لوجان ولا أوبترا
 

السلام عليكم و رحمة الله و بركاتة
يا جماعة عاملين إية معلش هتعبكم معايا
أنا كنت من فترة هجيب لوجان بس حصل ظروف و أجلت الموضوع فدلوقت الحمد لله خلاص جهزت الفلوس
بس محتار جدا بين اللوجان و الأوبترا
هو فرق 17000 تقريبا بين الأثنين فهل الفرق بينهم يستاهل المبلغ ده ولا أخليني في اللوجان و خلاص
ياريت تقولوا بأمانة يعني بلاش الأهواء الشخصية في الموضوع يعني مش ايلي عنده لوجان يقول لوجان و كده يعني
و مستني رأيكم عشان بإذن الله أخلص الأسبوع ده

رد: لوجان ولا أوبترا
 

رد: لوجان ولا أوبترا
 

عزيزى لكل سيارة ميزة انت عايز اية احتياجاتك اية لازم تحدد علشان بعد كدة عملية الاختيار تكون اسهل السياراتان لا باس بهما لكن طبعا هناك اختلافات مثلا لو بنظرة سريعة تلاقى ان اللوجان مصنوعة داخليا من مواد بلاستيكية قاسية اى مواد رخيصة لكن بتستحمل جدا وعند ناس كتير مش مهم او مش عامل بيحدد اختيار السيارة نقطة تانية اللوجان نظام تعليق شبة مستقل وبالتالى اداء التماسك بالتاكيد اقل من النوبيرا فى المقابل تلاقى ان النوابيرا مصنوعة داخليا من مواد ارفع فى المستوى اجهزة تعليق مستقله مما يضمن اداء ثابت وتماسك جيد على الطرق السريعة والمنحنيات الخ لكن فى الوقت نفسة اللوجان صفقة فى غاية الذكاء سيارة اقتصادية ذات تصميم عصرى تتمتع بسعة داخلية فائقة فى فئتها اقتصادية تشغيل ممتازة يعنى القيمة مقابل ما تدفعة من مال تحصل على سارة مدينة ممتازة طبعا مع الاخذ فى الاعتبار الفرق فى السعر الكبير بالنسبة للثمن الكلى للسيارة فى الامور بهذا تصب فى خانة اللوجان فما الداعى ان تدفع مال اكثر فى حين يمكنك ان تقتنى سيارة جديدة تحت شعار اسم موثوق وتوفر ما تبقى لك من مال لتستمع به كاستثمار اخر ولك منى خالص اشكر والاحترام

رد: لوجان ولا أوبترا
 

عفوا انا اقصدفى المداخله السابقة الاوبترا لاننى بلخطا كتبت نوابيرا على كل الاحوال الاوبترا هى الجيل الاحدث للنوبيرا وهى دايو نوبيرا ولكن لاسباب تسوقية تسوق فى بعض الدول كمصر تحت شعار واسم شيفرولية كما الحال مع الرينو اللوجان هى داتشيا لوجان ولكن تسوق كذلك فى مصر تحت اسم وشعار رينو الفرنسية وهى مور نفسية الخ ولكم منى فائق الشكر والاحترام اعزائى رواد منتدى مصر موتورز

رد: لوجان ولا أوبترا
 

رد: لوجان ولا أوبترا
 

عفوا
أنصحك بتجربة التوكتوك اللي بتقول عليه ،،، لان اللوجان عربية محترمة جدا جدا و أنا شاريها علي الزيرو موديل 2009 تقفيل اوروبي و كان سعرها 75000 ج و كان قريب جدا من سعر الاوبترا في وقتها

قد تكون الاوبترا أحلي في الشكل ، أو أكبر حجما و لكن هذه مسألة اذواق فيه ناس بتفضل البودي الملموم علشان الركنة و كذلك ناس كثير بتقول في رايها ان اللوجان اشيك و كفاية انها رينو .

اللوجان
قوية كهيكل
واسعة جدا من الداخل و كذلك الشنطة
تكييف قوي و ما بيحملش علي الموتور بدرجة ملحوظة
تقفيل نظيف جدا
ايرباج
جنوط 15 ( يعني بودي عالي عن الارض و مناسب جدا للشوارع المصرية)
موتور ميجان 1 وهو 1600 كامة واحدة علوية مشهود له بالقدرة علي الاحتمال (الميجان 1 من 99 و مشفتش او سمعت عن عربية بتدخن أو فيها عمرة) و كمان اقتصادي جدا (من 300 - 350 كم \ صفيحة)
ثابته جدا جدا علي الطريق ( مناورات علي سرعة 180 كم طريق مص الاسكندرية الصحراوي )
كمبيوتر معلومات
عدادات ديجيتال

و اعتقد أنه كمان بالاضافة الي كل ذلك سعرها الان منافس جدا جدا

و عيبها من وجهه نظري هو ضعف الباور ووجود رعشة عند لف العجل علي الاخر و الله اعلم هل المشكلة دي لسه في المغربي و لا اتحلت خلاص ؟؟؟

ملحوظة :
الكثير ممن اعرفهم يمتلكون الاوبترا بيشتكوا من استهلاك كبير للبنزين ، تيل و طنابير ، و ملاحظات كثيرة حول التقفيل و العفشة و ناس كثيرة جدا بتقول ان الافيو برقبتها كما كان الحال زمان فالكثير كانوا يوصو باللانوس عن النوبيرا

نصيحتي للاخ صاحب الموضوع


هات اللوجان و مش هتندم و فرق الفلوس انت اولي بيه و خصوصا ان البنزين شكله هيغلي في الشهور القليلة القادمة و العربية استهلاكها حلو جدا و مش هتلاقي حاجة ثانية 1600 جميع الكماليات و ايرباج و كمبيوتر معلومات و ماركة محترمة بالسعر ده في اي ماركة اخري

رد: لوجان ولا أوبترا
 

شكرا يا جماعة علي ردكم و مشاركتكم
بس انا شايف اني أنا كده بقيت محتار أكتر من ردودكم
انا سئلت واحد بتاع معرض قالي الأثنين حلوين برضة بس الأوبترا لو حبيت تخلص منها في أى وقت هتعرف تبعها علي طول و بسعر كويس و حجتها متوفرة و ممكن يتوفق بينها و بين حجات اللانوس
فأنتوا إية رأيكم في الكلام ده
عشان يا جدعان أخري بكرة الساعة 9م عشان أروح اخلص الإجراءات