|
غطا وفرش نيو أكسنت سبور ...
السلام عليكم ورحمة الله وبركاته الحمد لله لسة مستلم عربية نيو أكسنت سبور من حوالي أسبوع ... العربية لسة أبيض مافيهاش أي حاجة اتظبطت ، وكنت ناوي أول لما أرخصها إن شاء الله أظبطها غطا للعربية وفرش وطقم دواسات وكافر للطارة وممكن mp3 ، وسمعتكم ما شاء الله سابقاكم وناوي أنزل أظبطها من عندكم بس كان عندي كام استفسار : * العربية في الفرش زيها زي النيو أكسنت الموديل العادي ، عندكم جاهز ولا تفصيل ؟ ويكلفني كام ؟ * "بما إنها جديدة فشكلها متغير شوية عن النيو أكسنت العادية" فهل ألاقي غطا عملي وخفيف للعربية ويغطيها كلها مش منظر بس من فوق كده وخلاص ؟ كمان يكلف كام سواء كان جاهز أو تفصيل ؟ والوقت ياخد أد إيه لو تفصيل ؟ نقطة تانية تهمني جداً بصفة عامة في أي حاجة هجيبها للعربية ... تبأة حنينة في سعرها http://www.masrmotors.com/vb/images/icons/icon10.gif لإن العربية الجديدة زي ما إنتو عارفين سحبت الي ورا والي قدام في مصاريف التعاقد والترخيص والتأمين وخصوصاً إنها قسط فلسة بدري على مصاريفها كمان فالعملية مش ناقصة خالص أي سحب جامد تاني :HAPPY_~211: ... بس في نفس الوقت مش عايز أجيب أقل حاجة الي هي تمشي الحال وخلاص لإني مستحرم أبأة جايب جديد وأخلي شكلها وحش بفرش عادي ... فنفسي بجد ألاقي الحاجة المعقولة الحلوة وفي نفس الوقت سعرها مناسب ... |
رد: غطا وفرش نيو أكسنت سبور ...
يا ترى استفساري صعب أوي كده ولا إيه ؟!
|
رد: غطا وفرش نيو أكسنت سبور ...
كل الى حضرتك عيزو موجود ان شاء الله
اما بنزبا للاسعار ارجو الاتصال الفرع |
رد: غطا وفرش نيو أكسنت سبور ...
اقتباس:
أنا ع العموم إن شاء الله هنزل فرع وسط البلد هو الأقرب ليا ... يعني ياريت متوسط للسعر حتى عشان أعرف أنزل بكام : الغطا : فرش جلد حلو ومعقول في سعره : طقم دواسات : كافر للطارة : mp3 : ومعلش هتعبك لو توصفلي الطريق للفرع ده وأنا هكون جاي من 26 يوليو داخل على طلعت حرب ... |
رد: غطا وفرش نيو أكسنت سبور ...
رجااااااء سرعة الرد ptmnlo123per156
أنا جاي بكرة أو بعده بالكتير إن شاء الله وعايز أعمل حسابي ... |
رد: غطا وفرش نيو أكسنت سبور ...
الأول ألف شكر على الرد السريع !
أنا رحت الفرع فعلا بعد ما دورت وسألت والي فادني في الطريق حد معرفة من برة ... وفعلا جبت الحاجات الي كنت عايزها من عندكم ، والله أعلم اتظبطت في أسعارها ولا عادي لإني بكل بساطة ماعرفش الأسعار وعشان كده كنت بستفسر هنا في الموضوع ده في ساحة المفروض إنها معمولة عشان الاستفسارات الي زي كده ... ما علينا ... خلينا في المهم ، أنا جبت طقم دواسات حلو الصراحة تقيل وشكله كويس بـ65 جنيه بس متهيألي غالي شوية ، وجبت كمان غطا ووتر برووف خفيف بـ 75 ، واتفقت على فرش جلد رمادي في أحمر (العربية لونها فيراني) بـ 340 بالمصنعية ... ومالقيتش mp3 ، وكافر الطارة قالي الي موجود دلوقتي مش هيعجبك بس لما تستلم الفرش هتلاقي حاجات كويسة إن شاء الله ... بصراحة بردو الراجل اداني بوكت هدية الي بيتحط فيه الموبايل أو الجنيهات والانصاص المعدن لو نويت أشغلها دور دائري وأنا مروح م الشغل http://www.masrmotors.com/vb/images/icons/icon10.gif ... ملحوظة : أنا لو كنت بسأل حضرتك عشان تقولي "كل الحاجات موجودة واتصل بالفرع" يبأة سوري مالهاش لازمة الساحة دي تتعمل من أساسه ويبأة كفاية أوي إعلان أو موضوع مثبت في الساحة الرئيسية مكتوب فيه المنتجات والعناوين وأرقام التليفونات أو لينك صغير زي الي في التوقيع عندك مكتوب فيه السايت بتاع سبير كار ! |
| الساعة الآن 07:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017