|
الى كل ملاك وخبراءالريجاتا افيدونى
ان مقبل على شراء الريجاتا بعد اللى انا قرأته عنها هنا فى المنتدى واللى قدامى دلوقتى عربيه موديل 85 وهى 1300 سى سى وهى 85 اس و تقريبا ريجاتا العاديه وليس بها تكيف والزجاج الامامى كهرباء وبها فتحه سقف وجنوط نازله بيها وليس بها بارومه وحالتها كويسه بس العربيه من الخلف واطيه شويه بس المكانيكى بيقول دى ورقه السوسته عايزه تتقنطر فتعلى العريبه وفى صوت فى الدريكسيون المكانيكى بيقول ده عمود ايه مش عارف بظبط بس بيقولى العربيه كويسه ومطلوب فيها 22 الف نهائى انتوا ايه رايكم فيها وايه اللى لازم يتغير اول ما اشتريها علشان العربيه تبقى فايقا معايا معلش انا طولت عليكوا بس معلش اصل انا معرفش حاجه عن العربيه دى خالص غير انها ايطالى وبس<!-- google_ad_section_end -->
|
رد: الى كل ملاك وخبراءالريجاتا افيدونى
ايه يا شباب محدش عايز يرد عليه ليه
|
رد: الى كل ملاك وخبراءالريجاتا افيدونى
على فكره يا شباب هى طلعت 1500 سى سى
|
رد: الى كل ملاك وخبراءالريجاتا افيدونى
السلام عليكم مبروك العربية اول حاجة تعمل صيانتها غير الزيت على طول وطقم الفلاتر والسيور وتكشف على زيت الفتيس ومية البطارية الريجاتا عربية محترمة وبى التوفيق
|
رد: الى كل ملاك وخبراءالريجاتا افيدونى
شكراااااااااااااا على هذه الملومات
|
رد: الى كل ملاك وخبراءالريجاتا افيدونى
اهم حاجة المصفحة اللي اللي تحت المتور ركبها ماتفكهاش عشان في ناس بتفكها عشان لما بتركب بتبقا نازله حوالي عشرة سنتي فابتبقي قريبة من الارض فالناس بتشلها لاكن دا غلط جدا لانك لو بصيت من تحت هاتلاقي الفتيس مافيش حاجة تحمية يعني لو غطا بلاعة ولا مطب عالي هايكسر الفتيس لاكن لو المصفحة راكبة ولبست بلاعة اخرها مسمار المصفحة هايتكسر
|
رد: الى كل ملاك وخبراءالريجاتا افيدونى
بس كتير عليها يا باشا ده اولا
تانى حاجة انا معايا ريجاتا برضو لو مش مستجعل دور تانى كويس 85 مش جديد اوى و مفيهاش تكييف ولا زجاج كهربا و بالتمن اللى انت بتقوله كتير عليها انا اشتريت الريجاتا اللى معايا 88 ب 30000 وقت ما كان سعر العجل عالى بس هات موديل اعلى و حكاية السوست دى هيجى بعدها تلاقى القنطرة دى فكت و هيقولك نغير سوست و الصوت اللى قدام لو تخبيط هتلاقى البارات بتاعت علبة الدريكسيون لكن قدام مفيش عواميد هى العلبة كلها على بعضها و لو قصدك العموب ناقل الحركة من العلبة للطارة تبقى العربية اصلا حالتها مش اوى و برضو قيس كبس الموتور كام فالمية و شوف |
| الساعة الآن 12:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017