|
صيانة 1000 كيلو متر
اخوانى انا اشتريت عربية فيرنا2010 يوم 14/2/2010 وعاملة لحد دلوقتى 960 ك.م
عاوز اعرف من حضراتكم : اولا صيانة 1000 كم عاوز اروح يوم الجمعة الجاية اعمل الصيانة فهل فى مشكلة لو عديت 1000 كم بـ100 أو 200 كم علشان شغلى مش هعرف اخد اجازة علشان اروح التوكيل ومفيش معاد مناسب بالنسبة لى غير الجمعة وهل دا خطر على العربية أو فى مشاكل فى التوكيل لو مرحتش فى الميعاد اية اللى بيعملوا التوكيل فى صيانة 1000 كم اية المصاريف اللى ممكن تدفع فى التوكيل علشان ابقى عامل حسابى اية الاجراءات اللى ممكن اعملها قبل ما اروح التوكيل اتصل بيهم مثلا واحجز ميعاد ولا اروح ليهم على طول وممكن احجز قبليها باسبوع ولا مش ممكن وهل فى ورق اخده معايا وانا رايح غير الرخصة ولا اخد كل ورق العربية ارجو الرد وشكرا لاحلى منتدى اخوكم م.عصام مهنى |
رد: صيانة 1000 كيلو متر
يفضل تروح ابل الف كيلو بس لو اتاخرت شويه عادى بس متزودش عن 200
خد رخصة العربية وكتاب الضمان عشان يختمولك فيه صيانة الالف مجانية دون حق الزيت والفلتر حوالى150ج احجز ابل متروح وروح بدرى افضل والف مبروك |
رد: صيانة 1000 كيلو متر
اقتباس:
بس اخى الكريم أحجز بالتليفون تليفون غبور 16101 باتصل ومحدش بيرد عليا لو فيه رقم ارضى أو موبايل اتصل بيهم اكون شاكر لحضرتك |
رد: صيانة 1000 كيلو متر
انا كنت بتصل بالرقم ده وبيردوا عليا
حاول تانى |
رد: صيانة 1000 كيلو متر
روح ابو غالي اللي في العبور ممتاز بناء علي تجربتي معاه وتقدر كمان تتدخل تشوف عربيتك بيتعمل فيها ايه ومش لازم تحجز انا بروح من غير ما احجز لكن لو عايز تروح غبور فانا برشحلك ابو رواش احسن مليون مره من قليوب لان قليوب زحمة موت وعربيتك بتتقلب بسرعه ومفيش ريحة الضمير وعن تجربة بردك ورقم الحجز 16101 ده مبدئيا لازم تاخد معاك رخصة العربية طبعا وهما مبيخدوش منك غير رخصة العربية فقط وكل اللي هيتعمل فيها هيتغير زيت زي ما انتا عايز 5000 او 10000 وانا بنصحك ب 5000 لان الصيف داخل وال 10000 هيتعب الماتور في الصيف جامد في الشتا حط 10000 وفي الصيف خليك في ال 5000 كيلو وبيغيرو فلتر الزيت فقط لا غير ولو هتعمل صيانة ال 5000 كيلو هتتكلف عليك 250 جنيه لكن لو هتعمل صيانة ال 10000 هتتكلف عليك في حدود 350 جنيه بالمصناعية وتغير الزيت والفلتر واول 1000 كيلو بتعمل اي حاجه مجاني في العربية بالنسبة لو انتا بتشتكي من زوايا او ترصيص او اي حاجه تخص العربية هيعملوهالك ببلاش بس ده في ال 1000 كيلو فقط وكمان لو انتا عايز اي حاجه تاني ابعتلي رسالة علي المنتدي وانا هرد عليك وبالنسبة لموضوع انك تحب تمشي زيادة 100 او 200 كيلو علي 1000 كيلو عادي مفيش مشكلة بس نصيحة متعديش ال 1200 كيلو بردك علشان متتعبش الماتور عندك اوك وربنا يديك خيرها ويكفيك شرها
|
رد: صيانة 1000 كيلو متر
اية رايكم فى فرع غبور فى الاسكندرية؟؟؟؟؟؟؟؟؟؟؟؟؟؟؟
|
رد: صيانة 1000 كيلو متر
انا فى صيانة ال1000 رحت ابو رواش و للاسف كانو مش رابطين غطاء زيت الموتور كويس لولا انتى اخدت بالى و انا بشييك على العربية!, نصيحة اكشف على العربية كويس قبل متسيب التوكيل |
| الساعة الآن 06:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017