|
مساعدة ضرورية جداااااااااااا (وصف طريق توكيل قليوب)
السلام عليكم
انا هتعبكم معايا ياريت حد يشرحلى ازاى اروح توكيل هيونداى اللي في قليوب لاني هروحة بعد يومين لوحدي ومش عارفة اروحه ازاى علما اني ساكنة في المعادي ياريت تقولولي ازاى اوصله من الكوبرى الدائري اللى في المعادي ولكم جزيل الشكر |
رد: مساعدة ضرورية جداااااااااااا (وصف طريق توكيل قليوب)
أنا هحاول أساعدك ... بس حسب معلوماتي الدائري هيبقي طويل جدا
فلو دي معلومة مظبوطة ... يبقي أفضل تاخدي الكورنيش عادي خالص و تعدي التحرير و تفضلي مكملة علي الكورنيش لحد شبرا الخيمة (دي مش مسافة كبيرة و لا حاجة أعتقد نص ساعة مثلا) بكده هتبقي علي طريق مصر اسكندرية الزراعي و بالظبط 10 دقايق أو حسب الزحمة هتبقي عند التوكيل. بس التوكيل هيبقي الناحية التانية (الاتجاه اللي رايح القاهرة يعني) ... مممم مش عارف أقرب دوران للخلف ممكن يكون فين...أعتقد انك تكملي قليوب لحد البنزينة و تدخلي من يمين البنزينة (مدخل قليوب) و تلفي عشان تاخدي اتجاه القاهرة و ده تقريبا 10 دقايق لحد ماتلفي ... بس حسب الزحمة. يعني ببساطة انتي هتمشي طواااااااااااالي مع الطريق من المعادي لحد قليوب. بصي هي دي وصفة أكيد توصلك 100% مافيش فيها غلطه ... انما في طريق تاني أفضل من ده الخقيقة ماعرفش. |
رد: مساعدة ضرورية جداااااااااااا (وصف طريق توكيل قليوب)
احسنلك واسرعلك هتخدي طريق المعادي الدائري الجديد وهتاخدي الدائري لحد نزلة طريق مصر اسكندرية الزراعي واول ما هتوصلي علي الدائري لنزلة اسكندرية الزراعي هتبصي شمالك وانتي علي الطريق هتلاقي يفطة عمو غبور وخدمة هيونداي بس نصيحة من اخوكي خليكي في مركز ابو رواش افضل منه بكتير وخدمات افضل لكن قليوب زحمة جدا جدا وخدمة مش كويبسة وبيقلبوا العربية بسرعه ومبيلحقوش يبصوا علي حاجه في العربية بناء علي تجربة شخصية ابو رواش اقربلك وهترتحي هناك اوي وناس كويسين جدا هناك هتخدي بردك طريق المعادي الجديد وتنزلي علي الدائري وبعدين تنزلي نزلة المحور هتخديه لحد اخره وهتنزلي نازلة مصر اسكندرية الصحراوي وبعد بنزية امارات مصر هتخدي يمينك وهتلاقي المركز علي بعد 400 متر بعد ما تخدي يمينك علي اليمين
|
رد: مساعدة ضرورية جداااااااااااا (وصف طريق توكيل قليوب)
شكرا جدا علي مساعتكم فعلا افيدوني جدا والله وان شاء الله اردها لكم
|
رد: مساعدة ضرورية جداااااااااااا (وصف طريق توكيل قليوب)
اي خدمة هتلاقي GOOGLE EARTH في خدمتك
|
رد: مساعدة ضرورية جداااااااااااا (وصف طريق توكيل قليوب)
بصى فعلا أيتامكو (أبو رواش) أحسن ودة طريقه انك تمشى من على دائرى المعادى لحد الوصلة الجديدة بتاعت المريوطية وأخرها شمال وتنزلى على الدائرى هيبقى الصحراوى على بعد تقربيا 3 كم هتنزلى على الصحراوى وبعديها هتمشى لحد بنزينة أمارات مصر والشارع الى بعدها بالظبط يمين بعد 400 متر هتلاقى المركز على اليمين (طبعا طريق الاخ كورسير صح بس أطول شوية )
أما لو عايزة تروحى قليوب فنفس طريق كورسير بالظبط وهتلفى من تحت كوبرى قليوب والشارع اللى قبل المركز هتخشى يمين فى شمال عشان الباب بتاع المركز من الطريق الفرعى مش من على الزراعى |
رد: مساعدة ضرورية جداااااااااااا (وصف طريق توكيل قليوب)
بصي لو عايه تروحي لتوكيل قليوب بتاع غبور انت تاخدي الكورنيش طوالي اسهللك اينعم زحمه بس اقصر هاتمشي الكورنيش علي طول من المعادي لحد التحرير ومن التحرير علي كورنيش ماسبيرو و بعديها الوكاله و روض الفرج و المظلات و بعدها علي طول في سنه يمين هاتلاقي نفسك في الموسسه و بعدها علي الكريق الزراعي و بعديها طوالي علي الكريق الزراعي هاتلاقي بنزنه مصر البترول تخليها علي شماللك و تدخلي من يمينها و تاخدي اليوتيرن و ترجعي تاني كانك راجعه علي مصر و بعديها هاترجعي علي طريق مصر كانك راجع هاتمشي شويه و قابلي الدائري ب200 متر تهدي لان ليه داخله صغيره اوي لو فاتتك
او ممكن تتصلي بيا اقوللكلان الناس اللي وصفوا ليكي دول مش مضبوط اوي لانك هاتوهي لو روحتي بالطريق ده اوكي انا محمود 0111708095 لاني انا من شبرا و علي طول في التوكيل في اي غلطه هاتوهي |
| الساعة الآن 06:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017