|
حد يواسيني ... منتهي الإستهتار
حد يواسيني والله زعلان جدا ... عربيتي السيراتو الجديده إتخبطت ... الموضوع حصل يوم السبت عندنا في العبور وأنا رايح الشغل عديت علي الصيدلية عشان أجيب حاجه للصداع .... الشوارع فاضيه والجو جميل وكانت الساعة تقريبا 9صباحا ... ركنت عدل بحزا الرصيف ودخلت الصيدلية في الجانب الأخر من سنتر عندنا في العبور إسمه سنتر الياسمين .... المهم بعد عشر دقايق رجعت لاقيت الكشاف اليمين الامامي مغدغ والإكصدام الامام من ناحية اليمين مكسور هو وقربة غسيل الزجاج وكبوت العربية مطبق من الناحية اليمين وطالع فوق البربريز من جهة اليمين .... انا صعقت لما شوفت الموقف ده ... ولاقيت الراجل بتاع الفرن الأفرنجي بيقولي الموتسيكل إللي خبطلك العربية جري من هنا إلحقه ...... قلت طب ها لحقه إزاي ... من غير عربية .... طب خدت نمره قالي ملحقتش ..... حد يواسيني بجد متضايق من فوضي الشوارع وقلة الضمير وماليش نفس خالص ( أنا مش معترض علي قدر الله فإنه لا يغني حذر من قدر ) بس إتلاف أموال الناس بقي سهل جدا الأيام دي ... ها أقول إيه حسبنا الله ونعم الوكيل ptmnlo123per172
|
رد: حد يواسيني ... منتهي الإستهتار
لا حول ولا قوة الا بالله
معلهش ربنا ربنا يعوض عليك يا رب و الحمد لله انها جت فى العربية ,, الفلوس متعوضة بإذن الله |
رد: حد يواسيني ... منتهي الإستهتار
اقتباس:
انما معلش انا عندى سؤال مهم هى كل الخساير دى عشان موتوسيكل خبطها؟؟؟؟؟ptmnlo123per144 |
رد: حد يواسيني ... منتهي الإستهتار
قدر الله وماشاء فعل أنا معاك فى أن فوضى الشوارع وصلت الى حد مش موجود فى أى دولة آخرى، وليس لنا الا أن نقول فرج الله قريب انشاء الله |
رد: حد يواسيني ... منتهي الإستهتار
"لتبلون فى أموالكم وانفسكم "صدق الله العظيم , ودا طبعا بلاء فلتصبر ولتحتسب -"ما اصاب من مصيبه فى الأرض ولا فى انفسكم الا فى كتاب من قبل ان نبراها ان ذلك على الله يسير لكى لا تأسوا على ما فاتكم ولا تفرحوا بما ءاتكم والله لايحب كل مختال فخور"صدق الله العظيم -فالحمد لله ان المصيبه جت فى الحديد اللى يمكن تعويضه وانها مجتش فى النفس -وربنا يعوضك خير ان شاء الله
|
رد: حد يواسيني ... منتهي الإستهتار
اقتباس:
|
رد: حد يواسيني ... منتهي الإستهتار
عزيزى خالد باشا ! قلبى معاك وأشعر بشعورك علشان أنا عندى أختها !
و طبعآ الصداع ما راحش ولا حاجه بعد زيارتك الآجزخانه ! بس أنا لى سؤالين عقلانيين و أرجوا ألا تأخذهم بحساسيه ! أولا : صعب جدآ بالوصف ده انه يكون موتوسيكل اللى عمل كده ! فوانيس ماشى لكن كبوت كمان !! أظن الراجل اللى قال لك كده بيضللك ! لآن لو موتوسيكل عمل كده كان صاحبه دلوقت فى الآخره ! ثانيآ : أنا معاك انها فوضى مروريه ! بس حتى لو مسكت اللى عمل كده ما كنتش ح تاخد حق ولا باطل ! لييييييييه ! لآن حضرتك كنت واقف غلط و عكس الاتجاه ! فى الحاله دى ممكن القانون يكون فى صفه هوه ! يعنى انت لو راكن صح ! يبقى الفانوس اليمين ناحية الرصيف ! لكن انت واقف معاكس و هوه ماشى فى الاتجاه السليم ! ممكن يقول أى حاجه - ماشفتش ! ما توقعتش ! الخ الخ ....أنا آسف بس اللى حصل حصل ! و قدر الله و ماشاء فعل ! والله يلعن اللى صدعك و خلاك تروح الآجزخانه ! Dr. Bolbolan ptmnlo123per122 |
| الساعة الآن 12:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017