحميل لاكن الشركة بتقول انها تشيل لحاد 530 كجم حمولة وده رقم مش قليل بردو

رد: استفسار عن المتريكس
 

موضوع الحمولة دة من رائى انها هتشيل حمولة زى اى عربية 1600 سى سى والعربيات العائلية كلها معروف انها بتستوعب 5 اشخاص بالغين بكامل امتعتهم؟؟؟
واغلب العربيات فى الفئة دى بتشيل حدود 500 كيلو

رد: استفسار عن المتريكس
 

السلام عليكم
و كل رمضان وانتم بخير
مشكور ليكم يا شباب بجد رايكم ريحني كتيير
بس سوال تاني ptmnlo123per144

بالنسبه للمساعدين لان واحد قاللي ان المساعدين بتاعتها ناشفه عشان كده مع الاوزان العربيه مبتهبطش بتفضل عاليه عن الارض
هل ده صح؟؟؟؟؟؟

وشكرا علي الردود يا شباب

رد: استفسار عن المتريكس
 

وكل سنة وحضرتك طيب

طبيعى ان المساعدين يبقى مشوارهم اقل علشان العربية اعلى ديه حاجة اساسية فى التصميم والا العربية هبقى بتعوم جامد وده مش حاصل فى الماتريكس وبعدين اصلا العربية عالية حضرتك خايف من الهبوط ليه

رد: استفسار عن المتريكس
 

شكرا علي الرد اخي الكريم

بس انا قصدي ان وظيفه المساعدين انها تقدم نوع من المرونه مع المطبات و الحفر عشان متاثرش علي العفشه وكمان تبقي مريحه للراكب في نفس الوقت

الي بسمعه ان المساعدين بتاعت الماتريكس ناشفه و ده معناه انها مبتقومش بالوظيفه بتاعتها

وده الي بسمعه لاني بامانه مركبتهاش وده الي عايز اعرفه من اي حد جربها او ركبها هل المساعدين ناعمه ومرنه مع المطبات ولا لا؟؟

رد: استفسار عن المتريكس