|
## طلب من الإخوة المغتربين ##
الرجاء من الإخوة المغتربين اللي سافروا بعربياتهم قبل كده من الخليج لمصر وبالعكس لو يقدروا يساعدوني في الحصول على خريطة مبسطة للطريق لأن عرفت إن فيه طرق مختصرة ، وياربت كمان من خلال تجربتهم حد يقولي أحسن ميناء هل ضبا ولا نويبع ولا إيه بالضبط ؟؟؟
أنا أصلي إن شاء الله نويت أنزل بالعربية الأجازة ديه وربنا يستر ... شاكر لكم مقدماً |
رد: ## طلب من الإخوة المغتربين ##
اقتباس:
أخى جاء من العين فى الامارات لمصر بالسياره كثيرآ ! و مما فهمته منه ان رجال الحدود على السعوديه بيعطوه خريطه للطرق اللى ممكن يمشى فيها بالآسماء والآرقام علشان ما يلوش فى الطريق ! من عندى فى الخبر و هى أمام البحرين بالضبط و بينهم كوبرى ! المسافه للقاهره شخصيآ 2200 كم برى ! ضيف عليهم من عندك حوالى 500 كم أو أقل ! بتمشى موازى للخليج شمالا حتى قبل الكويت بشويه وتدخل يسارآ الى حفر الباطن ثم تبوك ثم حدود الآردن ! ثم عبارة العقبه نويبع ! يفضل لك 5 ساعات للقاهره ! الطريق التانى من سلوى عندك لمكه ( وتعمل عمره و تدعيلنا ) ثم جده ( مركب يومين للسويس ) أو ضبا شمالا و موازى للبحر الآحمر و منها الى سفاجا ! المركب 12 ساعه و البوت الطائر 3 ساعات ! بس ممكن ما تلاقيش و تبات يومين تلاته ! انما العقبه شغاله على طول ! أرجوا أن تكون أخذت معلومه جديده أو نافعه وخلينا نشوفك ! ملحوظه : أنا ما حضرتش عزومة الكباب بتاعة السنه اللى فاتت ! ptmnlo123per111 Dr. Bolbolan :HAPPY_~211: |
رد: ## طلب من الإخوة المغتربين ##
اقتباس:
|
رد: ## طلب من الإخوة المغتربين ##
أنا جاي من الدوحة يعني أساسا طريق سلوى . يا دكترة العزومة متشالة للسنة ديه إن شاء الله بس ضبط حضرتك مواعيدك معايا . موضوع العمرة للأسف مش هينفع لأن العيال هيبقوا معايا ومش عايز أتعبهم . اللي فهمته دلوقتي إني هاخد طريق سلوى زي وإحنا رايحين الحج لغاية حدود السعودية وبعدين أطلع على تبوك من تبوك بقه ضبا ولا إيه بالضبط ؟ وإيه الفرق بينها وبين العقبة ومين أسرع وأامن في العبارات (خايف منها قووووي ) !!!!! أفيدونا أفادكم الله |
رد: ## طلب من الإخوة المغتربين ##
اهلا بيك يا باشا الى نادى السفر البرى
ان شاء الله ليا مشاركة تانية مع حضرتك فى المساء و مبدئيا كدة يا باشا ممكن تبص على الموضوع ده http://www.masrmotors.com/vb/showthread.php?t=13668 |
رد: ## طلب من الإخوة المغتربين ##
اقتباس:
الى العقبه ! يعنى عديت أكتر من تلات أرباع المسافه و ضبا حتبقى وراك للخلف ييجى 1300 أو 1500 كم ! أنا أرشح لك طريق تبوك العقبه لآن العباره بتاعة العقبه ساعتين تلاته بس فى بحر يشبه حمام السباحه لآنه نهاية البحر الاحمر والاجراءات فى نويبع زفت بس أرحم من سفاجا ( جهنم ) اللى لازم تروحها لو رحت عن طريق ضبا ! بس خللى بالك ! فيه منفذين من السعوديه للآردن ! حسب ما أسمع ! الآول بينه وبين ميناء العقبه 13 كم فقط ! والتانى 375 كم من أوسخ وأخطر الطرق اللى على الجبال و منحنيات ! عمومآ هات خريطه من على النت وانت ح تشوف الكلام ده ! وكان فيه خريطه تقريبآ للطرق لآى مكان فى العالم وأنا طلعتها السنه الماضيه تعطيك المسافات مثلا من الدوحه للقاهره بالرسم وخطوط الطرق وأرقامها و مراحل الطرق والسرعات والمسافه والوقت التقريبى لكل مرحله والكلى ! وتقؤيبآ هى Driving Live Maps أنا نسيت الآسم بالضبط بس العب فى الآلفاظ دى و ح توصل و ح تدعيلى ! بس كتر الطحينه والشطه ! ptmnlo123per154 Dr. Bolbolan ptmnlo123per122 |
رد: ## طلب من الإخوة المغتربين ##
طب اطلع بالخريطة يا دكترة وأنا أزودلك الشطة والطحينة !!!!!!!!!!!!!!!!!11 |
| الساعة الآن 01:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017